يَشُوع 21:44 - الكتاب المقدس بالعربي الدارجي هنا تشاد

⁴⁴ وَ اللّٰهْ أَنْطَاهُمْ الرَّاحَةْ مِنْ كُلِّ جِيهَةْ حَسَبْ الْحَلِيفَةْ الْحَلَفْ بَيْهَا لِجُدُودْهُمْ. وَ مِنْ كُلَّ عُدْوَانْهُمْ، وَاحِدْ كُلَ مَا قِدِرْ يِحَارِبْهُمْ وَ بَيْدَا، اللّٰهْ سَلَّمْ لَيْهُمْ كُلَّ عُدْوَانْهُمْ.

يَشُوع 21:44 Referenca të Kryqëzuara

يَشُوع 11:23

وَ يَشُوعْ شَالْ كُلَّ الْبَلَدْ وَ دَا حَسَبْ كَلَامْ اللّٰهْ الْقَالَهْ لِمُوسَى. وَ الْبَلَدْ دِي، يَشُوعْ أَنْطَاهَا لِبَنِي إِسْرَائِيلْ وَرَثَةْ لِيِقَسُّمُوهَا أَمْبَيْنَاتْ قَبَايِلْهُمْ. وَ خَلَاصْ، الْحَرِبْ وَقَفْ وَ الْبَلَدْ لِقَتْ الرَّاحَةْ.

عِبْرَانِيِّين 4:9

وَ بَيْدَا، نَعَرْفُوا كَدَرْ رَاحَةْ آخَرَةْ مِثِلْ رَاحَةْ يَوْم السَّبْت تِفَضِّلْ لِشَعَبْ اللّٰهْ.

خُروج 23:31

وَ نِسَوِّي حُدُودْكُو مِنْ الْبَحَرْ الْأَحْمَرْ لَحَدِّي الْبَحَرْ الْأَبْيَضْ وَ مِنْ الصَّحَرَاء لَحَدِّي بَحَرْ الْفُرَاتْ. نِدِسّ فِي إِيدَيْكُو سُكَّانْ الْبَلَدْ وَ تَطُرْدُوهُمْ قِدَّامْكُو.

يَشُوع 22:9

وَ بِمِثِلْ دَا، قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى قَمَّوْا مِنْ بَكَانْ بَنِي إِسْرَائِيلْ فِي شِيلَوْه فِي بَلَدْ كَنْعَانْ وَ مَشَوْا لِبَلَدْ قِلْعَادْ أَرْض وَرَثَتْهُمْ الْاللّٰهْ أَنْطَاهَا لَيْهُمْ بِوَاسِطَةْ مُوسَى.

يَشُوع 22:4

وَ هَسَّعْ اللّٰهْ إِلٰـهْكُو أَنْطَى الرَّاحَةْ لِأَخْوَانْكُو مِثِلْ هُو وَاعَدَاهُمْ بَيْهَا. وَ هَسَّعْ تَقْدَرَوْا تَمْشُوا لِخِيَمْكُو فِي بَلَدْكُو الْأَنْطَاهَا لَيْكُو مُوسَى عَبْد اللّٰهْ صَبَاحْ غَادِي لِبَحَرْ الْأُرْدُنْ.

يَشُوع 1:15

سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو وَ هُمَّنْ كُلَ يِشِيلُوا الْأَرْض الْأَنْطَاهَا لَيْهُمْ اللّٰهْ إِلٰـهْكُو. وَ بَعَدْ دَا، تِقَبُّلُوا فِي أَرْض وَرَثَتْكُو، صَبَاحْ لِبَحَرْ الْأُرْدُنْ، الْأَنْطَاهَا لَيْكُو مُوسَى عَبْد اللّٰهْ.»

يَشُوع 1:13

«أَذَّكَّرَوْا الْأَمُرْ الْأَنْطَاكُو مُوسَى عَبْد اللّٰهْ، وَكِتْ قَالْ: ‹اللّٰهْ إِلٰـهْكُو أَنْطَاكُو الْبَلَدْ دِي وَ رَاحَةْ.›

خُروج 33:14

وَ اللّٰهْ قَالْ: «أَنَا ذَاتِي نَمْشِي قِدَّامَكْ وَ بَيْدَا، إِنْتَ مَا تِهِمّ.»

