يَشُوع 23:13 - الكتاب المقدس بالعربي الدارجي هنا تشاد

¹³ خَلَاصْ، أَعَرْفُوا كَدَرْ اللّٰهْ إِلٰـهْكُو بَتَّانْ مَا يَقْلَعْ أَرْض الْأُمَمْ دَوْل قِدَّامْكُو. وَ هُمَّنْ يَبْقَوْا لَيْكُو مِثِلْ أَمْ كَجَّامَةْ وَ شَرَكْ وَ سَوْط الْيَفْرُشْكُو وَ شَوْك فِي عُيُونْكُو، لَحَدِّي كُلُّكُو تِكَمُّلُوا فِي الْأَرْض السَّمْحَةْ دِي الْأَنْطَاهَا لَيْكُو اللّٰهْ إِلٰـهْكُو.

يَشُوع 23:13 Referenca të Kryqëzuara

تَثْنِية 7:16

وَ تِدَمُّرُوا كُلَّ الشُّعُوبْ الْيِسَلِّمْهُمْ لَيْكُو اللّٰهْ إِلٰـهْكُو وَ مَا تِحِنُّوا فَوْقهُمْ. وَ مَا تَعَبُدُوا إِلٰـهَاتْهُمْ أَشَانْ مَا يَبْقَوْا لَيْكُو شَرَكْ.

عَدد 33:55

وَ لَاكِنْ كَنْ مَا شِلْتُوا الْأَرْض مِنْ كُلَّ سُكَّانْ الْبَلَدْ دِي، الْيِفَضُّلُوا مِنْهُمْ يَبْقَوْا لَيْكُو مِثِلْ وَقَعَايْ فِي الْعَيْن أَوْ مِثِلْ شَوْكَايْ فِي الضَّهَرْ. وَ يَهْجُمُوكُو فِي الْبَكَانْ التَّسْكُنُوا فَوْقَهْ.

خُروج 23:33

مَا تِخَلُّوهُمْ يَسْكُنُوا فِي بَلَدْكُو مَعَاكُو أَشَانْ يِلِزُّوكُو تِسَوُّوا ذَنِبْ قِدَّامِي. أَشَانْ كَنْ إِنْتُو عَبَدْتُوا إِلٰـهَاتْهُمْ، دَا يَبْقَى لَيْكُو شَرَكْ.»

لُوقا 21:24

يُمُوتُوا بِالْسَّيْف وَ يِوَدُّوهُمْ مَسَاجِينْ فِي أُسْط كُلَّ الْأُمَمْ. وَ نَاسْ الْأُمَمْ يَمُلْكُوا مَدِينَةْ الْقُدُسْ وَ يِفَجُّقُوهَا لَحَدِّي وَكِتْهُمْ يِكَمِّلْ.

زَبُور 69:22

خَلِّي دَبَلَايِتْهُمْ تَبْقَى لَيْهُمْ شَرَكْ قِدَّامْهُمْ وَ لِلْعِنْدُهُمْ مَعَاهُمْ سَلَامْ، خَلِّي تَبْقَى لَيْهُمْ أَمْ كَجَّامَةْ.

2 تِمُوتَاوُس 2:26

وَ خَلَاصْ، يَمُرْقُوا مِنْ شَرَكْ إِبْلِيسْ الْأَوَّلْ كَرَبَاهُمْ أَشَانْ يِسَوُّوا لَيَّهْ الشَّيّءْ الْهُو يِدَوْرَهْ.

2 مُلوك 25:26

وَ خَلَاصْ فِي الْبَكَانْ دَا، كُلَّ شَعَبْ مَمْلَكَةْ يَهُوذَا، كَنْ كَبِيرْ وَلَّا صَغِيرْ وَلَّا كُبَارَاتْ الْعَسْكَرْ كُلَ، قَمَّوْا وَ مَشَوْا بَلَدْ مَصِرْ أَشَانْ خَافَوْا مِنْ الْبَابِلِيِّينْ.

تَثْنِية 30:18

أَنَا نُقُولْ لَيْكُو الْيَوْم، إِنْتُو تِدَّمَّرَوْا مَرَّةْ وَاحِدْ وَ أَيَّامْكُو مَا يُطُولُوا فِي الْبَلَدْ التَّمْشُوا لَيْهَا وَ تِشِيلُوهَا وَرَثَةْ بَعَدْ تَقْطَعَوْا بَحَرْ الْأُرْدُنْ.

تَثْنِية 29:28

وَ اللّٰهْ مَرَقَاهُمْ مِنْ أَرْضُهُمْ بِزَعَلْ. وَ بِغَضَبْ شَدِيدْ، هُو زَقَلَاهُمْ فِي بَلَدْ آخَرَةْ وَ دَا مِثِلْ نِشِيفُوهْ الْيَوْم.»

