يَشُوع 16:10 - الكتاب المقدس بالعربي الدارجي هنا تشاد

¹⁰ وَ لَاكِنْ مَا شَالَوْا أَرْض الْكَنْعَانِيِّينْ الْقَاعِدِينْ فِي قَازَرْ. وَ الْكَنْعَانِيِّينْ دَوْل قَاعِدِينْ يَسْكُنُوا فِي أُسُطْ قَبِيلَةْ أَفْرَايِمْ لَحَدِّي الْيَوْم وَ بِقَوْا عَبِيدْ يَخْدُمُوا لَيْهُمْ.

يَشُوع 16:10 Referenca të Kryqëzuara

قُضياء 1:29

وَ قَبِيلَةْ أَفْرَايِمْ مَا شَالَوْا أَرْض الْكَنْعَانِيِّينْ السَّاكْنِينْ فِي قَازَرْ. وَ بَيْدَا، الْكَنْعَانِيِّينْ سَكَنَوْا فِي أُسُطْ قَبِيلَةْ أَفْرَايِمْ.

1 مُلوك 9:16

وَ فِرْعَوْن مَلِكْ مَصِرْ مَشَى هَجَمْ حِلَّةْ قَازَرْ شَالْهَا وَ تَشَّاهَا. وَ بَعَدْ كَتَلْ الْكَنْعَانِيِّينْ السَّاكْنِينْ فِي الْحِلَّةْ دِي، هُو أَنْطَى الْحِلَّةْ دِي هَدِيَّةْ لِبِنْتَهْ مَرِةْ سُلَيْمَانْ.

يَشُوع 17:13

وَ وَكِتْ بَنِي إِسْرَائِيلْ بِقَوْا قَوِيِّينْ، قِدْرَوْا عَبَّدَوْا الْكَنْعَانِيِّينْ. وَ لَاكِنْ مَا قِدْرَوْا شَالَوْا مِنْهُمْ أَرْضُهُمْ.

1 مُلوك 9:21

وَ بَنِي إِسْرَائِيلْ مَا قِدْرَوْا دَمَّرَوْهُمْ كُلُّهُمْ وَ فِي شَانْ دَا، وَاحِدِينْ مِنْ ذُرِّيِّتْهُمْ فَضَّلَوْا فِي الْبَلَدْ. وَ هُمَّنْ دَوْل، سُلَيْمَانْ أَسْتَعْمَلْهُمْ مِثِلْ عَبِيدْ فِي الْخِدْمَةْ الْإِجْبَارِيَّةْ لَحَدِّي الْيَوْم.

يَشُوع 15:63

وَ لَاكِنْ قَبِيلَةْ يَهُوذَا مَا قِدْرَوْا شَالَوْا أَرْض الْيَبُوسِيِّينْ السَّاكْنِينْ فِي أُورُشَلِيمْ. وَ الْيَبُوسِيِّينْ قَاعِدِينْ يَسْكُنُوا فِي أُورُشَلِيمْ فِي أُسُطْ قَبِيلَةْ يَهُوذَا لَحَدِّي الْيَوْم.

يَشُوع 10:33

وَ هُرَامْ مَلِكْ قَازَرْ جَاءْ فَزَعْ لِحِلَّةْ لَكِيشْ. وَ لَاكِنْ يَشُوعْ قِدِرْ فَوْقهُمْ هُو وَ نَاسَهْ وَ كَتَلَاهُمْ لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ.

يَشُوع 16:9

وَ فِي مُدُنْ آخَرِينْ الْأَنْطَوْهُمْ وَرَثَةْ لِقَبِيلَةْ أَفْرَايِمْ فِي أُسُطْ أَرْض قَبِيلَةْ مَنَسَّى وَ الْحِلَّالْ التَّابْعِينْ لِلْمُدُنْ دَوْل.

يَشُوع 17:12

وَ لَاكِنْ قَبِيلَةْ مَنَسَّى مَا قِدْرَتْ تِشِيلُوا الْمُدُنْ دَوْل وَ الْكَنْعَانِيِّينْ قَعَدَوْا فِي الْبَلَدْ دِي.

1 مُلوك 9:15

وَ دَاهُو الشَّيّءْ الْبُخُصّ الْخِدْمَةْ الْإِجْبَارِيَّةْ الْأَسَاسْهَا الْمَلِكْ سُلَيْمَانْ فِي وَكِتْ بُنَى بَيْت اللّٰهْ وَ قَصِرْ الْمَلِكْ وَ دُرْدُرْ الدِّفَاعْ السَّمَّوْه مِلُّو وَ دَرَادِرْ هَنَا مَدِينَةْ الْقُدُسْ وَ حِلَّالْ حَاصُورْ وَ مَقِدُّو وَ قَازَرْ.

2 أخبار 8:8

وَ بَنِي إِسْرَائِيلْ مَا دَمَّرَوْا النَّاسْ دَوْل كُلُّهُمْ وَ فِي شَانْ دَا، وَاحِدِينْ مِنْ ذُرِّيِّتْهُمْ فَضَّلَوْا فِي الْبَلَدْ. وَ سُلَيْمَانْ أَسْتَعْمَلْهُمْ فِي الْخِدْمَةْ الْإِجْبَارِيَّةْ لَحَدِّي الْيَوْم.