يَشُوع 23:1 - الكتاب المقدس بالعربي الدارجي هنا تشاد

¹ وَ بَعَدْ مُدَّةْ طَوِيلَةْ، اللّٰهْ أَنْطَى الرَّاحَةْ لِبَنِي إِسْرَائِيلْ مِنْ كُلَّ عُدْوَانْهُمْ الْمُجَاوِرِينْهُمْ. وَ يَشُوعْ شَيَّبْ وَ عُمْرَهْ بِقِي طَوِيلْ.

يَشُوع 23:1 Referenca të Kryqëzuara

يَشُوع 13:1

وَ يَشُوعْ بِقِي شَايِبْ مَرَّةْ وَاحِدْ وَ اللّٰهْ قَالْ لَيَّهْ: «إِنْتَ بِقِيتْ شَايِبْ مَرَّةْ وَاحِدْ وَ الْأَرْض الْوَاجِبْ تِشِيلُوهَا كُلَ كَبِيرَةْ.

يَشُوع 21:44

وَ اللّٰهْ أَنْطَاهُمْ الرَّاحَةْ مِنْ كُلِّ جِيهَةْ حَسَبْ الْحَلِيفَةْ الْحَلَفْ بَيْهَا لِجُدُودْهُمْ. وَ مِنْ كُلَّ عُدْوَانْهُمْ، وَاحِدْ كُلَ مَا قِدِرْ يِحَارِبْهُمْ وَ بَيْدَا، اللّٰهْ سَلَّمْ لَيْهُمْ كُلَّ عُدْوَانْهُمْ.

يَشُوع 11:23

وَ يَشُوعْ شَالْ كُلَّ الْبَلَدْ وَ دَا حَسَبْ كَلَامْ اللّٰهْ الْقَالَهْ لِمُوسَى. وَ الْبَلَدْ دِي، يَشُوعْ أَنْطَاهَا لِبَنِي إِسْرَائِيلْ وَرَثَةْ لِيِقَسُّمُوهَا أَمْبَيْنَاتْ قَبَايِلْهُمْ. وَ خَلَاصْ، الْحَرِبْ وَقَفْ وَ الْبَلَدْ لِقَتْ الرَّاحَةْ.

زَبُور 46:9

هُو يِوَقِّفْ الْحَرِبْ لَحَدِّي فِي آخِرْ الْأَرْض وَ يِكَسِّرْ أَيِّ نُبَّالْ وَ حَرْبَةْ وَ يِحَرِّقْ كُلَّ الدَّرَقْ.

يَشُوع 22:4

وَ هَسَّعْ اللّٰهْ إِلٰـهْكُو أَنْطَى الرَّاحَةْ لِأَخْوَانْكُو مِثِلْ هُو وَاعَدَاهُمْ بَيْهَا. وَ هَسَّعْ تَقْدَرَوْا تَمْشُوا لِخِيَمْكُو فِي بَلَدْكُو الْأَنْطَاهَا لَيْكُو مُوسَى عَبْد اللّٰهْ صَبَاحْ غَادِي لِبَحَرْ الْأُرْدُنْ.

تَثْنِية 31:2

الْيَوْم أَنَا عِنْدِي 120 سَنَةْ وَ بَيْدَا، مَا نَقْدَرْ نُقُودْكُو بَتَّانْ. وَ اللّٰهْ كُلَ قَالْ لَيِّ: «إِنْتَ مَا تَقْطَعْ بَحَرْ الْأُرْدُنْ دَا.»

تكوين 25:8

وَ وَكِتْ شَيَّبْ وَ شِبِعْ مِنْ الدُّنْيَا، هُو مَاتْ وَ لِحِقْ أَبَّهَاتَهْ بِفَرْحَةْ وَ سَلَامْ.

إشَعْيا 63:14

وَ مِثِلْ بَهِيمَةْ التَّنْزِلْ فِي الْوَادِي، رُوحْ اللّٰهْ وَدَّاهُمْ لِلرَّاحَةْ.» مِثِلْ دَا، يَا اللّٰهْ، إِنْتَ قُدْت شَعَبَكْ لِتِعَلِّي أُسْمَكْ الْمَجِيدْ.

1 صَمُوِيل 12:2

وَ هَسَّعْ دَا، دَاهُو عِنْدُكُو مَلِكْ قَاعِدْ يُقُودْكُو. وَ كَنْ لَيِّ أَنَا كَمَانْ، أَنَا بِقِيتْ شَايِبْ وَ رَاسِي كُلَ بِقِي أَبْيَضْ. وَ دَاهُو عِيَالِي كُلَ قَاعِدِينْ مَعَاكُو وَ تَعَرْفُوا كَدَرْ أَنَا قُدْتُكُو مِنْ صُبَايِ لَحَدِّي الْيَوْم.

1 مُلوك 1:1

وَ الْمَلِكْ دَاوُدْ بِقِي شَايِبْ مَرَّةْ وَاحِدْ وَ كَنْ يِغَطُّوهْ بِغَطَّايْ كُلَ هُو مَا يِحِسّ بِالدَّفُو.

1 أخبار 23:25

أَشَانْ دَاوُدْ قَالْ: «اللّٰهْ إِلٰـهْ بَنِي إِسْرَائِيلْ أَنْطَى الرَّاحَةْ لِشَعَبَهْ. وَ هَسَّعْ، هُو يَسْكُنْ إِلَى الْأَبَدْ فِي أُورُشَلِيمْ.

1 أخبار 27:1

وَ دَاهُو نَاسْ مِنْ بَنِي إِسْرَائِيلْ الْيَخْدُمُوا لِلْمَلِكْ. وَ هُمَّنْ كُبَارَاتْ الْعَايِلَاتْ وَ قُيَّادْ الْآلَافْ وَ قُيَّادْ الْمِيَاتْ وَ الْمُرَاقِبِينْ. وَ كُلَّ خِدْمِتْهُمْ تُخُصّ الْمَجْمُوعَاتْ الْعَسْكَرِيَّةْ الْيَخْدُمُوا بِأَمْ كَابَةْ أَيِّ شَهَرْ فِي طُولْ السَّنَةْ. وَ أَيِّ مَجْمُوعَةْ عِنْدَهَا 24 000 رَاجِلْ.

2 أخبار 14:1

وَ أَبِيَّا مَاتْ وَ لِحِقْ أَبَّهَاتَهْ وَ دَفَنَوْه فِي مَدِينَةْ دَاوُدْ. وَ وِلَيْدَهْ آسَا حَكَمْ فِي بَدَلَهْ. وَ فِي وَكِتْ حُكْمَهْ، الْبَلَدْ قَاعِدَةْ فِي رَاحَةْ لِمُدَّةْ عَشَرَةْ سَنَةْ.

2 أخبار 14:5

وَ هُو هَدَّمْ الْبَكَانَاتْ الْعَالِيِينْ وَ الْبَكَانَاتْ الْيِحَرُّقُوا فَوْقهُمْ الْبَخُورْ فِي كُلَّ حِلَّالْ بَلَدْ يَهُوذَا. وَ فِي وَكِتْ حُكْمَهْ، الْمَمْلَكَةْ قَاعِدَةْ بِالسَّلَامَةْ.

2 أخبار 20:30

وَ مَمْلَكَةْ يَهُوشَفَطْ قَعَدَتْ فِي رَاحَةْ أَشَانْ إِلٰـهَّا أَنْطَاهَا السَّلَامَةْ مِنْ كُلِّ جِيهَةْ.