يَشُوع 17:11 - الكتاب المقدس بالعربي الدارجي هنا تشاد

¹¹ وَ قَبِيلَةْ مَنَسَّى لِقَوْا مُدُنْ فِي أَرْض يَسَّاكَرْ وَ أَرْض أَشِيرْ. وَ الْمُدُنْ دَوْل هُمَّنْ بَيْت شَانْ وَ يِبْلَعَامْ وَ الْحِلَّالْ التَّابْعِينْ لَيْهُمْ وَ دُورْ وَ عَيْن دُورْ وَ تَعْنَكْ وَ مَقِدُّو وَ سُكَّانْهُمْ وَ الْحِلَّالْ التَّابْعِينْ لَيْهُمْ. وَ دَا، تَلَاتَةْ مَنَاطِقْ.

يَشُوع 17:11 Referenca të Kryqëzuara

1 أخبار 7:29

وَ ذُرِّيَّةْ مَنَسَّى كُلَ سَكَنَوْا فِي مُدُنْ وَ هُمَّنْ بَيْت شَانْ وَ تَعْنَكْ وَ مَقِدُّو وَ دُورْ وَ الْحِلَّالْ التَّابْعِينْ لَيْهُمْ. وَ فِي الْحِلَّالْ دَوْل بَسْ سَكَنَوْا ذُرِّيَّةْ يُوسُفْ وِلَيْد إِسْرَائِيلْ.

2 مُلوك 9:27

وَ وَكِتْ أَخَزْيَا مَلِكْ مَمْلَكَةْ يَهُوذَا شَافْ الشَّيّءْ دَا، قَمَّ عَرَّدْ وَ شَالْ دَرِبْ هَنَا حِلَّةْ بَيْت هَقَّانْ. وَ يَاهُو طَرَدَهْ وَ قَالْ: «أَكْتُلُوهْ هُو كُلَ!» وَ وَكِتْ أَخَزْيَا طَالِعْ عَلَيْ قِيزَانْ قُورْ الْقَرِيبْ لِحِلَّةْ يِبْلَعَامْ دَا، ضَرَبَوْه فِي لُبّ عَرَبَتَهْ. وَ هُو عَرَّدْ لَحَدِّي وِصِلْ مَدِينَةْ مَقِدُّو وَ مَاتْ فَوْقهَا.

قُضياء 5:19

«وَ جَوْا مُلُوكْ وَ حَارَبَوْا. خَلَاصْ، مُلُوكْ كَنْعَانْ كُلَ حَارَبَوْا. فِي تَعْنَكْ قَرِيبْ لِأَلْمِي مَقِدُّو، مَا لِقَوْا غَنِيمَةْ هَنَا فُضَّةْ.

قُضياء 1:27

وَ قَبِيلَةْ مَنَسَّى مَا شَالَوْا أَرْض سُكَّانْ بَيْت شَانْ وَ تَعْنَكْ وَ دُورْ وَ يِبْلَعَامْ وَ مَقِدُّو وَ حِلَّالْهُمْ التَّابْعِينْ لَيْهُمْ. وَ بَيْدَا، الْكَنْعَانِيِّينْ قَاعِدِينْ يَسْكُنُوا فِي الْبَلَدْ دِي.

يَشُوع 12:23

وَ مَلِكْ دُورْ فِي قِيزَانْ هَنَا دُورْ وَ مَلِكْ قُويِمْ فِي جَلِيلْ

زَبُور 83:10

هُمَّنْ أَدَّمَّرَوْا فِي عَيْن دُورْ وَ بِقَوْا بَعَرْ دَيَّرَوْا بَيَّهْ الزِّرَاعَةْ.

1 مُلوك 9:15

وَ دَاهُو الشَّيّءْ الْبُخُصّ الْخِدْمَةْ الْإِجْبَارِيَّةْ الْأَسَاسْهَا الْمَلِكْ سُلَيْمَانْ فِي وَكِتْ بُنَى بَيْت اللّٰهْ وَ قَصِرْ الْمَلِكْ وَ دُرْدُرْ الدِّفَاعْ السَّمَّوْه مِلُّو وَ دَرَادِرْ هَنَا مَدِينَةْ الْقُدُسْ وَ حِلَّالْ حَاصُورْ وَ مَقِدُّو وَ قَازَرْ.

1 صَمُوِيل 31:10

وَ هُمَّنْ خَطَّوْا سِلَاحْ شَاوُولْ فِي بَيْت الْعِبَادَةْ هَنَا إِلٰـهِتْهُمْ عَشْتَرُوتْ. وَ عَلَّقَوْا جَنَازْتَهْ فِي دُرْدُرْ حِلَّةْ بَيْت شَانْ.

1 صَمُوِيل 28:7

وَ شَاوُولْ قَالْ لِخَدَّامِينَهْ: «فَتُّشُوا لَيِّ مَرَةْ التَّقْدَرْ تِكَلِّمْ مَعَ الْمَيْتِينْ وَ أَنَا نَمْشِي لِتِشِيفْ لَيِّ.» وَ خَدَّامِينَهْ قَالَوْا لَيَّهْ: «دَاهُو مَرَةْ وَاحِدَةْ الْقَاعِدَةْ فِي حِلَّةْ عَيْن دُورْ تِكَلِّمْ مَعَ الْمَيْتِينْ.»

