يَشُوع 21:16 - الكتاب المقدس بالعربي الدارجي هنا تشاد

¹⁶ وَ عَشَنْ بِبَكَانَاتْهَا هَنَا السَّرْحَةْ وَ يُطَّةْ بِبَكَانَاتْهَا هَنَا السَّرْحَةْ وَ بَيْت شَمْس بِبَكَانَاتْهَا هَنَا السَّرْحَةْ. وَ بِالْجُمْلَةْ 9 مُدُنْ الْأَنْطَوْهُمْ قَبِيلَةْ يَهُوذَا وَ قَبِيلَةْ شِمْعُونْ.

يَشُوع 21:16 Referenca të Kryqëzuara

يَشُوع 15:55

وَ وَرَثَوْا بَتَّانْ فِي مَاعَوْن وَ كَرْمَلْ وَ زِيفْ وَ يُطَّةْ

يَشُوع 15:10

وَ مِنْ بَعْلَةْ، الْحُدُودْ يِقَبُّلُوا غَرِبْ عَلَيْ جَبَلْ سَعِيرْ وَ يَطْلَعَوْا فِي الدِّلَّيَّةْ هَنَا جَبَلْ الْغَابَاتْ فِي الْمُنْشَاقْ يَعْنِي جَبَلْ كَسَالُونْ. وَ يِدَّلَّوْا بِبَيْت شَمْس وَ يِعَدُّوا بِتِمْنَةْ.

1 صَمُوِيل 6:12

وَ الْبَقَرْ مَشَوْا عَدِيلْ عَلَيْ حِلَّةْ بَيْت شَمْس. هُمَّنْ مَاشِينْ فِي دَرِبْهُمْ وَ يَبْكُوا وَ مَا مَيَّلَوْا إِسْرَةْ وَلَّا زَيْنَةْ. وَ كُبَارَاتْ الْفِلِسْطِيِّينْ تَابَعَوْهُمْ لِلْبَقَرْ لَحَدِّي حُدُودْ بَيْت شَمْس.

1 صَمُوِيل 6:9

وَ شِيفُوا. كَنْ الْبَقَرْ مَشَوْا عَلَيْ حُدُودْ بَلَدْ إِسْرَائِيلْ عَلَيْ حِلَّةْ بَيْت شَمْس، تَعَرْفُوا كَدَرْ اللّٰهْ بَسْ ضَرَبَاكُو بِكُلَّ الْوَبَاءْ دَا. وَ كَنْ فَاتَوْا بِدَرِبْ آخَرْ كَمَانْ، تَعَرْفُوا كَدَرْ الشَّيّءْ الْجَاكُو، دَا مَا مِنْ اللّٰهْ لَاكِنْ صُدْفَةْ بَسْ.»

يَشُوع 15:42

وَ وَرَثَوْا بَتَّانْ لِبْنَةْ وَ عَاتَرْ وَ عَشَنْ

1 مُلوك 4:9

وَ وِلَيْد دَقَرْ حَاكِمْ فِي مَاقَصْ وَ فِي شَعَلْبِيمْ وَ فِي بَيْت شَمْس وَ فِي إِيلُونْ بَيْت حَنَانْ.

يَشُوع 15:32

وَ لَبَوُوتْ وَ شِلْحِيمْ وَ عَيْن رِمُّونْ. وَ بِالْجُمْلَةْ 29 مَدِينَةْ وَ حِلَّالْهُمْ التَّابْعِينْ لَيْهُمْ.

1 أخبار 4:32

وَ هُمَّنْ سَكَنَوْا فِي خَمْسَةْ حِلَّالْ آخَرِينْ وَ هُمَّنْ إِتَامْ وَ عَيْن وَ رِمُّونْ وَ تُوكْن وَ عَشَنْ

2 أخبار 25:21

وَ خَلَاصْ، يَهُآشْ مَلِكْ مَمْلَكَةْ إِسْرَائِيلْ مَرَقْ قَابَلَهْ. وَ عَسْكَرْ يَهُآشْ وَ عَسْكَرْ أَمَصْيَا مَلِكْ مَمْلَكَةْ يَهُوذَا أَلْحَارَبَوْا فِي حِلَّةْ بَيْت شَمْس فِي بَلَدْ يَهُوذَا.