يَشُوع 19:51 - الكتاب المقدس بالعربي الدارجي هنا تشاد

⁵¹ وَ دَا بَسْ قِسِمْ الْأَرْض السَّوَّوْه رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ بِأَمْ عِيَيْدَاتْ. سَوَّوْه بِأَمْ عِيَيْدَاتْ قِدَّامْ اللّٰهْ فِي شِيلَوْه فِي مَدَخَلْ خَيْمَةْ الْإِجْتِمَاعْ. وَ بِمِثِلْ دَا، هُمَّنْ قَسَّمَوْا الْبَلَدْ.

يَشُوع 19:51 Referenca të Kryqëzuara

يَشُوع 18:10

وَ يَشُوعْ سَوَّى لَيْهُمْ أَمْ عِيَيْدَاتْ قِدَّامْ اللّٰهْ فِي شِيلَوْه. وَ بَيْدَا، يَشُوعْ قَسَّمْ الْبَلَدْ لِبَنِي إِسْرَائِيلْ حَسَبْ الْقِسِمْ الْوَقَعْ لِأَيِّ قَبِيلَةْ.

يَشُوع 14:1

وَ دَاهُو الْأَرْض اللِّقَوْهَا بَنِي إِسْرَائِيلْ مِثِلْ وَرَثَةْ فِي بَلَدْ كَنْعَانْ. وَ النَّاسْ الْقَسَّمَوْهَا لَيْهُمْ هُمَّنْ رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ.

يَشُوع 18:1

وَ بَعَدْ خَطَّوْا كُلَّ الْبَلَدْ تِحِتْ حُكُمْهُمْ، كُلَّ مُجْتَمَعْ بَنِي إِسْرَائِيلْ لَمَّوْا فِي شِيلَوْه وَ بَنَوْا خَيْمَةْ الْإِجْتِمَاعْ.

يُوحَنَّا 17:2

مِثِلْ إِنْتَ أَنْطَيْتنِي سُلْطَةْ فِي كُلَّ النَّاسْ، أَنَا نَنْطِي الْحَيَاةْ الْأَبَدِيَّةْ لِكُلَّ النَّاسْ الْإِنْتَ أَنْطَيْتهُمْ لَيِّ.

مَتَّى 25:34

«وَ الْمَلِكْ يِحَجِّي لِلنَّاسْ الْقَاعِدِينْ فِي نُصَّهْ الزَّيْنَايْ وَ يُقُولْ: ‹أَبُويِ بَارَكَاكُو. تَعَالُوا، شِيلُوا وَرَثَتْكُو وَ هِي الْمَمْلَكَةْ الْاللّٰهْ جَهَّزَاهَا لَيْكُو مِنْ هُو خَلَقْ الدُّنْيَا.

مَتَّى 20:23

وَ قَالْ لَيْهُمْ: «أَكِيدْ، تَشَرْبَوْا مِنْ كَاسِي لَاكِنْ مَا نَقْدَرْ نَعَزِلْ النَّاسْ الْيَقْعُدُوا بِإِيدِي الزَّيْنَةْ وَ بِإِيدِي الْإِسْرَةْ. اللّٰهْ جَهَّزْ الْبَكَانَاتْ دَوْل لِلنَّاسْ الْهُو بَسْ عَزَلَاهُمْ.»

زَبُور 78:60

هُو أَبَى مَسْكَنْ الْعِبَادَةْ فِي شِيلَوْه وَ دِي الْخَيْمَةْ الْهُو سَكَنْ فَوْقهَا فِي أُسْط النَّاسْ.

1 صَمُوِيل 1:3

وَ كُلِّ سَنَةْ أَلِقَانَى يَمْرُقْ مِنْ حِلِّتَهْ يَطْلَعْ وَ يَمْشِي لِحِلَّةْ شِيلَوْه أَشَانْ يَسْجُدْ وَ يِقَدِّمْ ضَحِيَّةْ لِلّٰهْ الْقَادِرْ. وَ دَا الْبَكَانْ الْقَاعِدِينْ فَوْقَهْ رُجَالْ الدِّينْ الْإِتْنَيْن حُفْنِي وَ فِينْحَاسْ أَوْلَادْ عَالِي. وَ هُمَّنْ مَسْؤُولِينْ مِنْ الضَّحِيَّةْ الْيِقَدُّمُوهَا لِلّٰهْ.

قُضياء 21:21

وَ كَنْ شِفْتُوا بَنَاتْ مِنْ شِيلَوْه مَرَقَنْ يَلْعَبَنْ سَوَا، خَلَاصْ إِنْتُو أَمُرْقُوا فَوْقهِنْ مِنْ جِنَيْنَاتْ الْعِنَبْ. وَ خَلِّي أَيِّ وَاحِدْ مِنْكُو يَكْرُبْ لَيَّهْ مَرَةْ مِنْ بَنَاتْ شِيلَوْه. شِيلُوهِنْ وَ أَمْشُوا بَيْهِنْ فِي تُرَابْ بَنْيَامِينْ.

قُضياء 21:19

وَ بَعَدْ دَا، قَالَوْا: «كُلِّ سَنَةْ فِيَّهْ عِيدْ لِلّٰهْ فِي شِيلَوْه الْقَاعِدَةْ مُنْشَاقْ لِبَيْت إِيلْ وَ وَطِي لِلَبُونَةْ وَ صَبَاحْ لِلدَّرِبْ الْيَمْشِي مِنْ بَيْت إِيلْ لِشَكِيمْ.»

تكوين 49:10

عَصَاةْ الْمُلُكْ تَقْعُدْ فِي عَايِلَةْ يَهُوذَا وَ عَصَاةْ الْحُكُمْ كُلَ مَا تَمْرُقْ مِنْ إِيدَيْهُمْ لَحَدِّي يَجِي النَّادُمْ الْوَاجِبْ لَيَّهْ الْمُلُكْ. وَ كُلَّ الشُّعُوبْ يِكَرُّمُوهْ.

أعمال الرُسُل 13:19

وَ بَعَدْ دَا، دَمَّرْ الْأُمَمْ السَّبْعَةْ الْأَوَّلْ قَاعِدِينْ فِي بَلَدْ كَنْعَانْ. وَ أَنْطَى بَلَدْهُمْ لِبَنِي إِسْرَائِيلْ أَشَانْ تَبْقَى وَرَثَتْهُمْ.

يَشُوع 20:1

وَ اللّٰهْ حَجَّى لِيَشُوعْ وَ قَالْ: