يَشُوع 18:19 - الكتاب المقدس بالعربي الدارجي هنا تشاد

¹⁹ وَ الْحُدُودْ يِعَدُّوا عَلَيْ مُنْشَاقْ لِلدِّلَّيَّةْ هَنَا بَيْت حُقْلَةْ وَ يَمْشُوا لَحَدِّي مُنْشَاقْ لِلْبَحَرْ الْمَيِّتْ بَكَانْ الْيُصُبّ فَوْقَهْ بَحَرْ الْأُرْدُنْ. وَ دَوْل الْحُدُودْ مِنْ الْجُنُوبْ.

يَشُوع 18:19 Referenca të Kryqëzuara

يَشُوع 15:2

وَ حُدُودْهُمْ فِي الْجُنُوبْ مِنْ خَشُمْ الْبَحَرْ الْمَيِّتْ الْمُقَابِلْ الْجُنُوبْ.

تكوين 14:3

وَ الْمَجْمُوعَةْ التَّانِيَةْ لَمَّتْ رُجَالْهَا فِي وَادِي سِدِّيمْ الْبِنَادُوهْ الْيَوْم الْبَحَرْ الْمَيِّتْ.

إشَعْيا 11:15

وَ اللّٰهْ يِيَبِّسْ رِجِلْ بَحَرْ مَصِرْ وَ يَرْفَعْ إِيدَهْ لِيَضْرُبْ بَحَرْ الْفُرَاتْ بِشِدَّةْ نَفْخَتَهْ. وَ يِقَسِّمَهْ سَبْعَةْ وُدْيَانْ دُقَاقْ الْيَقْدَرَوْا يَقْطَعَوْهُمْ بِرِجْلَيْهُمْ.

يَشُوع 12:3

وَ يَمْلُكْ فِي وَادِي الْأُرْدُنْ مِنْ بَحَرْ الْجَلِيلْ فِي الْمُنْشَاقْ لَحَدِّي بَيْت يَشِيمُتْ قَرِيبْ الْبَحَرْ الْمَيِّتْ وَ بَتَّانْ لَحَدِّي التُّرَابْ فِي قَعَرْ جَبَلْ الْفِسْقَةْ فِي الْوَطِي.

يَشُوع 3:16

طَوَّالِي الْأَلْمِي الْجَارِي مِنْ الْعَيْن وَقَفْ وَ بِقِي مِثِلْ دُرْدُرْ فِي مَسَافَةْ طَوِيلَةْ فِي حِلَّةْ آدَمْ الْقَاعِدَةْ جَنْب صَرْتَانْ. وَ الْأَلْمِي النَّازِلْ عَلَيْ الْبَحَرْ الْمَيِّتْ وَقَفْ مَرَّةْ وَاحِدْ. وَ الشَّعَبْ قَطَعَوْا الْبَحَرْ مُقَابِلْ حِلَّةْ أَرِيحَا.

تَثْنِية 3:17

وَ الْحُدُودْ الْغَرْبَانِيِّةْ هَنَا خَشُمْ بَيْت مَكِيرْ وَ قَبِيلَةْ رَأُوبِينْ وَ قَبِيلَةْ قَادْ، هُمَّنْ مَشَوْا مَعَ طُولْ وَادِي الْأُرْدُنْ مِنْ بَحَرْ الْجَلِيلْ فِي الْمُنْشَاقْ لَحَدِّي الْبَحَرْ الْمَيِّتْ فِي الْوَطِي. وَ مِنَّهْ، الْحُدُودْ مَشَوْا لَحَدِّي قَعَرْ جَبَلْ الْفِسْقَةْ فِي الصَّبَاحْ.

عَدد 34:3

«‹مِنْ الْجُنُوبْ، حُدُودْكُو يَبْدَوْا مِنْ صَحَرَاء سِينْ قَرِيبْ لِبَلَدْ أَدَوْم. وَ الْحُدُودْ دَوْل يَبْدَوْا مِنْ صَبَاحْ لِلنُّصّ الْجُنُوبِي هَنَا الْبَحَرْ الْمَيِّتْ.

تكوين 19:25

وَ اللّٰهْ دَمَّرْ الْمُدُنْ دَوْل وَ كُلَّ الْمَنْطَقَةْ وَ الْحِلَّالْ وَ سُكَّانْهُمْ وَ كُلَّ نَبَاتَاتْ الْأَرْض.

يَشُوع 18:18

وَ الْحُدُودْ يِعَدُّوا بِالدِّلَّيَّةْ التِّدَلِّي فِي وَادِي الْأُرْدُنْ وَ يَمْشُوا عَلَيْ الْجُنُوبْ فِي وَادِي الْأُرْدُنْ.

يَشُوع 18:20

وَ الْحُدُودْ مِنْ صَبَاحْ هُو بَحَرْ الْأُرْدُنْ. وَ دَا بَسْ أَرْض وَرَثَةْ هَنَا قَبِيلَةْ بَنْيَامِينْ حَسَبْ خُشُومْ بُيُوتْهُمْ بِحُدُودْهُمْ مِنْ كُلِّ جِيهَةْ.