يَشُوع 23:10 - الكتاب المقدس بالعربي الدارجي هنا تشاد

¹⁰ وَ نَادُمْ وَاحِدْ مِنْكُو يَطْرُدْ أَلِفْ نَادُمْ أَشَانْ اللّٰهْ إِلٰـهْكُو قَاعِدْ يِحَارِبْ لَيْكُو مِثِلْ هُو قَالَهْ لَيْكُو.

يَشُوع 23:10 Referenca të Kryqëzuara

تَثْنِية 32:30

كِكَّيْف رَاجِلْ وَاحِدْ يَطْرُدْ أَلِفْ نَاسْ وَ رُجَالْ إِتْنَيْن يَطُرْدُوا عَشَرَةْ أَلِفْ كَنْ اللّٰهْ بَسْ مَا سَلَّمَاهُمْ وَ مَلْجَئْهُمْ مَا بَاعَاهُمْ؟

لاوِيِّين 26:8

وَ مِنْكُو إِنْتُو، 5 يَطُرْدُوا 100 نَاسْ وَ 100 يَطُرْدُوا 10 000 نَاسْ. وَ عُدْوَانْكُو يُمُوتُوا بِالْسَّيْف قِدَّامْكُو.

تَثْنِية 3:22

مَا تَخَافَوْا مِنْهُمْ أَشَانْ اللّٰهْ إِلٰـهْكُو، هُو ذَاتَهْ يِحَارِبْ لَيْكُو.»

خُروج 14:14

دَاهُو اللّٰهْ يِحَارِبْ عَدُوكُو. وَ لَاكِنْ إِنْتُو كَمَانْ، أَقْعُدُوا سَاكِتْ بَسْ.»

زَبُور 35:1

يَا اللّٰهْ! خَاصِمْ الْيِخَاصُمُونِي وَ حَارِبْ الْيِحَارُبُونِي!

تَثْنِية 20:4

أَشَانْ اللّٰهْ إِلٰـهْكُو مَاشِي مَعَاكُو وَ يِحَارِبْ لَيْكُو عُدْوَانْكُو لِيِنَجِّيكُو.»

رَوْمَا 8:31

وَ خَلَاصْ بَعَدْ كُلَّ الْكَلَامْ دَا، نُقُولُوا شُنُو؟ كَنْ اللّٰهْ مَعَانَا، مَا فِي الْيُقُمّ ضِدِّنَا.

زَبُور 46:7

اللّٰهْ الْقَادِرْ مَعَانَا أَيْوَى، إِلٰـهْ يَعْقُوبْ هُو مَسْكَنَّا الْقَوِي. وَقْفَةْ.

يَشُوع 23:3

وَ إِنْتُو ذَاتْكُو شِفْتُوا كُلَّ شَيّءْ السَّوَّاهْ اللّٰهْ إِلٰـهْكُو ضِدّ الْأُمَمْ دَوْل فِي سَبَبْكُو. أَشَانْ اللّٰهْ إِلٰـهْكُو، هُو بَسْ الْحَارَبْ لَيْكُو.

1 صَمُوِيل 14:6

وَ يُونَتَانْ قَالْ لِلصَّبِي الشَّايِلْ لَيَّهْ سِلَاحَهْ: «تَعَالْ! نَمْشُوا لِلْمُعَسْكَرْ هَنَا النَّاسْ الْمَا مُطَهَّرِينْ دَوْل. أَكُونْ اللّٰهْ يِسَاعِدْنَا وَ نِنَّصُرُوا فَوْقهُمْ أَشَانْ اللّٰهْ قَادِرْ، يَنْطِي النَّصُرْ لِنَاسْ كَتِيرِينْ أَوْ لِنَاسْ شِيَّةْ كُلَ.»

يَشُوع 10:42

وَ يَشُوعْ غَلَبْ كُلَّ الْمُلُوكْ دَوْل وَ شَالْ بُلْدَانْهُمْ فِي وَكِتْ وَاحِدْ أَشَانْ اللّٰهْ إِلٰـهْ بَنِي إِسْرَائِيلْ قَاعِدْ يِحَارِبْ لَيْهُمْ.

قُضياء 15:15

وَ طَوَّالِي، هُو لِقِي سَالْفَةْ هِنْت حُمَارْ مَاتْ قَرِيبْ وَاقْعَةْ وَ شَالْهَا وَ كَتَلْ بَيْهَا 1 000 رَاجِلْ.

