يَشُوع 2:18 - الكتاب المقدس بالعربي الدارجي هنا تشاد

¹⁸ وَ وَكِتْ نَهْجُمُوا بَلَدْكِ، أَرْبُطِي الْجَنْقَوْ الْأَحْمَرْ دَا فِي الشُّبَّاكْ الْمَرَقْتِينَا بَيَّهْ. وَ لِمِّي فِي بَيْتكِ أَبُوكِ وَ أَمِّكِ وَ أَخْوَانْكِ وَ كُلَّ عَايِلِتْكِ.

يَشُوع 2:18 Referenca të Kryqëzuara

يَشُوع 6:23

وَ الْجَوَاسِيسْ دَوْل دَخَلَوْا فِي الْبَيْت وَ مَرَقَوْا رَاحَابْ وَ أَبُوهَا وَ أَمَّهَا وَ أَخْوَانْهَا وَ كُلَّ عَايِلِتْهَا. وَ هُمَّنْ مَرَقَوْا كُلَّ نَاسْ بَيْتهَا وَ خَطَّوْهُمْ بَرَّا مِنْ فَرِيقْ بَنِي إِسْرَائِيلْ.

يَشُوع 2:21

وَ هِي قَالَتْ: «خَلِّي يَبْقَى مِثِلْ إِنْتُو قُلْتُوهْ.» وَ خَلَاصْ، خَلَّتْهُمْ مَشَوْا وَ رَبَطَتْ الْجَنْقَوْ الْأَحْمَرْ فِي الشُّبَّاكْ.

عِبْرَانِيِّين 9:19

وَ بَعَدْ مُوسَى بَلَّغْ كُلَّ الشَّعَبْ بِكُلَّ وَصَايَا التَّوْرَاةْ، هُو شَالْ صُوفْ أَحْمَرْ وَ فِرِعْ هَنَا زُوفَةْ وَ دَسَّاهُمْ فِي أَلْمِي وَ دَمّ هَنَا عِجِلْ وَ غَنَمْ. وَ رَشَّ بَيْهُمْ الْكِتَابْ ذَاتَهْ وَ كُلَّ الشَّعَبْ.

أعمال الرُسُل 10:33

وَ طَوَّالِي، أَنَا رَسَّلْتُهُمْ أَشَانْ يِنَادُوكْ وَ شُكْراً بِجَيْتَكْ. وَ خَلَاصْ، كُلِّنَا قَاعِدِينْ هِنِي قِدَّامْ اللّٰهْ أَشَانْ نَسْمَعَوْا كُلَّ الْكَلَامْ الْاللّٰهْ أَمَرَكْ بَيَّهْ.»

لاوِيِّين 14:4

رَاجِلْ الدِّينْ يَامُرْ لِلنَّادُمْ الْيِطَّهَّرْ يِجِيبْ إِتْنَيْن طُيُورْ حَيِّينْ وَ طَاهِرِينْ وَ عُودْ مِنْ حَطَبْ الْأَرْز وَ خَيْط أَحْمَرْ وَ وَرْشَالْ زُوفَةْ.

2 تِمُوتَاوُس 1:16

خَلِّي رَبِّنَا يَرْحَمْ نَاسْ بَيْت أَخُونَا وَانِي سِفِرُسْ أَشَانْ هُو جَاءْ لَيِّ فِي السِّجِنْ وَ شَجَّعَانِي كَتِيرْ. جَنَازِيرِي أَبَداً مَا سَوَّوْا لَيَّهْ عَيْب.

أعمال الرُسُل 11:14

وَ هُو بَسْ يِأَوْرِيكْ الْكَلَامْ الْبَيَّهْ تَنْجَوْا، إِنْتَ وَ كُلَّ نَاسْ بَيْتَكْ.›

أعمال الرُسُل 10:27

وَ بُطْرُسْ دَخَلْ فِي الْبَيْت وَ قَاعِدْ يِحَجِّي مَعَايَهْ وَ مَشَى دَاخَلْ وَ لِقِي نَاسْ كَتِيرِينْ لَامِّينْ.

