يَشُوع 18:12 - الكتاب المقدس بالعربي الدارجي هنا تشاد

¹² وَ مِنْ جِيهَةْ الْمُنْشَاقْ، حُدُودْهُمْ يَمْشُوا مِنْ بَحَرْ الْأُرْدُنْ لَحَدِّي الدِّلَّيَّةْ هَنَا أَرِيحَا فِي الْمُنْشَاقْ وَ لَحَدِّي بَلَدْ الْجِبَالْ الْفِي الْغَرِبْ وَ يَقِيفُوا فِي صَحَرَاء بَيْت آوَنْ.

يَشُوع 18:12 Referenca të Kryqëzuara

يَشُوع 16:1

وَ قِسِمْ الْأَرْض هَنَا ذُرِّيَّةْ يُوسُفْ يَمْشِي مِنْ بَحَرْ الْأُرْدُنْ قَرِيبْ لِأَرِيحَا لَحَدِّي صَبَاحْ لِعَيْن أَرِيحَا وَ يَطْلَعْ عَلَيْ الصَّحَرَاء مِنْ أَرِيحَا لَحَدِّي جِبَالْ بَيْت إِيلْ.

يَشُوع 7:2

وَ مِنْ أَرِيحَا، يَشُوعْ رَسَّلْ جَوَاسِيسْ لِحِلَّةْ عَايْ الْقَرِيبَةْ لِحِلَّةْ بَيْت آوَنْ صَبَاحْ لِحِلَّةْ بَيْت إِيلْ. وَ قَالْ: «أَمْشُوا أَكُّدُوا الْبَلَدْ.» وَ الْجَوَاسِيسْ دَوْل مَشَوْا أَكَّدَوْا حِلَّةْ عَايْ.

هُوشَع 10:5

وَ سُكَّانْ السَّامِرَةْ يَرْجُفُوا فِي شَانْ صَنَمْهُمْ هَنَا الْعِجِلْ فِي حِلَّةْ بَيْت إِيلْ الْفَسْلَةْ. شَعَبْهَا يَحْزَنَوْا بِسَبَبْ عِجِلْهُمْ وَ رُجَالْ دِينْهُمْ كُلَ يَرْجُفُوا أَشَانْ يِوَدُّوا مَجْد صَنَمْهُمْ فِي الْغُرْبَةْ.

هُوشَع 5:8

اللّٰهْ قَالْ: «أَضُرْبُوا الْبُوقْ فِي قِبَيْعَةْ وَ أَضُرْبُوا الْبُرُنْجِي فِي الرَّامَةْ. عِيطُوا لِبَيْت إِيلْ الْفَسْلَةْ وَ شِيفُوا وَرَاكُو، يَا نَاسْ بَنْيَامِينْ!

هُوشَع 4:15

يَا بَنِي إِسْرَائِيلْ، كَنْ إِنْتُو أَشَّرْمَطْتُوا كُلَ، خَلِّي بَنِي يَهُوذَا مَا يَخْطَوْا! مَا تَمْشُوا لِبَكَانْ الْعِبَادَةْ فِي قِلْقَالْ وَ لَا تَطْلَعَوْا عَلَيْ بَيْت إِيلْ الْفَسْلَةْ وَ مَا تَحَلْفُوا بِاللّٰهْ الْحَيّ.

يَشُوع 6:1

وَ أَرِيحَا مَسْدُودَةْ قَوِي مِنْ بَنِي إِسْرَائِيلْ وَ نَادُمْ مَا مَرَقْ وَ لَا دَخَلْ.

يَشُوع 3:16

طَوَّالِي الْأَلْمِي الْجَارِي مِنْ الْعَيْن وَقَفْ وَ بِقِي مِثِلْ دُرْدُرْ فِي مَسَافَةْ طَوِيلَةْ فِي حِلَّةْ آدَمْ الْقَاعِدَةْ جَنْب صَرْتَانْ. وَ الْأَلْمِي النَّازِلْ عَلَيْ الْبَحَرْ الْمَيِّتْ وَقَفْ مَرَّةْ وَاحِدْ. وَ الشَّعَبْ قَطَعَوْا الْبَحَرْ مُقَابِلْ حِلَّةْ أَرِيحَا.

يَشُوع 2:1

وَ مِنْ فَرِيقْهُمْ فِي شِطِّيمْ، يَشُوعْ وِلَيْد نُونْ رَسَّلْ جَوَاسِيسْ إِتْنَيْن بِسِرّ وَ قَالْ لَيْهُمْ: «أَمْشُوا أَكُّدُوا الْبَلَدْ وَ حِلَّةْ أَرِيحَا.» وَ هُمَّنْ مَشَوْا. وَكِتْ وَصَّلَوْا فِي حِلَّةْ أَرِيحَا، دَخَلَوْا فِي بَيْت هَنَا مَرَةْ وَاحِدَةْ شَرْمُوطَةْ أُسُمْهَا رَاحَابْ وَ نَامَوْا فِي الْبَكَانْ دَا.

يَشُوع 8:15

وَ خَلَاصْ، يَشُوعْ وَ دَيْش بَنِي إِسْرَائِيلْ سَوَّوْا نُفُوسْهُمْ مِثِلْ أَنْهَزَمَوْا وَ قَمَّوْا عَرَّدَوْا عَلَيْ الصَّحَرَاء.

يَشُوع 18:11

وَ الْقِسِمْ الْأَوَّلْ أَنْطَوْه لِقَبِيلَةْ بَنْيَامِينْ حَسَبْ خُشُومْ بُيُوتْهُمْ. وَ التُّرَابْ اللِّقَوْه قَاعِدْ أَمْبَيْن تُرَابْ قَبِيلَةْ يَهُوذَا وَ تُرَابْ ذُرِّيَّةْ يُوسُفْ.

1 صَمُوِيل 13:5

وَ الْفِلِسْطِيِّينْ كُلَ لَمَّوْا لِيِحَارُبُوا بَنِي إِسْرَائِيلْ وَ هُمَّنْ عِنْدُهُمْ 30 000 عَرَبَاتْ الْحَرِبْ وَ 6 000 سِيَادْ الْخَيْل وَ رُجَالْ كَتِيرِينْ مِثِلْ رَمْلَةْ هَنَا خَشُمْ الْبَحَرْ. وَ جَوْا وَ دَلَّوْا فِي حِلَّةْ مِكْمَاشْ صَبَاحْ لِحِلَّةْ بَيْت آوَنْ.