يَشُوع 22:13 - الكتاب المقدس بالعربي الدارجي هنا تشاد

¹³ وَ لَاكِنْ قُبَّالْ مَا يَمْشُوا، بَنِي إِسْرَائِيلْ رَسَّلَوْا فِينْحَاسْ وِلَيْد رَاجِلْ الدِّينْ أَلِعَازَرْ لِتُرَابْ قِلْعَادْ أَشَانْ يَمْشِي يِحَجِّي لِقَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى.

يَشُوع 22:13 Referenca të Kryqëzuara

عَدد 25:7

وَ خَلَاصْ فِي الْبَكَانْ دَا، فِينْحَاسْ وِلَيْد أَلِعَازَرْ وِلَيْد هَارُونْ رَاجِلْ الدِّينْ، قَمَّ مِنْ أُسُطْ مُجْتَمَعْ بَنِي إِسْرَائِيلْ وَ شَالْ حَرْبَةْ فِي إِيدَهْ.

قُضياء 20:28

وَ فِي الْوَكِتْ دَاكْ، فِينْحَاسْ وِلَيْد أَلِعَازَرْ وِلَيْد هَارُونْ قَاعِدْ قِدَّامْ الصَّنْدُوقْ دَا. وَ هُو قَالْ: «بَتَّانْ نَمْشُوا نِحَارُبُوا ضِدّ أَخْوَانَّا نَاسْ قَبِيلَةْ بَنْيَامِينْ وَلَّا لَا؟» وَ اللّٰهْ رَدَّ لَيْهُمْ وَ قَالْ: «أَمْشُوا، أَشَانْ أَمْبَاكِرْ أَنَا نِسَلِّمْهُمْ لَيْكُو.»

خُروج 6:25

وَ أَلِعَازَرْ وِلَيْد هَارُونْ أَخَدْ وَاحِدَةْ مِنْ بَنَاتْ فُوطِيِيلْ وَ هِي وِلْدَتْ لَيَّهْ فِينْحَاسْ. وَ دَوْل كُبَارَاتْ الْعَايِلَاتْ هَنَا خُشُومْ بُيُوتْ لَاوِي.

مَتَّى 18:15

«وَ كَنْ أَخُوكْ مُؤمِنْ سَوَّى فَوْقَكْ خَطَا، أَمْشِي وَ حَجِّي مَعَ أَخُوكْ دَا وِحَيْدكُو وَ وَصِّفْ لَيَّهْ خَطَايَهْ. وَ كَنْ يَسْمَعْ كَلَامَكْ، خَلَاصْ إِنْتُو أَخْوَانْ.

أمْثال 20:18

بِالشَّوْرَةْ، الْخِدْمَةْ تَبْقَى قَوِيَّةْ وَ قُودْ الْحَرِبْ بِمَعْلُومَاتْ.

قُضياء 20:12

وَ قَبَايِلْ بَنِي إِسْرَائِيلْ رَسَّلَوْا رُجَالْ لِقَبِيلَةْ بَنْيَامِينْ لِيَسْأَلَوْهُمْ وَ يُقُولُوا لَيْهُمْ: «شُنُو الْفَسَالَةْ الْبِقَتْ فِي بَكَانْكُو دِي؟

تَثْنِية 13:14

فِي الْحَالَةْ دِي، قُمُّوا فَتُّشُوا وَ حَقُّقُوا وَ أَسْأَلَوْا عَدِيلْ كَنْ الْكَلَامْ دَا صَحِيحْ. وَ أَكُّدُوا تَمَامْ كَدَرْ الْحَرَامْ دَا بِقِي فِي أُسُطْكُو.

عَدد 31:6

وَ مُوسَى شَالْ مِنْ أَيِّ قَبِيلَةْ 1 000 رَاجِلْ وَ رَسَّلَاهُمْ لِلْحَرِبْ. وَ رَاجِلْ الدِّينْ فِينْحَاسْ وِلَيْد أَلِعَازَرْ كُلَ مَشَى مَعَاهُمْ. وَ هُو عِنْدَهْ كُلَّ الْمُعِدَّاتْ الْمُخَصَّصِينْ وَ الْبُرُنْجِي الْيَنْطُوا بَيَّهْ إِشَارَاتْ فِي الْحَرِبْ.

يَشُوع 24:33

وَ أَلِعَازَرْ وِلَيْد هَارُونْ كُلَ مَاتْ وَ دَفَنَوْه فِي الْجَبَلْ الْأَنْطَوْا لِوِلَيْدَهْ فِينْحَاسْ فِي جِبَالْ أَفْرَايِمْ.

عَدد 32:1

وَ قَبِيلَةْ رَأُوبِينْ وَ قَبِيلَةْ قَادْ عِنْدُهُمْ بَهَايِمْ كَتِيرِينْ مَرَّةْ وَاحِدْ. وَ وَكِتْ شَافَوْا أَرْض يَعْزِيرْ وَ أَرْض قِلْعَادْ، هُمَّنْ عِرْفَوْا كَدَرْ الْأَرْض دِي تِوَافِقْ مَعَ الْبَهَايِمْ.

1 أخبار 9:20

وَ زَمَانْ فِينْحَاسْ وِلَيْد أَلِعَازَرْ، هُو بَسْ كَبِيرْهُمْ وَ اللّٰهْ مَعَايَهْ.

عَزْرا 7:5

وِلَيْد أَبِشُوعْ وِلَيْد فِينْحَاسْ وِلَيْد أَلِعَازَرْ وِلَيْد هَارُونْ. وَ هَارُونْ دَا، هُو رَاجِلْ الدِّينْ الْأَوَّلْ.