يَشُوع 20:4 - الكتاب المقدس بالعربي الدارجي هنا تشاد

⁴ وَ الْكَاتِلْ يَجْرِي لِوَاحِدَةْ مِنْ الْمُدُنْ دَوْل وَ وَكِتْ يِوَصِّلْ فِي خَشُمْ بَابْ الْمَدِينَةْ، هُو يِقَابِلْ كُبَارَاتْ الْمَدِينَةْ وَ يِحَجِّي لَيْهُمْ مُشْكِلْتَهْ. بَعَدْ دَا، هُمَّنْ يَنْطُوا إِذِنْ يَدْخُلْ فِي مَدِينِتْهُمْ وَ يَنْطُوهْ بَكَانْ يَقْعُدْ فِي أُسُطْهُمْ.

يَشُوع 20:4 Referenca të Kryqëzuara

إرْمِيا 38:7

وَ فِيَّهْ رَاجِلْ وَاحِدْ حَبَشِي أُسْمَهْ عَبْدالْمَلِكْ وَ هُو مَسْؤُولْ كَبِيرْ فِي قَصِرْ الْمَلِكْ. وَ سِمِعْ كَدَرْ إِرْمِيَا زَقَلَوْه فِي النُّقْرَةْ. وَ فِي الْوَكِتْ دَاكْ، الْمَلِكْ قَاعِدْ فِي بَابْ الْمَدِينَةْ الْأُسْمَهْ بَنْيَامِينْ.

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.

أمْثال 31:23

وَ رَاجِلْهَا مُكَرَّمْ فِي حِلِّتَهْ وَكِتْ يَقْعُدْ مَعَ شُيُوخْ قَبِيلْتَهْ.

زَبُور 26:9

مَا تِلِمِّنِي مَعَ الْمُذْنِبِينْ وَ مَا تَرْبُطْنِي مَعَ كَتَّالِينْ الدِّمَمْ،

أيُّوب 29:7

وَ دَا وَكِتْ نَمْرُقْ عَلَيْ خَشُمْ بَابْ الْحِلَّةْ وَ نَقْعُدْ فِي نَقَعَةْ الْمَلَمَّةْ.

أيُّوب 5:4

«خَلِّي عِيَالَهْ مَا يَلْقَوْا فَزَعْ فِي خَشُمْ بَابْ الْحِلَّةْ. خَلِّي يِحَاكُمُوهُمْ فِي الشَّرِيعَةْ وَ مَا فِي نَادُمْ الْيِنَجِّيهُمْ!

يَشُوع 20:3

وَ نَادُمْ الْكَتَلْ دِمَّةْ بَلَا رَايْه يَقْدَرْ يَجْرِي لِوَاحِدَةْ مِنْهُمْ. وَ الْمُدُنْ دَوْل يَقْدَرَوْا يَحْفَضَوْا الْكَاتِلْ مِنْ سِيدْ التَّارْ.