2 صَمُوِيل 23:8

دَاهُو أَسَامَيْ فُرَّاسْ دَاوُدْ. الْأَوَّلَانِي يِشَبَالْ مِنْ حِلَّةْ حَكْمُونْ وَ هُو قَايِدْ هَنَا الْفُرَّاسْ دَوْل. وَ أُسْمَهْ الْآخَرْ عَدِينُو مِنْ حِلَّةْ عَصْنُو. وَ هُو بَسْ الْكَتَلْ 800 رَاجِلْ فِي الدُّوَاسْ فِي يَوْم وَاحِدْ.

قُضياء 3:31

وَ بَعَدْ إِهُودْ، حَكَمْ شَمْقَرْ وِلَيْد عَنَاةْ. وَ شَمْقَرْ دَا كَتَلْ 600 رَاجِلْ مِنْ الْفِلِسْطِيِّينْ بِكَوْكَابْ هَنَا قَرِنْ تَوْر وَ هُو كُلَ نَجَّى بَنِي إِسْرَائِيلْ.

تَثْنِية 20:3

وَ يُقُولْ: «أَسْمَعَوْا، يَا بَنِي إِسْرَائِيلْ! دَاهُو الْيَوْم قَرَّبْتُوا لِلْحَرِبْ مَعَ عُدْوَانْكُو وَ فِي شَانْ دَا، خَلِّي قُلُوبْكُو مَا يِنْقَطْعُوا وَ مَا تَخَافَوْا وَ لَا تِبَرْجُلُوا وَ لَا تَرْجُفُوا مِنْهُمْ.

تَثْنِية 28:7

وَ عُدْوَانْكُو الْيُقُمُّوا ضِدُّكُو اللّٰهْ يَطْرُدْهُمْ وَ هُمَّنْ يَجْرُوا قِدَّامْكُو. وَ هُمَّنْ يَجُوا ضِدُّكُو بِدَرِبْ وَاحِدْ وَ يَجْرُوا قِدَّامْكُو بِسَبْعَةْ دُرُوبْ.

تَثْنِية 32:20

وَ قَالْ: «بَتَّانْ مَا نِوَجِّهْ عَلَيْهُمْ وَ نِشِيفْ شُنُو يُكُونْ لَيْهُمْ فِي الأَخِيرْ أَشَانْ هُمَّنْ ذُرِّيَّةْ مُفْسِدَةْ وَ عِيَالْ الْمَا عِنْدُهُمْ أَمَانْ.

يَشُوع 23:11

وَ شِيلُوا نِيَّةْ أَشَانْ تِحِبُّوا اللّٰهْ إِلٰـهْكُو.

1 أخبار 5:22

وَ كَتَلَوْا نَاسْ كَتِيرِينْ أَشَانْ الْحَرِبْ دَا، الرَّبّ بَسْ أَمَرْ بَيَّهْ. وَ هُمَّنْ سَكَنَوْا فِي بَدَلْهُمْ لَحَدِّي الْوَكِتْ الْوَدَّوْهُمْ فِي الْغُرْبَةْ.

إشَعْيا 30:17

أَلِفْ نَاسْ يِعَرُّدُوا مِنْ عَدُو وَاحِدْ وَ مِنْ خَمْسَةْ، كُلُّكُو تِعَرُّدُوا لَحَدِّي تِنْهَزْمُوا وَ تَبْقَوْا شِيَّةْ مِثِلْ عَلَامَةْ فِي رَاسْ الْحَجَرْ وَ مِثِلْ رَايَةْ فِي رَاسْ الْجَبَلْ.»

زَكَرِيَّا 12:8

«وَ فِي الْيَوْم دَا، أَنَا اللّٰهْ نَحْمِي سُكَّانْ مَدِينَةْ الْقُدُسْ حَتَّى الضَّعِيفْ مِنْهُمْ كُلَ يَبْقَى شَدِيدْ مِثِلْ الْمَلِكْ دَاوُدْ. وَ ذُرِّيَّةْ دَاوُدْ يَلْقَوْا إِحْتِرَامْ مِثْلِي أَنَا الرَّبّ وَ مِثِلْ مَلَكْ اللّٰهْ الْمَاشِي قِدَّامْهُمْ.

لاوِيِّين 26:7

وَ إِنْتُو تِطَارُدُوا عُدْوَانْكُو وَ هُمَّنْ يُمُوتُوا بِالْسَّيْف قِدَّامْكُو.

1 أخبار 5:20

وَ فِي وَكْت الْحَرْبَةْ دِي، هُمَّنْ كَوْرَكَوْا لِلرَّبّ لِيَفْزَعْهُمْ أَشَانْ هُمَّنْ مُتَوَكِّلِينْ عَلَيَّهْ. وَ هُو قِبِلْ سُؤَالْهُمْ وَ نَصَرَاهُمْ فِي بَنِي هَاجَرْ وَ النَّاسْ الْمَعَاهُمْ.