يَشُوع 17:16 - الكتاب المقدس بالعربي الدارجي هنا تشاد

¹⁶ وَ ذُرِّيَّةْ يُوسُفْ قَالَوْا لَيَّهْ: «صَحِيحْ الْجِبَالْ وِحَيْدهُمْ مَا يِتِمُّونَا وَ لَاكِنْ الْكَنْعَانِيِّينْ السَّاكْنِينْ فِي السَّهَلَةْ هَنَا الْبَلَدْ دِي عِنْدُهُمْ عَرَبَاتْ هَنَا حَدِيدْ وَ نَاسْ الْقَاعِدِينْ فِي بَيْت شَانْ وَ حِلَّالْهَا التَّابْعِينْ لَيْهَا وَ الْفِي وَادِي يَزْرَعِيلْ كُلَ.»

يَشُوع 17:16 Referenca të Kryqëzuara

1 مُلوك 4:12

وَ بَعَنَى وِلَيْد أَخِلُودْ حَاكِمْ فِي تَعْنَكْ وَ مَقِدُّو وَ كُلَّ مَنْطَقَةْ بَيْت شَانْ الْقَرِيبَةْ لِصَرْتَانْ قِدَّامْ لِيَزْرَعِيلْ يَعْنِي مِنْ بَيْت شَانْ لَحَدِّي آبِلْ مَحُولَى وَ لَحَدِّي غَادِي لِيَقْمَعَامْ.

قُضياء 4:3

وَ بَنِي إِسْرَائِيلْ صَرَخَوْا لِلّٰهْ أَشَانْ سِيسْرَا عِنْدَهْ 900 عَرَبَةْ هِنْت حَدِيدْ وَ هُو ظَلَمْهُمْ لِبَنِي إِسْرَائِيلْ ظُلُمْ شَدِيدْ لِمُدَّةْ 20 سَنَةْ.

قُضياء 1:19

وَ اللّٰهْ سَاعَدْ قَبِيلَةْ يَهُوذَا وَ هُمَّنْ شَالَوْا مَنَاطِقْ هَنَا الْجِبَالْ. وَ لَاكِنْ مَا قِدْرَوْا يِشِيلُوا بَلَدْ سُكَّانْ السَّهَلَةْ أَشَانْ السُّكَّانْ دَوْل عِنْدُهُمْ عَرَبَاتْ هَنَا حَدِيدْ لِلْحَرِبْ.

قُضياء 6:33

وَ بَعَدْ دَا، كُلَّ الْمِدْيَانِيِّينْ وَ الْعَمَالِقْ وَ قَبَايِلْ الصَّبَاحْ لَمَّوْا كَلَامْهُمْ سَوَا وَ قَطَعَوْا بَحَرْ الْأُرْدُنْ وَ نَزَلَوْا فِي وَادِي يَزْرَعِيلْ.

يَشُوع 17:18

وَ هَسَّعْ دَا، شِيلُوا بَلَدْ الْجِبَالْ حَتَّى كَانْ هِي غَابَةْ كُلَ أَقْطَعَوْا شَدَرْهَا وَ أَقْعُدُوا فَوْقهَا. وَ أَطُرْدُوا الْكَنْعَانِيِّينْ حَتَّى كَانْ هُمَّنْ عِنْدُهُمْ عَرَبَاتْ هَنَا حَدِيدْ وَ قُدْرَةْ كُلَ.»

2 مُلوك 9:37

وَ الْفَضْلَةْ هَنَا جِسِمْهَا كَمَانْ تَبْقَى مِثِلْ الْبَعَرْ الدَّيَّرَوْا بَيَّهْ زَرَعْ فِي أَرْض يَزْرَعِيلْ. وَ نَادُمْ مَا يَقْدَرْ يَعَرِفْهَا وَ يُقُولْ: ”دِي إِزَبِيلْ.“›»

2 مُلوك 9:10

وَ كَنْ لِإِزَبِيلْ كَمَانْ، الْكُلابْ يَاكُلُوهَا فِي أَرْض يَزْرَعِيلْ وَ نَادُمْ الْيَسْتُرْهَا كُلَ مَا فِيهْ.›» وَ خَلَاصْ، النَّبِي فَتَحْ الْبَابْ وَ عَرَّدْ.

1 مُلوك 21:23

وَ اللّٰهْ حَجَّى بَتَّانْ فِي الشَّيّءْ الْبُخُصّ إِزَبِيلْ وَ قَالْ: ‹الْكُلابْ يَاكُلُوهَا لِإِزَبِيلْ فِي قَعَرْ الدُّرْدُرْ هَنَا حِلَّةْ يَزْرَعِيلْ.

