يَشُوع 18:16 - الكتاب المقدس بالعربي الدارجي هنا تشاد

¹⁶ وَ الْحُدُودْ يَمْشُوا طَرَفْ الْجَبَلْ الْمُقَابِلْ وَادِي بَنِي هِنُّومْ الْقَاعِدْ مُنْشَاقْ لِوَادِي رَفَايِينْ. وَ الْحُدُودْ يَمْشُوا مِنْ وَادِي بَنِي هِنُّومْ بِالدِّلَّيَّةْ الْجُنُوبِيِّةْ هَنَا جَبَلْ الْيَبُوسِيِّينْ وَ يِدَّلَّوْا عَلَيْ عَيْن رُوقِلْ.

يَشُوع 18:16 Referenca të Kryqëzuara

2 مُلوك 23:10

وَ بَتَّانْ الْمَلِكْ نَجَّسْ الْمَحْرَقْ هَنَا تُوفَةْ الْقَاعِدْ فِي وَادِي بَنِي هِنُّومْ أَشَانْ بَتَّانْ نَادُمْ مَا يِحَرِّقْ وِلَيْدَهْ وَ لَا بِنَيِّتَهْ فِي النَّارْ لِإِلٰـهْ مُولَكْ.

إشَعْيا 30:33

وَ مِنْ وَكِتْ طَوِيلْ، نُقْرَةْ النَّارْ جَاهِزَةْ أَيْوَى، هِي جَاهِزَةْ لِمَلِكْ أَشُورْ! وَ النُّقْرَةْ دِي طَوِيلَةْ وَ وَسِيعَةْ وَ دَفَّقَوْا فَوْقهَا حَطَبْ كَتِيرْ. وَ بِنَفْخَةْ اللّٰهْ الْمِثِلْ سَيْل شَدِيدْ هَنَا كِبْرِيتْ، هُو يِقَبِّضْهَا نَارْ.

إرْمِيا 32:35

وَ فِي وَادِي بَنِي هِنُّومْ بَنَوْا مَدْبَحْ لِبَعَلْ لِيِحَرُّقُوا فَوْقَهْ أَوْلَادْهُمْ وَ بَنَاتْهُمْ لِإِلٰـهُّمْ مُولَكْ. وَ دَا أَنَا مَا أَمَرْتُهُمْ بَيَّهْ وَ لَا فَكَّرْت فَوْقَهْ يَوْم وَاحِدْ. وَ بِالْمُحَرَّمَاتْ دَوْل، لَزَّوْا بَنِي يَهُوذَا فِي الذَّنِبْ.»

إرْمِيا 19:11

وَ قُولْ لَيْهُمْ: ‹دَاهُو اللّٰهْ الْقَادِرْ قَالْ: ”أَنَا نِكَسِّرْ الشَّعَبْ دَا وَ الْمَدِينَةْ دِي مِثِلْ كَسَّرْت الْإِبْرِيقْ دَا وَ هُو بَتَّانْ مَا يِلْعَدَّلْ. وَ يَدْفُنُوا الْجَنَازَاتْ فِي تُوفَةْ لَحَدِّي تِنْمَلِي وَ مَا تَقْدَرْ تِشِيلْهُمْ.

إرْمِيا 19:6

وَ فِي شَانْ دَا يَجِي يَوْم وَاحِدْ، بَتَّانْ مَا يِنَادُوا الْبَكَانْ دَا تُوفَةْ وَ لَا وَادِي بَنِي هِنُّومْ. وَ لَاكِنْ يِنَادُوهْ وَادِي الْجَنَازَاتْ.“› وَ دَا كَلَامْ اللّٰهْ.

إرْمِيا 19:2

وَ أَمْشِي مَعَاهُمْ عَلَيْ وَادِي بَنِي هِنُّومْ فِي خَشُمْ بَابْ الشِّقَفْ وَ هِنَاكْ بَلِّغْ بِالْكَلَامْ الْأَنَا نُقُولَهْ لَيْك.

2 أخبار 33:6

وَ مَنَسَّى ذَاتَهْ حَرَّقْ أَوْلَادَهْ فِي النَّارْ لِلْأَصْنَامْ فِي وَادِي بَنِي هِنُّومْ. وَ مَشَى لِلشَّدَّارَى وَ الشَّوَّافِينْ وَ السَّحَّارِينْ وَ النَّاسْ الْيِكَلُّمُوا مَعَ الْمَيْتِينْ وَ الْجَنَّانِيِّينْ. وَ قَاعِدْ يِغَضِّبْ اللّٰهْ زِيَادَةْ بِالْفَسَالَةْ الْهُو سَوَّاهَا.

