يَشُوع 22:9 - الكتاب المقدس بالعربي الدارجي هنا تشاد

⁹ وَ بِمِثِلْ دَا، قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى قَمَّوْا مِنْ بَكَانْ بَنِي إِسْرَائِيلْ فِي شِيلَوْه فِي بَلَدْ كَنْعَانْ وَ مَشَوْا لِبَلَدْ قِلْعَادْ أَرْض وَرَثَتْهُمْ الْاللّٰهْ أَنْطَاهَا لَيْهُمْ بِوَاسِطَةْ مُوسَى.

يَشُوع 22:9 Referenca të Kryqëzuara

عَدد 32:29

وَ قَالْ: «كَنْ قَبِيلَةْ قَادْ وَ قَبِيلَةْ رَأُوبِينْ يِسَّلَّحَوْا وَ يَقْطَعَوْا بَحَرْ الْأُرْدُنْ مَعَاكُو وَ يِحَارُبُوا فِي شَانْ اللّٰهْ لَحَدِّي الْبَلَدْ تَبْقَى تِحِتْ مَسْؤُولِيِّتْكُو، إِنْتُو كُلَ تَنْطُوهُمْ بَلَدْ قِلْعَادْ مِثِلْ وَرَثَةْ.

عَدد 32:26

هَسَّعْ دَا، عِيَالْنَا وَ عَوِينَّا وَ بَهَايِمْنَا وَ كُلَّ مَالْنَا يَقْعُدُوا هِنِي فِي مُدُنْ قِلْعَادْ.

عَدد 32:1

وَ قَبِيلَةْ رَأُوبِينْ وَ قَبِيلَةْ قَادْ عِنْدُهُمْ بَهَايِمْ كَتِيرِينْ مَرَّةْ وَاحِدْ. وَ وَكِتْ شَافَوْا أَرْض يَعْزِيرْ وَ أَرْض قِلْعَادْ، هُمَّنْ عِرْفَوْا كَدَرْ الْأَرْض دِي تِوَافِقْ مَعَ الْبَهَايِمْ.

زَبُور 60:7

تُرَابْ قِلْعَادْ لَيِّ وَ أَرْض مَنَسَّى كُلَ لَيِّ. وَ أَرْض أَفْرَايِمْ مِثِلْ طَاقِيَّةْ التَّحْمِي رَاسِي وَ بَلَدْ يَهُوذَا مِثِلْ عَصَاةْ مُلْكِي.

يَشُوع 13:31

وَ قِسِمْهُمْ نُصّ هَنَا مَنْطَقَةْ قِلْعَادْ وَ عَشْتَرُوتْ وَ إِدْرَعِي وَ دَوْل حِلَّالْ مَمْلَكَةْ عُوقْ فِي بَاشَانْ. كُلَّ التُّرَابْ دَا أَنْطَوْه لِنُصّ خُشُومْ بُيُوتْ مَكِيرْ وِلَيْد مَنَسَّى.

يَشُوع 13:25

وَ قِسِمْهُمْ أَرْض يَعْزِيرْ وَ كُلَّ مُدُنْ قِلْعَادْ وَ نُصّ هَنَا أَرْض بَنِي عَمُّونْ لَحَدِّي حِلَّةْ عَرُوعِرْ الْمُقَابِلَةْ مَدِينَةْ رَبَّةْ.

يَشُوع 13:11

وَ قِسِمْهُمْ عِنْدَهْ تُرَابْ قِلْعَادْ وَ تُرَابْ قَشُورِيِّينْ وَ الْمَعَاكِيِّينْ وَ جَبَلْ حَرْمُونْ وَ كُلَّ تُرَابْ بَاشَانْ لَحَدِّي سَلْكَةْ.

يَشُوع 22:10

وَ وَكِتْ جَوْا فِي خَشُمْ بَحَرْ الْأُرْدُنْ فِي بَلَدْ كَنْعَانْ، قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى بَنَوْا مَدْبَحْ جَنْب الْبَحَرْ. وَ الْمَدْبَحْ دَا بِنْشَافْ كَبِيرْ.