لُوقا 19:9

وَ عِيسَى رَدَّ وَ قَالْ: «خَلَاصْ، الْيَوْم النَّجَاةْ جَاتْ فِي الْبَيْت دَا أَشَانْ زَكَّا كُلَ مِنْ عِيَالْ إِبْرَاهِيمْ.

عَدد 19:6

وَ رَاجِلْ الدِّينْ يِشِيلْ عُودْ هَنَا أَرْز وَ فِرِعْ هَنَا زُوفَةْ وَ خَيْط أَحْمَرْ وَ يَزْقُلْهُمْ فِي النَّارْ الْقَاعِدَةْ تَحْرَقْ فَوْقهَا الْبَقَرَةْ.

عَدد 4:8

وَ يِغَطُّوا الطَّرَبَيْزَةْ وَ كُلَّ الْخُمَامْ الْفَوْقهَا بِقُمَاشْ أَحْمَرْ. وَ بَعَدْ دَا، يِلِفُّوهَا بِفَرْوَةْ عِجِلْ الْبَحَرْ وَ يِدِسُّوا لَيْهَا عِصَيّهَا الْيِشِيلُوهَا بَيْهُمْ.

تكوين 12:2

أَنَا نِسَوِّيكْ أَبُو هَنَا أُمَّةْ كَبِيرَةْ وَ نِبَارِكَكْ وَ أُسْمَكْ يَبْقَى طَالِعْ. وَ تَبْقَى بَرَكَةْ كَبِيرَةْ لِنَاسْ كَتِيرِينْ.

تكوين 7:1

وَ اللّٰهْ قَالْ لِنُوحْ: «أَدْخُلْ فِي السَّفِينَةْ، إِنْتَ وَ أَهَلْ بَيْتَكْ أَشَانْ أَنَا شِفْت إِنْتَ وِحَيْدَكْ بَسْ صَالِحْ قِدَّامِي فِي لُبّ كُلَّ النَّاسْ الْعَايْشِينْ فِي زَمَنَكْ دَا.

أسْتِير 8:6

وَ كِكَّيْف نَقْدَرْ نَحْمَلْ وَ نِشِيفْ الْفَسَالَةْ التَّلْحَقْ شَعَبِي؟ وَ كِكَّيْف نَقْدَرْ نَحْمَلْ وَ نِشِيفْ دَمَارْ أَهَلِي؟»

نشيد 4:3

وَ شَلَالِيفْكِ زُرُقْ مِثِلْ الْخَيْط الْأَزْرَقْ وَ خَشُمْكِ جَمِيلْ. وَ خُدُودْكِ مِثِلْ الرُّمَّانَاتْ غَادِي لِلَفَّاحِتْكِ.

خُروج 12:13

وَ الدَّمّ دَا يَبْقَى لَيْكُو عَلَامَةْ التَّحْمِيكُو فِي الْبُيُوتْ الْإِنْتُو سَاكْنِينْ فَوْقهُمْ. وَ كَنْ أَنَا شِفْت الدَّمّ دَا، نِبَارِي بُيُوتْكُو وَ الْوَبَاءْ هَنَا الْمَوْت مَا يَلْحَقْكُو وَكِتْ نِعَاقِبْ الْمَصْرِيِّينْ.

يَشُوع 6:25

وَ يَشُوعْ خَلَّى رَاحَابْ الشَّرْمُوطَةْ وَ عَايِلِتْهَا وَ كُلَّ نَاسْهَا حَيِّينْ أَشَانْ هِي لَبَّدَتْ الْجَوَاسِيسْ الرَّسَّلَاهُمْ يَشُوعْ يِأَكُّدُوا أَرِيحَا. وَ هِي وَ ذُرِّيِّتْهَا سَاكْنِينْ فِي أُسُطْ بَنِي إِسْرَائِيلْ لَحَدِّي الْيَوْم.