2 أخبار 28:3

وَ هُو قَدَّمْ بَخُورْ فِي وَادِي بَنِي هِنُّومْ وَ قَدَّمْ عِيَالَهْ وَ حَرَّقَاهُمْ فِي النَّارْ. وَ دَا نَفْس الْمُحَرَّمَاتْ السَّوَّوْهُمْ الْأُمَمْ الْاللّٰهْ قَلَعْ مِنْهُمْ أَرْضُهُمْ وَ أَنْطَاهَا لِبَنِي إِسْرَائِيلْ.

1 أخبار 14:9

وَ الْفِلِسْطِيِّينْ مَشَوْا وَ هَجَمَوْا سُكَّانْ فِي وَادِي رَفَايِينْ.

1 مُلوك 1:9

وَ يَوْم وَاحِدْ، أَدُنِيَّا قَدَّمْ ضَحَايَا هَنَا غَنَمْ وَ بَقَرْ وَ تِيرَانْ سُمَانْ قَرِيبْ لِلْحَجَرْ الْأَمْلَسْ الْفِي حِلَّةْ عَيْن رُوقِلْ. وَ هُو عَزَمْ كُلَّ أَخْوَانَهْ عِيَالْ الْمَلِكْ وَ كُلَّ بَنِي يَهُوذَا مَسَائِيلْ الْمَلِكْ.

2 صَمُوِيل 17:17

وَ فِي الْوَكِتْ دَا، أَخِمَاعَصْ وَ يُونَتَانْ قَعَدَوْا فِي حِلَّةْ عَيْن رُوقِلْ. وَ وَاجِبْ خَدَّامَةْ وَاحِدَةْ تَمْشِي تِخَبِّرْهُمْ وَ هُمَّنْ كَمَانْ يَمْشُوا يِكَلُّمُوهْ لِدَاوُدْ أَشَانْ هُمَّنْ مَا يَقْدَرَوْا يَدْخُلُوا فِي أُورُشَلِيمْ لِيِشِيفُوهُمْ.

قُضياء 19:10

وَ لَاكِنْ فِي الْمَرَّةْ دِي، اللَّاوِي أَبَى مَا يُنُومْ. وَ قَمَّ مَشَى مَعَ حَمِيرَهْ الْإِتْنَيْن مَشْدُودِينْ وَ سِرِّيتَهْ لَحَدِّي وَصَّلْ مُقَابِلْ يَبُوسْ يَعْنِي أُورُشَلِيمْ.

قُضياء 1:21

وَ كَنْ لِلْيَبُوسِيِّينْ السَّاكْنِينْ فِي أُورُشَلِيمْ، قَبِيلَةْ بَنْيَامِينْ مَا شَالَوْا مِنْهُمْ أَرْضُهُمْ. وَ الْيَبُوسِيِّينْ سَاكْنِينْ مَعَ قَبِيلَةْ بَنْيَامِينْ فِي أُورُشَلِيمْ لَحَدِّي الْيَوْم.

قُضياء 1:8

وَ قَبِيلَةْ يَهُوذَا هَجَمَوْا مَدِينَةْ أُورُشَلِيمْ وَ شَالَوْهَا وَ كَتَلَوْا كُلَّ سُكَّانْهَا بِالْسَّيْف وَ حَرَّقَوْهَا.

يَشُوع 18:28

وَ صِيلَعْ وَ أَلِفْ وَ مَدِينَةْ الْيَبُوسِيِّينْ يَعْنِي أُورُشَلِيمْ وَ قِبَيْعَةْ وَ قَرْيَةْ يَعَرِيمْ. وَ بِالْجُمْلَةْ 14 مُدُنْ وَ حِلَّالْهُمْ التَّابْعِينْ لَيْهُمْ. وَ دَا كُلَّ أَرْض وَرَثَةْ هِنْت قَبِيلَةْ بَنْيَامِينْ حَسَبْ خُشُومْ بُيُوتْهُمْ.

يَشُوع 15:63

وَ لَاكِنْ قَبِيلَةْ يَهُوذَا مَا قِدْرَوْا شَالَوْا أَرْض الْيَبُوسِيِّينْ السَّاكْنِينْ فِي أُورُشَلِيمْ. وَ الْيَبُوسِيِّينْ قَاعِدِينْ يَسْكُنُوا فِي أُورُشَلِيمْ فِي أُسُطْ قَبِيلَةْ يَهُوذَا لَحَدِّي الْيَوْم.

2 صَمُوِيل 5:18

وَ الْفِلِسْطِيِّينْ جَوْا لِلْحَرِبْ وَ رَصَّوْا فِي وَادِي رَفَايِينْ.