تَثْنِية 21:10

وَ أَكُونْ تَمْشُوا لِلْحَرِبْ ضِدّ عُدْوَانْكُو وَ اللّٰهْ إِلٰـهْكُو يِسَلِّمْهُمْ لَيْكُو فِي إِيدَيْكُو وَ تَكُرْبُوهُمْ مَسَاجِينْ.

يَشُوع 23:1

وَ بَعَدْ مُدَّةْ طَوِيلَةْ، اللّٰهْ أَنْطَى الرَّاحَةْ لِبَنِي إِسْرَائِيلْ مِنْ كُلَّ عُدْوَانْهُمْ الْمُجَاوِرِينْهُمْ. وَ يَشُوعْ شَيَّبْ وَ عُمْرَهْ بِقِي طَوِيلْ.

إشَعْيا 63:14

وَ مِثِلْ بَهِيمَةْ التَّنْزِلْ فِي الْوَادِي، رُوحْ اللّٰهْ وَدَّاهُمْ لِلرَّاحَةْ.» مِثِلْ دَا، يَا اللّٰهْ، إِنْتَ قُدْت شَعَبَكْ لِتِعَلِّي أُسْمَكْ الْمَجِيدْ.

تَثْنِية 2:36

وَ مِنْ حِلَّةْ عَرُوعِرْ الْفِي خَشُمْ وَادِي أَرْنُونْ وَ الْمَدِينَةْ الْفِي الْوَادِي لَحَدِّي قِلْعَادْ، مَا فِي مَدِينَةْ الْقِدْرَتْ وَاجَهَتْنَا. وَ اللّٰهْ إِلٰـهْنَا سَلَّمْ لَيْنَا كُلَّ الْمُدُنْ دَوْل.

يَشُوع 1:5

فِي كُلَّ مُدَّةْ حَيَاتَكْ، مَا فِي نَادُمْ الْيَقْدَرْ يَقِيفْ قِدَّامَكْ. وَ أَنَا نُكُونْ مَعَاكْ مِثِلْ كُنْت مَعَ مُوسَى وَ لَا نَابَاكْ وَ لَا نِخَلِّيكْ.

يَشُوع 2:24

وَ قَالَوْا لِيَشُوعْ: «صَحِيحْ كَيْ، اللّٰهْ أَنْطَانَا كُلَّ الْبَلَدْ فِي إِيدَيْنَّا وَ سُكَّانْ الْبَلَدْ قَاعِدِينْ يَرْجُفُوا قِدَّامْنَا.»

يَشُوع 11:8

وَ اللّٰهْ سَلَّمَاهُمْ لِبَنِي إِسْرَائِيلْ. وَ هُمَّنْ هَجَمَوْهُمْ وَ طَارَدَوْهُمْ لَحَدِّي صَيْدَا الْكَبِيرَةْ وَ لَحَدِّي مِسْرَفْوتْ مَايِمْ وَ لَحَدِّي وَادِي مِصْفَةْ عَلَيْ الصَّبَاحْ. وَ هُمَّنْ كَتَلَوْهُمْ لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ.

يَشُوع 11:12

وَ يَشُوعْ شَالْ كُلَّ الْمُدُنْ دَوْل وَ كَتَلْ مُلُوكْهُمْ بِالْسَّيْف. وَ هُو دَمَّرَاهُمْ مِثِلْ مُوسَى عَبْد اللّٰهْ أَمَرَهْ بَيَّهْ.

2 أخبار 13:16

وَ عَسْكَرْ مَمْلَكَةْ إِسْرَائِيلْ عَرَّدَوْا قِدَّامْ عَسْكَرْ مَمْلَكَةْ يَهُوذَا وَ الرَّبّ سَلَّمَاهُمْ فِي إِيدْ عَسْكَرْ مَمْلَكَةْ يَهُوذَا.