يَشُوع 11:2

وَ مُلُوكْ جِبَالْ الْمُنْشَاقْ وَ مُلُوكْ وَادِي الْأُرْدُنْ جُنُوبْ بَحَرْ الْجَلِيلْ وَ مُلُوكْ سَهَلَةْ شَفِيلَةْ وَ مُلُوكْ قِيزَانْ دُورْ فِي الْغَرِبْ

زَكَرِيَّا 12:11

«وَ فِي الْيَوْم دَا، الْحِزِنْ يَبْقَى شَدِيدْ فِي مَدِينَةْ الْقُدُسْ مِثِلْ حِزِنْ هَدَّادْ رِمُّونْ فِي كَدَادَةْ مَقِدُّو.

2 أخبار 35:22

وَ لَاكِنْ يُوشِيَّا مَا خَلَّى مِنَّهْ فِكْرَهْ هَنَا الْحَرِبْ وَ أَبَى مَا يَسْمَعْ كَلَامْ نَكُو الْجَايِ مِنْ الرَّبّ. وَ خَلَاصْ، هُو غَيَّرْ خُلْقَانَهْ هَنَا الْمُلُكْ أَشَانْ مَا يَعَرْفُوهْ وَ مَشَى فِي كَدَادَةْ مَقِدُّو لِيِحَارِبْ نَكُو.

1 أخبار 6:70

وَ مِنْ أَرْض نُصّ قَبِيلَةْ مَنَسَّى لِقَوْا مُدُنْ عَنِيرْ وَ بِلْعَامْ وَ أَيِّ مَدِينَةْ بِبَكَانَاتْهَا هَنَا السَّرْحَةْ. وَ دَا كُلَّ كَيْ لِخُشُومْ بُيُوتْ ذُرِّيَّةْ قَهَاتْ الْآخَرِينْ.

1 صَمُوِيل 31:12

وَ خَلَاصْ، كُلَّ الرُّجَالْ الْفَحَلِينْ قَمَّوْا وَ رَاغَوْا طُولْ اللَّيْل. وَ جَوْا سَلَّوْا جَنَازَاتْ شَاوُولْ وَ أَوْلَادَهْ مِنْ دُرْدُرْ بَيْت شَانْ وَ جَابَوْهُمْ فِي يَابِيشْ وَ تَشَّوْهُمْ.

يَشُوع 16:9

وَ فِي مُدُنْ آخَرِينْ الْأَنْطَوْهُمْ وَرَثَةْ لِقَبِيلَةْ أَفْرَايِمْ فِي أُسُطْ أَرْض قَبِيلَةْ مَنَسَّى وَ الْحِلَّالْ التَّابْعِينْ لِلْمُدُنْ دَوْل.

يَشُوع 12:21

وَ مَلِكْ تَعْنَكْ وَ مَلِكْ مَقِدُّو

يَشُوع 17:10

وَ بَيْدَا، قَبِيلَةْ أَفْرَايِمْ عَلَيْ الْوَطِي وَ قَبِيلَةْ مَنَسَّى عَلَيْ الْمُنْشَاقْ وَ حُدُودْهُمْ فِي الْغَرِبْ الْبَحَرْ الْأَبْيَضْ. وَ مُنْشَاقْ لِأَرْض قَبِيلَةْ مَنَسَّى فِي أَرْض قَبِيلَةْ أَشِيرْ وَ أَرْض قَبِيلَةْ يَسَّاكَرْ فِي الصَّبَاحْ.

يَشُوع 17:16

وَ ذُرِّيَّةْ يُوسُفْ قَالَوْا لَيَّهْ: «صَحِيحْ الْجِبَالْ وِحَيْدهُمْ مَا يِتِمُّونَا وَ لَاكِنْ الْكَنْعَانِيِّينْ السَّاكْنِينْ فِي السَّهَلَةْ هَنَا الْبَلَدْ دِي عِنْدُهُمْ عَرَبَاتْ هَنَا حَدِيدْ وَ نَاسْ الْقَاعِدِينْ فِي بَيْت شَانْ وَ حِلَّالْهَا التَّابْعِينْ لَيْهَا وَ الْفِي وَادِي يَزْرَعِيلْ كُلَ.»

2 صَمُوِيل 21:12

وَ دَاوُدْ قَمَّ مَشَى شَالْ عُضَامْ شَاوُولْ وَ يُونَتَانْ وِلَيْدَهْ مِنْ سُكَّانْ حِلَّةْ يَابِيشْ فِي تُرَابْ قِلْعَادْ. أَشَانْ وَكِتْ الْفِلِسْطِيِّينْ هَجَمَوْا شَاوُولْ وَ عَسْكَرَهْ فِي جَبَلْ قِلْبُوعَةْ، هُمَّنْ كَتَلَوْهُمْ وَ عَلَّقَوْا جَنَازَاتْهُمْ فِي نَقَعَةْ حِلَّةْ بَيْت شَانْ. وَ سُكَّانْ يَابِيشْ شَالَوْهُمْ.

إرْمِيا 49:2

فِي شَانْ دَا، يَجِي يَوْم وَاحِدْ الْفَوْقَهْ أَنَا نِجِيبْ كُرَوْرَاكْ الْهُجُومْ فِي رَبَّةْ مَدِينَةْ بَنِي عَمُّونْ. وَ دَا كَلَامْ اللّٰهْ. هِي تَخْرَبْ وَ تَبْقَى كَوْم هَنَا تُرَابْ وَ الْحِلَّالْ التَّابْعِينْ لَيْهَا يَحْرَقَوْا بِنَارْ. وَ فِي الْبَكَانْ دَا، بَنِي إِسْرَائِيلْ يَقْلَعَوْا مِنْ الْعُدْوَانْ الْقَلَعَوْا مِنْهُمْ. وَ دَا، اللّٰهْ بَسْ قَالَهْ.