يَشُوع 20:3 - الكتاب المقدس بالعربي الدارجي هنا تشاد

³ وَ نَادُمْ الْكَتَلْ دِمَّةْ بَلَا رَايْه يَقْدَرْ يَجْرِي لِوَاحِدَةْ مِنْهُمْ. وَ الْمُدُنْ دَوْل يَقْدَرَوْا يَحْفَضَوْا الْكَاتِلْ مِنْ سِيدْ التَّارْ.

يَشُوع 20:3 Referenca të Kryqëzuara

لاوِيِّين 4:2

حَجِّي لِبَنِي إِسْرَائِيلْ وَ قُولْ لَيْهُمْ: «أَيِّ وَاحِدْ مِنْكُو الْيِسَوِّي ذَنِبْ بَلَا رَايْه وَ يِخَالِفْ وَاحِدَةْ مِنْ كُلَّ وَصَايَا اللّٰهْ بِسَوِّيِّنْ عَمَلْ مُحَرَّمْ، دَاهُو الشَّيّءْ الْوَاجِبْ يِسَوِّيهْ.

عَدد 35:12

وَ الْمُدُنْ دَوْل يَبْقَوْا لَيْكُو مُدُنْ هَنَا لُجُوءْ وَ يِنَجُّوا الْكَاتِلْ مِنْ سِيدْ التَّارْ. أَشَانْ الْكَاتِلْ مَا وَاجِبْ يَكْتُلُوهْ قُبَّالْ مَا يَقِيفْ قِدَّامْ مُجْتَمَعْ بَنِي إِسْرَائِيلْ لِيِحَاكُمُوهْ.

يَشُوع 20:2

«قُولْ لِبَنِي إِسْرَائِيلْ: ‹خَصُّصُوا لَيْكُو مُدُنْ هَنَا لُجُوءْ حَسَبْ الْكَلَامْ الْأَنَا قُلْتَهْ لَيْكُو بِوَاسِطَةْ مُوسَى.

يَشُوع 20:4

وَ الْكَاتِلْ يَجْرِي لِوَاحِدَةْ مِنْ الْمُدُنْ دَوْل وَ وَكِتْ يِوَصِّلْ فِي خَشُمْ بَابْ الْمَدِينَةْ، هُو يِقَابِلْ كُبَارَاتْ الْمَدِينَةْ وَ يِحَجِّي لَيْهُمْ مُشْكِلْتَهْ. بَعَدْ دَا، هُمَّنْ يَنْطُوا إِذِنْ يَدْخُلْ فِي مَدِينِتْهُمْ وَ يَنْطُوهْ بَكَانْ يَقْعُدْ فِي أُسُطْهُمْ.

عَدد 35:19

وَ سِيدْ التَّارْ هُو يَكْتُلْ كَاتِلْ الدِّمَّةْ وَ يِشِيلْ فَوْقَهْ التَّارْ كَنْ لَاقَاهْ.

عَدد 35:22

«‹وَ لَاكِنْ أَكُونْ نَادُمْ كَتَلْ نَادُمْ بَلَا رَايْه. لَزَّاهْ وَ مَا عِنْدَهْ مَعَايَهْ أَيِّ مُشْكِلَةْ أَوْ زَرَقَهْ بِأَيِّ شَيّءْ بَلَا نِيّتَهْ

2 صَمُوِيل 14:11

وَ الْمَرَةْ قَالَتْ بَتَّانْ: «خَلِّي الْمَلِكْ يِعَاهِدْنِي بِأُسُمْ اللّٰهْ إِلٰـهَهْ أَشَانْ سِيدْ التَّارْ مَا يِزِيدْ الدَّمَارْ وَ يَكْتُلْ لَيِّ وِلَيْدِي.» وَ الْمَلِكْ قَالْ لَيْهَا: «نَحْلِفْ بِاللّٰهْ الْحَيّ، صُوفَايْ وَاحِدَةْ كُلَ هَنَا وِلَيْدكِ مَا تَقَعْ فِي الْأَرْض.»

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.