1 مُلوك 21:1

وَ بَعَدْ دَا، فِي شَيّءْ آخَرْ كُلَ حَصَلْ. فِيَّهْ نَادُمْ وَاحِدْ أُسْمَهْ نَابُوتْ. هُو مِنْ حِلَّةْ يَزْرَعِيلْ وَ عِنْدَهْ جِنَيْنَةْ عِنَبْ فِي يَزْرَعِيلْ جَنْب قَصِرْ أَخَابْ مَلِكْ السَّامِرَةْ.

1 مُلوك 18:46

وَ إِيدْ اللّٰهْ كَانَتْ مَعَ إِلِيَاسْ وَ هُو رَبَطْ صُلْبَهْ وَ قَاعِدْ يَجْرِي قِدَّامْ أَخَابْ لَحَدِّي مَدَخَلْ حِلَّةْ يَزْرَعِيلْ.

قُضياء 4:13

وَ خَلَاصْ سِيسْرَا لَمَّ كُلَّ عَرَبَاتَهْ هَنَا الْحَدِيدْ الْعَدَدْهُمْ 900 وَ كُلَّ دَيْشَهْ. وَ قَمَّ مِنْ حَرُوشَةْ قُويِمْ وَ مَشَى لِوَادِي قِيشُونْ.

يَشُوع 19:18

وَ حُدُودْهُمْ يَمْشُوا عَلَيْ يَزْرَعِيلْ وَ كَسُلُوتْ وَ شُونَمْ

يَشُوع 17:11

وَ قَبِيلَةْ مَنَسَّى لِقَوْا مُدُنْ فِي أَرْض يَسَّاكَرْ وَ أَرْض أَشِيرْ. وَ الْمُدُنْ دَوْل هُمَّنْ بَيْت شَانْ وَ يِبْلَعَامْ وَ الْحِلَّالْ التَّابْعِينْ لَيْهُمْ وَ دُورْ وَ عَيْن دُورْ وَ تَعْنَكْ وَ مَقِدُّو وَ سُكَّانْهُمْ وَ الْحِلَّالْ التَّابْعِينْ لَيْهُمْ. وَ دَا، تَلَاتَةْ مَنَاطِقْ.

يَشُوع 17:15

وَ يَشُوعْ قَالْ لَيْهُمْ: «كَنْ إِنْتُو نَاسْ كَتِيرِينْ وَ جِبَالْ أَفْرَايِمْ ضَيِّقْ لَيْكُو، أَمْشُوا فِي الْغَابَةْ وَ شِيلُوا لِنُفُوسْكُو بَكَانْ فِي بَلَدْ الْفِرِزِّيِّينْ وَ الرَّفَايِينْ.»

يَشُوع 17:17

وَ يَشُوعْ قَالْ لِذُرِّيَّةْ يُوسُفْ يَعْنِي قَبِيلَةْ أَفْرَايِمْ وَ قَبِيلَةْ مَنَسَّى: «إِنْتُو نَاسْ كَتِيرِينْ وَ عِنْدُكُو قُدْرَةْ زِيَادَةْ. مَا وَاجِبْ قِسِمْكُو يَبْقَى وَاحِدْ.

1 مُلوك 18:45

وَ طَوَّالِي، السَّمَاءْ بِقِي أَضْلَمْ بِزِيَادَةْ مِنْ السَّحَابْ وَ الرِّيحْ وَ مَطَرَةْ شَدِيدَةْ صَبَّتْ. وَ أَخَابْ رِكِبْ فِي عَرَبَتَهْ وَ مَشَى لِحِلَّةْ يَزْرَعِيلْ.

إرْمِيا 49:2

فِي شَانْ دَا، يَجِي يَوْم وَاحِدْ الْفَوْقَهْ أَنَا نِجِيبْ كُرَوْرَاكْ الْهُجُومْ فِي رَبَّةْ مَدِينَةْ بَنِي عَمُّونْ. وَ دَا كَلَامْ اللّٰهْ. هِي تَخْرَبْ وَ تَبْقَى كَوْم هَنَا تُرَابْ وَ الْحِلَّالْ التَّابْعِينْ لَيْهَا يَحْرَقَوْا بِنَارْ. وَ فِي الْبَكَانْ دَا، بَنِي إِسْرَائِيلْ يَقْلَعَوْا مِنْ الْعُدْوَانْ الْقَلَعَوْا مِنْهُمْ. وَ دَا، اللّٰهْ بَسْ قَالَهْ.

يَشُوع 15:56

وَ يَزْرَعِيلْ وَ يَقْدَعَامْ وَ زَنُوحْ

1 صَمُوِيل 29:1

وَ الْفِلِسْطِيِّينْ لَمَّوْا عَسْكَرْهُمْ فِي حِلَّةْ أَفِيقْ. وَ بَنِي إِسْرَائِيلْ كَمَانْ لَمَّوْا عَسْكَرْهُمْ جَنْب عَيْن الْأَلْمِي الْقَاعِدَةْ فِي حِلَّةْ يَزْرَعِيلْ.