تَثْنِية 4:26

وَ خَلَاصْ الْيَوْم بَسْ، أَنَا نِشَهِّدْ فَوْقكُو السَّمَاوَاتْ وَ الْأَرْض. كَنْ سَوَّيْتُوا فَسَالَةْ مِثِلْ دِي، اللّٰهْ يُقُشُّكُو طَوَّالِي مِنْ الْبَلَدْ التِّشِيلُوهَا وَرَثَةْ وَ تَقْعُدُوا فَوْقهَا غَادِي لِبَحَرْ الْأُرْدُنْ. وَ الْأَرْض دِي مَا تَقْعُدُوا فَوْقهَا تِطَوُّلُوا أَشَانْ هُو يِدَمِّرْكُو مَرَّةْ وَاحِدْ.

2 مُلوك 25:21

وَ مَلِكْ بَابِلْ كَتَلَاهُمْ هِنَاكْ فِي رِبْلَةْ فِي بَلَدْ حَمَاتْ. وَ بِمِثِلْ دَا، كُلَّ نَاسْ بَلَدْ يَهُوذَا وَدَّوْهُمْ فِي الْغُرْبَةْ بَعِيدْ مِنْ أَرْضُهُمْ.

1 مُلوك 11:4

وَ وَكِتْ سُلَيْمَانْ شَيَّبْ مَرَّةْ وَاحِدْ، الْعَوِينْ دَيْل مَرَقَنَّهْ مِنْ الدَّرِبْ وَ هُو عَبَدْ إِلٰـهَاتْ آخَرِينْ. وَ بِسَبَبْ دَا، هُو مَا عَبَدْ اللّٰهْ إِلٰـهَهْ بِقَلِبْ مُخْلِصْ مِثِلْ أَبُوهْ دَاوُدْ.

خُروج 10:7

وَ خَدَّامِينْ الْمَلِكْ قَالَوْا لَيَّهْ: «لَحَدِّي مَتَى شَرَكْ النَّادُمْ دَا يَكْرُبْنَا؟ خَلِّي الرُّجَالْ يَمُرْقُوا وَ يَمْشُوا لِيَعَبُدُوا اللّٰهْ إِلٰـهُّمْ! إِنْتَ مَا قَاعِدْ تِشِيفْ كَدَرْ بَلَدْ مَصِرْ أَدَّمَّرَتْ؟»

خُروج 34:12

«أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ الْإِنْتُو مَاشِينْ لَيْهَا أَشَانْ هُمَّنْ مَا يَبْقَوْا لَيْكُو شَرَكْ.

خُروج 34:16

وَ أَكُونْ تَاخُدُوا بَنَاتْهُمْ لِأَوْلَادْكُو. وَ كَنْ بَنَاتْهُمْ يِشَّرْمَطَوْا مَعَ أَصْنَامْهُمْ وَ يَعَبُدُوهُمْ، أَوْلَادْكُو كُلَ يِسَوُّوا نَفْس الشَّيّءْ.

حِزْقِيال 28:24

«وَ بَتَّانْ مَا فِي شَوْك وَ لَا أَنْدِرَيْسَةْ الْيَطْعَنَوْا بَنِي إِسْرَائِيلْ مِنْ كُلَّ النَّاسْ الْيَحْقُرُوهُمْ الْقَاعِدِينْ حَوَالَيْهُمْ. وَ يَعَرْفُوا كَدَرْ أَنَا بَسْ اللّٰهْ الرَّبّ.

قُضياء 2:21

وَ أَنَا كُلَ بَتَّانْ مَا نَقْلَعْ قِدَّامْهُمْ أَرْض هَنَا أَيِّ نَادُمْ مِنْ الْأُمَمْ الْيَشُوعْ خَلَّاهُمْ فِي الْبَلَدْ قَبُلْ مَا يُمُوتْ.

2 مُلوك 17:18

وَ اللّٰهْ غِضِبْ غَضَبْ شَدِيدْ ضِدّ بَنِي إِسْرَائِيلْ وَ بَعَّدَاهُمْ مِنَّهْ وَ إِلَّا قَبِيلَةْ يَهُوذَا بَسْ فَضَّلَتْ.

2 مُلوك 17:20

وَ بِسَبَبْ دَا، اللّٰهْ أَبَاهُمْ لِكُلَّ ذُرِّيَّةْ بَنِي إِسْرَائِيلْ وَ عَيَّبَاهُمْ وَ سَلَّمَاهُمْ فِي إِيدْ النَّهَّابِينْ وَ فِي الأَخِيرْ، بَعَّدَاهُمْ مِنَّهْ.