قُضياء 5:17

وَ نَاسْ قِلْعَادْ قَعَدَوْا فِي أَرْضُهُمْ صَبَاحْ لِبَحَرْ الْأُرْدُنْ. وَ مَالَا قَبِيلَةْ دَانْ قَعَدَتْ جَنْب سُفُنْهَا؟ وَ قَبِيلَةْ أَشِيرْ قَعَدَتْ فِي خَشُمْ الْبَحَرْ وَ مَا قَمَّتْ مِنْ بَكَانْهَا فَوْقَهْ.

2 صَمُوِيل 2:9

وَ دَرَّجَهْ مَلِكْ فِي تُرَابْ قِلْعَادْ وَ أَشُورِينْ وَ يَزْرَعِيلْ وَ أَفْرَايِمْ وَ بَنْيَامِينْ وَ فِي كُلَّ تُرَابْ بَنِي إِسْرَائِيلْ.

1 أخبار 5:9

وَ فِي الصَّبَاحْ كَمَانْ، هُمَّنْ سَكَنَوْا فِي خَشُمْ الصَّحَرَاء الْمَاشِي لَحَدِّي بَحَرْ الْفُرَاتْ أَشَانْ هُمَّنْ عِنْدُهُمْ بَهَايِمْ كَتِيرِينْ فِي بَلَدْ قِلْعَادْ.

عَدد 32:20

وَ مُوسَى قَالْ: «طَبُّقُوا كَلَامْكُو وَ أَسَّلَّحَوْا وَ حَارُبُوا فِي شَانْ اللّٰهْ.

عَدد 32:22

وَ خَلِّي رُجَالْكُو مَا يِقَبُّلُوا لَحَدِّي الْأَرْض تَبْقَى تِحِتْ مَسْؤُولِيَّةْ اللّٰهْ. وَ مِثِلْ دَا، وَ لَا اللّٰهْ وَ لَا بَنِي إِسْرَائِيلْ كُلَ يَجْعَلَوْكُو بَرِيِّينْ وَ خَلَاصْ الْأَرْض الْإِنْتُو قَاعِدِينْ فَوْقهَا، اللّٰهْ يَرْضَى هِي تَبْقَى مِثِلْ وَرَثَتْكُو.

تَثْنِية 3:18

أَشَانْ فِي الْوَكِتْ دَاكْ، أَنَا أَمَرْتُهُمْ وَ قُلْت: «اللّٰهْ إِلٰـهْكُو أَنْطَاكُو الْبَلَدْ دِي وَرَثَةْ. وَ إِنْتُو الرُّجَالْ الْفَحَلِينْ، شِيلُوا سِلَاحْكُو وَ أَقْطَعَوْا بَحَرْ الْأُرْدُنْ قِدَّامْ أَخْوَانْكُو بَنِي إِسْرَائِيلْ الْآخَرِينْ.

تَثْنِية 3:20

وَ سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو. وَ وَكِتْ هُمَّنْ كُلَ شَالَوْا الْبَلَدْ الْيَنْطِيهَا لَيْهُمْ اللّٰهْ إِلٰـهْكُو وَرَثَةْ غَرِبْ لِبَحَرْ الْأُرْدُنْ، فِي الْوَكِتْ دَا، إِنْتُو تِقَبُّلُوا وَ تَقْعُدُوا أَيِّ وَاحِدْ فِي أَرْضَهْ الْأَنَا أَنْطَيْتهَا لَيَّهْ.»

تَثْنِية 34:1

وَ مِنْ كَدَادَةْ مُوَابْ، مُوسَى طَلَعْ فِي جَبَلْ نَبُو فِي رَاسْ الْفِسْقَةْ الْمُقَابِلَةْ حِلَّةْ أَرِيحَا. وَ مِنْ الْبَكَانْ دَا، اللّٰهْ وَصَّفَهْ كُلَّ بَلَدْ قِلْعَادْ لَحَدِّي دَانْ

قُضياء 20:1

وَ كُلَّ بَنِي إِسْرَائِيلْ مَرَقَوْا مِنْ دَانْ فِي الْمُنْشَاقْ لَحَدِّي بِيرْ سَبْعَةْ فِي الْوَطِي وَ لَحَدِّي تُرَابْ قِلْعَادْ وَ لَمَّوْا بِقَلِبْ وَاحِدْ قِدَّامْ اللّٰهْ فِي حِلَّةْ مِصْفَةْ.