يَشُوع 18:3 - الكتاب المقدس بالعربي الدارجي هنا تشاد

³ وَ يَشُوعْ قَالْ لِبَنِي إِسْرَائِيلْ: «لِمَتَى تَابَوْا مَا تَمْشُوا تِشِيلُوا الْبَلَدْ الْأَنْطَاهَا لَيْكُو اللّٰهْ رَبّ جُدُودْكُو؟

يَشُوع 18:3 Referenca të Kryqëzuara

أمْثال 13:4

الْكَسْلَانْ يِتْمَنَّى وَ مَا يَلْقَى وَ لَاكِنْ النَّشِيطْ يَنْجَحْ وَ يَشْبَعْ.

قُضياء 18:9

وَ هُمَّنْ رَدَّوْا لَيْهُمْ وَ قَالَوْا: «يَلَّا! نُقُمُّوا ضِدُّهُمْ أَشَانْ أَنِحْنَ شِفْنَا الْبَلَدْ وَ هِي سَمْحَةْ مَرَّةْ وَاحِدْ. مَا تَقْعُدُوا سَاكِتْ! يَلَّا! قُمُّوا أَمْشُوا لِلْبَلَدْ دِي لِتِشِيلُوهَا.

مَتَّى 20:6

وَ قَرِيبْ لِلسَّاعَةْ خَمْسَةْ فِي الْعَصُرْ مَرَقْ بَتَّانْ وَ لِقِي خَدَّامِينْ آخَرِينْ مَا عِنْدُهُمْ خِدْمَةْ وَ سَأَلَاهُمْ وَ قَالْ: ‹مَالَا إِنْتُو قَاعِدِينْ هِنِي مِنْ الْفَجُرْ وَ مَا تَخْدُمُوا؟›

أمْثال 15:19

دَرِبْ الْكَسْلَانْ مُحَوَّقْ بِشَوْك وَ لَاكِنْ طَرِيقْ الْعَدِيلِينْ دَايْماً مَفْتُوحْ.

أمْثال 10:4

طَبِّقِينْ الْإِيدَيْن بِجِيبْ الْفَقُرْ وَ لَاكِنْ الْإِيدْ الْخَدَّامَةْ تِجِيبْ الْغُنَى.

صَفَنْيا 3:16

وَ فِي الْيَوْم دَا، يُقُولُوا لِمَدِينَةْ الْقُدُسْ: «مَا تَخَافَيْ، يَا صَهْيُون، وَ مَا تَكْسَلَيْ.

يُوحَنَّا 6:27

مَا تِجَاهُدُوا أَشَانْ تَلْقَوْا الْأَكِلْ الْيَتْلَفْ وَ لَاكِنْ جَاهُدُوا أَشَانْ تَلْقَوْا الْأَكِلْ الْمَا يَتْلَفْ وَ يَنْطِيكُو الْحَيَاةْ الْأَبَدِيَّةْ. دَا بَسْ الْأَكِلْ الْإِبْن الْإِنْسَانْ يَنْطِيهْ لَيْكُو. هُو النَّادُمْ الْاللّٰهْ أَبُوهْ شَهَدْ لَيَّهْ وَ أَكَّدْ هُو رَضْيَانْ بَيَّهْ خَلَاصْ.»

جامِعة 9:10

أَيِّ شَيّءْ التِّسَوِّيهْ، سَوِّيهْ بِكُلَّ قُدُرْتَكْ. أَشَانْ مَا فِي خِبْرَةْ وَ لَا مَعْرَفَةْ وَ لَا حِكْمَةْ فِي الْقَبُرْ، الْبَكَانْ الْإِنْتَ مَاشِي لَيَّهْ.

يَشُوع 18:2

وَ مِنْ بَنِي إِسْرَائِيلْ، فِي سَبْعَةْ قَبَايِلْ اللِّسَّاعْ مَا لِقَوْا وَرَثَتْهُمْ.

يَشُوع 18:4

أَعَزُلُوا تَلَاتَةْ رُجَالْ مِنْ أَيِّ قَبِيلَةْ وَ أَنَا نِرَسِّلْهُمْ يَمْشُوا يُرُوغُوا الْبَلَدْ. وَ يَكْتُبُوا رَسِمْ حُدُودْ أَرْض الْوَرَثَةْ الْمُوَافْقَةْ لِأَيِّ قَبِيلَةْ وَ يِقَبُّلُوا لَيِّ.

يَشُوع 1:6

أَبْقَى شَدِيدْ وَ فَحَلْ! أَشَانْ إِنْتَ بَسْ التِّوَدِّي الشَّعَبْ دَا فِي الْبَلَدْ الْأَنَا حَلَفْت لِجُدُودْهُمْ وَ قُلْت نَنْطِيهَا لَيْهُمْ.

يَشُوع 13:1

وَ يَشُوعْ بِقِي شَايِبْ مَرَّةْ وَاحِدْ وَ اللّٰهْ قَالْ لَيَّهْ: «إِنْتَ بِقِيتْ شَايِبْ مَرَّةْ وَاحِدْ وَ الْأَرْض الْوَاجِبْ تِشِيلُوهَا كُلَ كَبِيرَةْ.