يَشُوع 18:6 - الكتاب المقدس بالعربي الدارجي هنا تشاد

⁶ أَمْشُوا وَ أَكْتُبُوا رَسِمْ حُدُودْ الْبَلَدْ حَسَبْ السَّبْعَةْ قِسِمْ وَ جِيبُوهْ لَيِّ هِنِي قِدَّامِي. وَ أَنَا نِسَوِّي أَمْ عِيَيْدَاتْ قِدَّامْ اللّٰهْ إِلٰـهْنَا أَشَانْ نَعَرْفُوا الْقِسِمْ لِأَيِّ قَبِيلَةْ.

يَشُوع 18:6 Referenca të Kryqëzuara

يَشُوع 14:2

وَ الْوَرَثَةْ دِي بِقَتْ لِتِسْعَةْ قَبَايِلْ وَ نُصّ قَبِيلَةْ مَنَسَّى بِأَمْ عِيَيْدَاتْ مِثِلْ اللّٰهْ أَمَرْ بَيَّهْ بِوَاسِطَةْ مُوسَى.

يَشُوع 18:10

وَ يَشُوعْ سَوَّى لَيْهُمْ أَمْ عِيَيْدَاتْ قِدَّامْ اللّٰهْ فِي شِيلَوْه. وَ بَيْدَا، يَشُوعْ قَسَّمْ الْبَلَدْ لِبَنِي إِسْرَائِيلْ حَسَبْ الْقِسِمْ الْوَقَعْ لِأَيِّ قَبِيلَةْ.

أعمال الرُسُل 13:19

وَ بَعَدْ دَا، دَمَّرْ الْأُمَمْ السَّبْعَةْ الْأَوَّلْ قَاعِدِينْ فِي بَلَدْ كَنْعَانْ. وَ أَنْطَى بَلَدْهُمْ لِبَنِي إِسْرَائِيلْ أَشَانْ تَبْقَى وَرَثَتْهُمْ.

أمْثال 18:18

أَمْ عِيَيْدَاتْ تِوَقِّفْ الْهُرَاجْ وَ تِحَاجِزْ أَمْبَيْنَاتْ الشُّدَادْ.

أمْثال 16:33

الْيِخَطِّطْ يُصُبّ الْوَدَعْ وَ لَاكِنْ الْيِقَرِّرْ، هُو اللّٰهْ.

زَبُور 105:11

وَ قَالْ: «أَنَا نَنْطِيكُو بَلَدْ كَنْعَانْ وَ دَا قِسِمْ التَّلْقَوْه وَرَثَةْ.»

يَشُوع 18:8

وَ الرُّجَالْ الْعَزَلَوْهُمْ جَهَّزَوْا لِلْمَشِي. وَ قُبَّالْ مَا يَمْشُوا، يَشُوعْ قَالْ لَيْهُمْ: «أَمْشُوا رُوغُوا الْبَلَدْ وَ أَكْتُبُوا رَسِمْهَا وَ قَبُّلُوا لَيِّ هِنِي. وَ أَنَا نِسَوِّي أَمْ عِيَيْدَاتْ قِدَّامْ اللّٰهْ هِنِي فِي شِيلَوْه أَشَانْ نَعَرْفُوا الْقِسِمْ لِأَيِّ قَبِيلَةْ.»

عَدد 34:13

وَ مُوسَى أَمَرْ بَنِي إِسْرَائِيلْ وَ قَالْ: «دِي الْبَلَدْ التِّقَسُّمُوهَا بِأَمْ عِيَيْدَاتْ وَ اللّٰهْ أَمَرْ يِقَسُّمُوهَا أَمْبَيْنَاتْ التِّسْعَةْ قَبَايِلْ وَ نُصّ قَبِيلَةْ.

عَدد 33:54

وَ قَسُّمُوا الْبَلَدْ دِي أَمْبَيْنَاتْ خُشُومْ بُيُوتْكُو بِأَمْ عِيَيْدَاتْ. أَيِّ خَشُمْ بَيْت كَبِيرْ يَلْقَى أَرْض كَبِيرَةْ وَ أَيِّ خَشُمْ بَيْت صَغَيَّرْ يَلْقَى أَرْض صَغَيْرَةْ وَ أَيِّ وَاحِدْ يَلْقَى وَرَثَتَهْ فِي الْبَكَانْ الْيَقَعْ لَيَّهْ بِأَمْ عِيَيْدَاتْ. وَ الْقِسِمْ دَا يَبْقَى أَمْبَيْنَاتْ قَبَايِلْكُو.

يَشُوع 18:7

وَ لَاكِنْ مَا فِي قِسِمْ أَمْبَيْنَاتْكُو لِلَّاوِيِّينْ أَشَانْ هُمَّنْ وَرَثَتْهُمْ خِدْمَةْ رُجَالْ الدِّينْ. وَ قَبِيلَةْ قَادْ وَ قَبِيلَةْ رَأُوبِينْ وَ نُصّ قَبِيلَةْ مَنَسَّى هُمَّنْ لِقَوْا قِسِمْهُمْ صَبَاحْ غَادِي لِبَحَرْ الْأُرْدُنْ. وَ دَا الْقِسِمْ الْأَنْطَاهْ لَيْهُمْ مُوسَى عَبْد اللّٰهْ.»