يَشُوع 15:9 - الكتاب المقدس بالعربي الدارجي هنا تشاد

⁹ وَ الْحُدُودْ يِقَبُّلُوا مِنْ رَاسْ الْجَبَلْ لَحَدِّي عَيْن نِفْتُوحْ وَ يَمْشُوا عَلَيْ الْحِلَّالْ الْفِي جَبَلْ عَفْرُونْ وَ يِقَبُّلُوا عَلَيْ بَعْلَةْ يَعْنِي قَرْيَةْ يَعَرِيمْ.

يَشُوع 15:9 Referenca të Kryqëzuara

1 أخبار 13:6

وَ دَاوُدْ وَ كُلَّ بَنِي إِسْرَائِيلْ مَشَوْا لِبَعْلَةْ يَعْنِي قَرْيَةْ يَعَرِيمْ حِلَّةْ وَاحِدَةْ فِي بَلَدْ يَهُوذَا أَشَانْ يِجِيبُوا مِنْ هِنَاكْ صَنْدُوقْ الرَّبّ. وَ دَا الصَّنْدُوقْ الْفَوْقَهْ أُسُمْ اللّٰهْ، هُو الْعَرْشَهْ قَاعِدْ بَيْن الْمَخْلُوقِينْ السَّمَاوِيِّينْ الْمَصْنُوعِينْ فِي سِدَادَةْ الصَّنْدُوقْ.

يَشُوع 18:15

وَ مِنْ جِيهَةْ الْجُنُوبْ حُدُودْهُمْ يَبْدَوْا مِنْ قَرْيَةْ يَعَرِيمْ وَ يَمْشُوا عَلَيْ الْغَرِبْ لَحَدِّي عَيْن نِفْتُوحْ.

قُضياء 18:12

وَ هُمَّنْ مَشَوْا نَزَلَوْا فِي قَرْيَةْ يَعَرِيمْ فِي تُرَابْ يَهُوذَا. أَشَانْ دَا، لَحَدِّي الْيَوْم يِنَادُوا الْبَكَانْ دَا مَحَنَةْ دَانْ (مَعَنَاتَهْ فَرِيقْ دَانْ). وَ الْبَكَانْ دَا قَاعِدْ غَرِبْ لِقَرْيَةْ يَعَرِيمْ.

2 صَمُوِيل 6:2

وَ قَمَّ مَعَ كُلَّ النَّاسْ دَوْل وَ مَشَوْا حِلَّةْ بَعْلَةْ يَهُوذَا أَشَانْ يِجِيبُوا مِنْ هِنَاكْ صَنْدُوقْ الرَّبّ. وَ دَا الصَّنْدُوقْ الْفَوْقَهْ أُسُمْ اللّٰهْ الْقَادِرْ، هُو الْعَرْشَهْ قَاعِدْ بَيْن الْمَخْلُوقِينْ السَّمَاوِيِّينْ الْمَصْنُوعِينْ فِي سِدَادَةْ الصَّنْدُوقْ.

يَشُوع 9:17

وَ بَنِي إِسْرَائِيلْ قَمَّوْا سَافَرَوْا. وَ فِي الْيَوْم التَّالِتْ، وَصَّلَوْا فِي حِلَّالْهُمْ وَ هُمَّنْ حِلَّالْ قِبْعُونْ وَ كَفِيرَةْ وَ بِيرُوتْ وَ قَرْيَةْ يَعَرِيمْ.

1 صَمُوِيل 6:21

وَ هُمَّنْ رَسَّلَوْا لِسُكَّانْ قَرْيَةْ يَعَرِيمْ وَ قَالَوْا لَيْهُمْ: «الْفِلِسْطِيِّينْ قَبَّلَوْا صَنْدُوقْ اللّٰهْ. هَسَّعْ دَا، تَعَالُوا وَدُّوهْ بَكَانْكُو!»

يَشُوع 15:29

وَ بَعْلَةْ وَ عِيِّيمْ وَ عَصَمْ

يَشُوع 15:60

وَ وَرَثَوْا بَتَّانْ قَرْيَةْ بَعَلْ يَعْنِي قَرْيَةْ يَعَرِيمْ وَ رَبَّةْ. بِالْجُمْلَةْ 2 مَدِينَةْ وَ حِلَّالْهُمْ التَّابْعِينْ لَيْهُمْ.