يَشُوع 17:18 - الكتاب المقدس بالعربي الدارجي هنا تشاد

¹⁸ وَ هَسَّعْ دَا، شِيلُوا بَلَدْ الْجِبَالْ حَتَّى كَانْ هِي غَابَةْ كُلَ أَقْطَعَوْا شَدَرْهَا وَ أَقْعُدُوا فَوْقهَا. وَ أَطُرْدُوا الْكَنْعَانِيِّينْ حَتَّى كَانْ هُمَّنْ عِنْدُهُمْ عَرَبَاتْ هَنَا حَدِيدْ وَ قُدْرَةْ كُلَ.»

يَشُوع 17:18 Referenca të Kryqëzuara

عِبْرَانِيِّين 13:6

أَشَانْ دَا، كُلِّنَا نَقْدَرَوْا نُقُولُوا بَلَا شَكَكْ: <اللّٰهْ يِسَاعِدْنِي، أَنَا مَا نَخَافْ مِنْ شَيّءْ. النَّاسْ يَقْدَرَوْا يِسَوُّوا لَيِّ شُنُو؟>

رَوْمَا 8:31

وَ خَلَاصْ بَعَدْ كُلَّ الْكَلَامْ دَا، نُقُولُوا شُنُو؟ كَنْ اللّٰهْ مَعَانَا، مَا فِي الْيُقُمّ ضِدِّنَا.

رَوْمَا 8:37

وَ لَاكِنْ كُلَّ الصُّعُوبَاتْ دَوْل، أَنِحْنَ نِنَّصُرُوا فَوْقهُمْ نَصُرْ كَبِيرْ بِالْمَسِيحْ الْيِحِبِّنَا.

يَشُوع 15:9

وَ الْحُدُودْ يِقَبُّلُوا مِنْ رَاسْ الْجَبَلْ لَحَدِّي عَيْن نِفْتُوحْ وَ يَمْشُوا عَلَيْ الْحِلَّالْ الْفِي جَبَلْ عَفْرُونْ وَ يِقَبُّلُوا عَلَيْ بَعْلَةْ يَعْنِي قَرْيَةْ يَعَرِيمْ.

يَشُوع 20:7

وَ خَلَاصْ، بَنِي إِسْرَائِيلْ خَصَّصَوْا قَدَشْ الْجَلِيلْ الْفِي جِبَالْ نَفْتَالِي وَ شَكِيمْ الْفِي جِبَالْ أَفْرَايِمْ وَ قَرْيَةْ أَرْبَعَةْ يَعْنِي حِبْرُونْ الْفِي جِبَالْ يَهُوذَا.

يَشُوع 13:6

وَ شِيلُوا كُلَّ الْجَبَلْ مِنْ لُبْنَانْ لَحَدِّي مِسْرَفْوتْ مَايِمْ الْيَسْكُنْ فَوْقَهْ الصَّيْدُونِيِّينْ. وَ كُلَّ السُّكَّانْ دَوْل، أَنَا نَطْرُدْهُمْ قِدَّامْ بَنِي إِسْرَائِيلْ. وَ إِنْتَ شِيلْ الْبَلَدْ دِي وَ قَسِّمْهَا وَرَثَةْ لِبَنِي إِسْرَائِيلْ بِأَمْ عِيَيْدَاتْ مِثِلْ أَنَا أَمَرْتَكْ بَيَّهْ.

يَشُوع 17:17

وَ يَشُوعْ قَالْ لِذُرِّيَّةْ يُوسُفْ يَعْنِي قَبِيلَةْ أَفْرَايِمْ وَ قَبِيلَةْ مَنَسَّى: «إِنْتُو نَاسْ كَتِيرِينْ وَ عِنْدُكُو قُدْرَةْ زِيَادَةْ. مَا وَاجِبْ قِسِمْكُو يَبْقَى وَاحِدْ.

1 صَمُوِيل 1:1

فِيَّهْ رَاجِلْ وَاحِدْ مِنْ حِلَّةْ الرَّامَةْ فِي جِبَالْ أَفْرَايِمْ مِنْ خَشُمْ بَيْت صُوفْ. أُسْمَهْ أَلِقَانَى وِلَيْد يَرُوحَامْ وِلَيْد أَلِيهُو وِلَيْد تُوحُو وِلَيْد صُوفْ. وَ هُو مِنْ قَبِيلَةْ أَفْرَايِمْ.

2 صَمُوِيل 18:6

وَ خَلَاصْ، عَسْكَرْ دَاوُدْ مَرَقَوْا فِي الْكَدَادَةْ لِيِحَارُبُوا بَنِي إِسْرَائِيلْ. وَ الْحَرِبْ بَدَا فِي الْغَابَةْ هَنَا بَلَدْ أَفْرَايِمْ.

تكوين 49:24

لَاكِنْ هُو كَرَبْ نُبَّالَهْ عَدِيلْ وَ إِيدَيْنَهْ ثَابْتِينْ. تَلْقَى الْبَرَكَةْ بِقُدْرَةْ اللّٰهْ الْجَبَّارْ، إِلٰـهْ يَعْقُوبْ، أَيْوَى، بِأُسُمْ اللّٰهْ الرَّاعِي الْيَحْمِي إِسْرَائِيلْ.

تَثْنِية 33:17

هُو عِنْدَهْ شَرَفْ مِثِلْ تَوْر وَلْد الْبِكِرْ وَ قُرُونَهْ مِثِلْ قُرُونْ الْجَامُوسْ. بِضَرْبَةْ وَاحِدَةْ، هُو يَضْرُبْ بَيْهُمْ كُلَّ الشَّعَبْ لَحَدِّي آخِرْ الْأَرْض. وَ هُمَّنْ عَشَرَاتْ الْآلَافْ مِنْ عِيَالْ أَفْرَايِمْ وَ آلَافْ مِنْ عِيَالْ مَنَسَّى.