يَشُوع 2:24 - الكتاب المقدس بالعربي الدارجي هنا تشاد

²⁴ وَ قَالَوْا لِيَشُوعْ: «صَحِيحْ كَيْ، اللّٰهْ أَنْطَانَا كُلَّ الْبَلَدْ فِي إِيدَيْنَّا وَ سُكَّانْ الْبَلَدْ قَاعِدِينْ يَرْجُفُوا قِدَّامْنَا.»

يَشُوع 2:24 Referenca të Kryqëzuara

خُروج 23:31

وَ نِسَوِّي حُدُودْكُو مِنْ الْبَحَرْ الْأَحْمَرْ لَحَدِّي الْبَحَرْ الْأَبْيَضْ وَ مِنْ الصَّحَرَاء لَحَدِّي بَحَرْ الْفُرَاتْ. نِدِسّ فِي إِيدَيْكُو سُكَّانْ الْبَلَدْ وَ تَطُرْدُوهُمْ قِدَّامْكُو.

أمْثال 25:13

الْمُرْسَالْ الْعِنْدَهْ أَمَانْ لِلْيِرَسُّلُوهْ هُو مِثِلْ الْبُرُودَةْ فِي وَكْت الْقَطِعْ. هُو يِبَرِّدْ جِسِمْ سِيَادَهْ.

يَشُوع 5:1

وَ كُلَّ مُلُوكْ الْأَمُورِيِّينْ الْقَاعِدِينْ فِي النُّصّ الْغَرْبَانِي لِبَحَرْ الْأُرْدُنْ وَ كُلَّ مُلُوكْ الْكَنْعَانِيِّينْ الْفِي خَشُمْ الْبَحَرْ الْأَبْيَضْ سِمْعَوْا كَدَرْ اللّٰهْ يَبَّسْ أَلْمِي بَحَرْ الْأُرْدُنْ قِدَّامْ بَنِي إِسْرَائِيلْ لَحَدِّي قِدْرَوْا قَطَعَوْا. وَ وَكِتْ سِمْعَوْه خَلَاصْ، قُلُوبْ الْمُلُوكْ دَوْل أَنْقَطَعَوْا وَ مَا قِدْرَوْا يَقْعُدُوا قِدَّامْ بَنِي إِسْرَائِيلْ.

يَشُوع 1:8

وَ كِتَابْ التَّوْرَاةْ هَنَا مُوسَى دَا، مَا تِبَعِّدَهْ مِنَّكْ. أَقْرِيهْ فَجُرْ وَ عَشِيَّةْ أَشَانْ تِسَوِّي أَيِّ شَيّءْ حَسَبْ الْكَلَامْ الْمَكْتُوبْ فَوْقَهْ. وَ بَيْدَا، كُلَّ شَيّءْ التِّسَوِّيهْ يَبْقَى عَدِيلْ وَ تَنْجَحْ.

خُروج 15:15

وَ شُيُوخْ أَدَوْم بَرْجَلَوْا وَ مُلُوكْ مُوَابْ رَجَفَوْا وَ كُلَّ سُكَّانْ كَنْعَانْ أَيَّسَوْا.

يَشُوع 2:23

وَ خَلَاصْ، الرُّجَالْ الْإِتْنَيْن دَوْل أَدَّلَّوْا مِنْ الْجِبَالْ وَ قَطَعَوْا بَحَرْ الْأُرْدُنْ. وَ بَعَدْ دَا، جَوْا لِيَشُوعْ وِلَيْد نُونْ وَ كَلَّمَوْه بِكُلَّ الشَّيّءْ الْكَانْ لَيْهُمْ.

قُضياء 7:9

وَ فِي اللَّيْلَةْ دِي، اللّٰهْ قَالْ لِقِدْعُونْ: «قُمّ أَنْزِلْ وَ أَهْجِمْ مُعَسْكَرْ الْمِدْيَانِيِّينْ. أَنَا سَلَّمْتَهْ لَيْك!

يَشُوع 6:2

وَ اللّٰهْ قَالْ لِيَشُوعْ: «شِيفْ، أَنَا نِسَلِّمْ لَيْك أَرِيحَا وَ مَلِكْهَا وَ رُجَالْهَا الْفُرَّاسْ.

يَشُوع 8:1

وَ اللّٰهْ قَالْ لِيَشُوعْ: «مَا تَخَافْ وَ لَا تِنْبَهِتْ. شِيلْ مَعَاكْ كُلَّ الرُّجَالْ الْمُحَارِبِينْ وَ قُمّ ضِدّ حِلَّةْ عَايْ. دَاهُو أَنَا سَلَّمْت لَيْك مَلِكْ حِلَّةْ عَايْ وَ شَعَبَهْ وَ حِلِّتَهْ وَ بَلَدَهْ.

قُضياء 1:2

وَ اللّٰهْ قَالْ: «قَبِيلَةْ يَهُوذَا بَسْ يَهْجُمُوهُمْ أَشَانْ أَنَا خَلَاصْ أَنْطَيْتهُمْ الْبَلَدْ دِي فِي إِيدَيْهُمْ.»

قُضياء 18:10

وَ وَكِتْ تِوَصُّلُوا فِي الْبَلَدْ دِي، تَلْقَوْا شَعَبْ قَاعِدِينْ بِأَمَانْ وَ كُلَّ الْبَلَدْ وَسِيعَةْ قِدَّامْكُو أَشَانْ الرَّبّ سَلَّمَاهَا لَيْكُو فِي إِيدَيْكُو. وَ شَيّءْ مُقَصِّرْ فِي الْبَلَدْ دِي كَيْ مَا فِيهْ.»