يَشُوع 23:11 - الكتاب المقدس بالعربي الدارجي هنا تشاد

¹¹ وَ شِيلُوا نِيَّةْ أَشَانْ تِحِبُّوا اللّٰهْ إِلٰـهْكُو.

يَشُوع 23:11 Referenca të Kryqëzuara

يَشُوع 22:5

وَ لَاكِنْ فَكُّرُوا شَدِيدْ وَ طَبُّقُوا الْوَصِيَّةْ وَ الْقَانُونْ الْأَمَرَاكُو بَيَّهْ مُوسَى عَبْد اللّٰهْ. حِبُّوا اللّٰهْ إِلٰـهْكُو وَ أَمْشُوا عَدِيلْ فِي دَرْبَهْ وَ طَبُّقُوا وَصِيَّاتَهْ وَ أَتْمَسَّكَوْا بِاللّٰهْ وَ أَعَبُدُوهْ بِكُلَّ قُلُوبْكُو وَ بِكُلَّ فِكِرْكُو.»

رَوْمَا 8:28

وَ نَعَرْفُوا كَدَرْ فِي كُلَّ شَيّءْ، اللّٰهْ يِسَوِّي الْخَيْر لِلنَّاسْ الْيِحِبُّوهْ وَ هُمَّنْ النَّاسْ الْاللّٰهْ نَادَاهُمْ فِي دَرْبَهْ لِيِطَبُّقُوا خِطِّتَهْ.

أمْثال 4:23

أَحْفَضْ قَلْبَكْ زِيَادَةْ مِنْ كُلَّ شَيّءْ آخَرْ أَشَانْ مِنَّهْ هُو تِسِيلْ الْحَيَاةْ.

عِبْرَانِيِّين 12:15

أَنْقَرْعُوا أَشَانْ نَادُمْ مِنْكُو مَا يَدْحَرْ نَفْسَهْ مِنْ نِعْمَةْ اللّٰهْ. أَنْقَرْعُوا أَشَانْ نَادُمْ أَمْبَيْنَاتْكُو مَا يِتَلِّفْ نَفْسَهْ وَ لَا يِتَلِّفْ الْجَمَاعَةْ مِثِلْ شَدَرَةْ فِي أُسُطْكُو الْعِيَالْهَا عِنْدُهُمْ سَمّ.

1 كُرُنْتُس 16:22

كَنْ أَيِّ نَادُمْ مَا يِحِبّ رَبِّنَا عِيسَى، خَلِّي اللّٰهْ يَلْعَنَهْ. يَا رَبِّنَا، تَعَالْ!

1 كُرُنْتُس 8:3

لَاكِنْ كَنْ نَادُمْ يِحِبّ اللّٰهْ، النَّادُمْ دَا اللّٰهْ يَعَرْفَهْ.

خُروج 20:6

وَ لَاكِنْ أَنَا نِسَوِّي الْخَيْر لِآلَافْ الذُّرِّيَّاتْ الْيِحِبُّونِي وَ يِطَبُّقُوا وَصِيَّاتِي.

أفَسُس 5:15

فَكُّرُوا تَمَامْ فِي حَالْكُو. مَا تِعِيشُوا بِحَالْ الْمُغَفَّلِينْ لَاكِنْ بِحَالْ الْفَاهِمِينْ.

لُوقا 21:34

«خُطُّوا بَالْكُو فِي نُفُوسْكُو. أَشَانْ كَنْ تِخَلُّوا قُلُوبْكُو يِنْشَغْلُوا بِالسَّفَاهَةْ وَ السَّكَرْ وَ كَنْ تِنْشَغْلُوا بِهُمُومْ الدُّنْيَا، الْيَوْم دَا يَجِي فَجْأَةً

تَثْنِية 4:9

وَ لَاكِنْ أَنْقَرْعُوا! أَحْفَضَوْا عَدِيلْ نُفُوسْكُو أَشَانْ مَا تَنْسَوْا الْأَشْيَاءْ الشَّافَوْهُمْ عُيُونْكُو. وَ فِي كُلَّ مُدَّةْ حَيَاتْكُو، خَلِّي مَا يَمُرْقُوا مِنْ قُلُوبْكُو. وَ عَرُّفُوهُمْ لِعِيَالْكُو وَ لِعِيَالْ عِيَالْكُو.

تَثْنِية 4:15

أَنْقَرْعُوا وَ أَحْفَضَوْا نُفُوسْكُو أَشَانْ إِنْتُو مَا شِفْتُوا أَيِّ حَجِمْ وَكِتْ اللّٰهْ حَجَّى لَيْكُو مِنْ أُسْط النَّارْ فِي حُورِيبْ.

يَشُوع 23:10

وَ نَادُمْ وَاحِدْ مِنْكُو يَطْرُدْ أَلِفْ نَادُمْ أَشَانْ اللّٰهْ إِلٰـهْكُو قَاعِدْ يِحَارِبْ لَيْكُو مِثِلْ هُو قَالَهْ لَيْكُو.

يَشُوع 23:12

وَ لَاكِنْ كَنْ خَلَّيْتُوا دَرِبْ اللّٰهْ وَ أَتْمَسَّكْتُوا بِالْأُمَمْ اللِّسَّاعْهُمْ جَنْبُكُو وَ كَنْ أَخَدْتُوا مِنْهُمْ وَ أَلْخَلْبَطْتُوا مَعَاهُمْ،

تَثْنِية 30:16

وَ الْيَوْم، أَنَا نَطْلُبْ مِنْكُو تِحِبُّوا اللّٰهْ إِلٰـهْكُو وَ تِشِيلُوا دَرْبَهْ وَ تَحْفَضَوْا وَصِيَّاتَهْ وَ شُرُوطَهْ وَ قَوَانِينَهْ. وَ بَيْدَا، تَحْيَوْا وَ تَبْقَوْا كَتِيرِينْ وَ اللّٰهْ إِلٰـهْكُو يِبَارِكُّو فِي الْبَلَدْ التَّمْشُوا لَيْهَا وَ تِشِيلُوهَا وَرَثَةْ.

تَثْنِية 30:20

وَ حِبُّوا اللّٰهْ إِلٰـهْكُو وَ أَسْمَعَوْا كَلَامَهْ وَ أَنْرَبْطُوا مَعَايَهْ أَشَانْ هُو حَيَاتْكُو وَ يِزِيدْ عُمُرْكُو وَ تَسْكُنُوا فِي الْبَلَدْ الْفِي شَانْهَا اللّٰهْ حَلَفْ يَنْطِيهَا لِجُدُودْكُو إِبْرَاهِيمْ وَ إِسْحَاقْ وَ يَعْقُوبْ.