يَشُوع 20:9 - الكتاب المقدس بالعربي الدارجي هنا تشاد

⁹ وَ دَوْل بَسْ الْمُدُنْ هَنَا اللُّجُوءْ الْخَصَّصَوْهُمْ بَنِي إِسْرَائِيلْ لِنُفُوسْهُمْ وَ لِلْأَجْنَبِي السَّاكِنْ مَعَاهُمْ. وَ أَيِّ نَادُمْ الْكَتَلْ دِمَّةْ بَلَا رَايْه يَقْدَرْ يَجْرِي لَيْهُمْ أَشَانْ سِيدْ التَّارْ مَا يَكْتُلَهْ قَبُلْ مَا يَقِيفْ قِدَّامْ الْمُجْتَمَعْ لِيِحَاكُمُوهْ.

يَشُوع 20:9 Referenca të Kryqëzuara

عَدد 35:15

وَ الْمُدُنْ السِّتَّةْ دَوْل يَبْقَوْا بَكَانْ هَنَا لُجُوءْ لِبَنِي إِسْرَائِيلْ وَ لِلْأَجْنَبِي الْقَاعِدْ مَعَاهُمْ وَ لِلضَّيْف الْخَاطِرْ. أَيِّ وَاحِدْ كَنْ كَتَلْ نَادُمْ بَلَا رَايْه يَقْدَرْ يَجْرِي يَقْعُدْ فِي مَدِينَةْ وَاحِدَةْ مِنْهُمْ.

يَشُوع 20:6

وَ يَقْعُدْ فِي الْمَدِينَةْ دِي لَحَدِّي يَقِيفْ قِدَّامْ الْمُجْتَمَعْ لِيِحَاكُمُوهْ وَ لَحَدِّي مَوْت كَبِيرْ رُجَالْ الدِّينْ هَنَا الزَّمَنْ دَا. وَ بَعَدْ دَا، الْكَاتِلْ يَقْدَرْ يِقَبِّلْ فِي مَدِينْتَهْ وَ فِي بَيْتَهْ يَعْنِي فِي الْمَدِينَةْ الْهُو جَرَى مِنْهَا.›»

يَشُوع 20:4

وَ الْكَاتِلْ يَجْرِي لِوَاحِدَةْ مِنْ الْمُدُنْ دَوْل وَ وَكِتْ يِوَصِّلْ فِي خَشُمْ بَابْ الْمَدِينَةْ، هُو يِقَابِلْ كُبَارَاتْ الْمَدِينَةْ وَ يِحَجِّي لَيْهُمْ مُشْكِلْتَهْ. بَعَدْ دَا، هُمَّنْ يَنْطُوا إِذِنْ يَدْخُلْ فِي مَدِينِتْهُمْ وَ يَنْطُوهْ بَكَانْ يَقْعُدْ فِي أُسُطْهُمْ.

عَدد 35:13

وَ الْمُدُنْ السِّتَّةْ دَوْل يَبْقَوْا لَيْكُو مُدُنْ هَنَا لُجُوءْ.

يَشُوع 20:8

وَ غَادِي لِبَحَرْ الْأُرْدُنْ وَ صَبَاحْ لِأَرِيحَا، هُمَّنْ خَصَّصَوْا بَاصَرْ الْفِي الصَّحَرَاء فِي سَهَلَةْ قَبِيلَةْ رَأُوبِينْ وَ رَامُوتْ الْفِي تُرَابْ قِلْعَادْ هَنَا قَبِيلَةْ قَادْ وَ جَوْلَانْ فِي تُرَابْ بَاشَانْ هَنَا قَبِيلَةْ مَنَسَّى.