يَشُوع 15:8 - الكتاب المقدس بالعربي الدارجي هنا تشاد

⁸ وَ الْحُدُودْ يِعَدُّوا بِوَادِي بَنِي هِنُّومْ وَ الدِّلَّيَّةْ الْوَطِي لِجَبَلْ الْيَبُوسِيِّينْ يَعْنِي أُورُشَلِيمْ. وَ مِنْهَا يَطْلَعَوْا لَحَدِّي رَاسْ الْجَبَلْ الْمُقَابِلْ وَادِي بَنِي هِنُّومْ فِي الْغَرِبْ فِي خَشُمْ وَادِي رَفَايِينْ فِي الْمُنْشَاقْ.

يَشُوع 15:8 Referenca të Kryqëzuara

يَشُوع 18:16

وَ الْحُدُودْ يَمْشُوا طَرَفْ الْجَبَلْ الْمُقَابِلْ وَادِي بَنِي هِنُّومْ الْقَاعِدْ مُنْشَاقْ لِوَادِي رَفَايِينْ. وَ الْحُدُودْ يَمْشُوا مِنْ وَادِي بَنِي هِنُّومْ بِالدِّلَّيَّةْ الْجُنُوبِيِّةْ هَنَا جَبَلْ الْيَبُوسِيِّينْ وَ يِدَّلَّوْا عَلَيْ عَيْن رُوقِلْ.

يَشُوع 15:63

وَ لَاكِنْ قَبِيلَةْ يَهُوذَا مَا قِدْرَوْا شَالَوْا أَرْض الْيَبُوسِيِّينْ السَّاكْنِينْ فِي أُورُشَلِيمْ. وَ الْيَبُوسِيِّينْ قَاعِدِينْ يَسْكُنُوا فِي أُورُشَلِيمْ فِي أُسُطْ قَبِيلَةْ يَهُوذَا لَحَدِّي الْيَوْم.

قُضياء 19:10

وَ لَاكِنْ فِي الْمَرَّةْ دِي، اللَّاوِي أَبَى مَا يُنُومْ. وَ قَمَّ مَشَى مَعَ حَمِيرَهْ الْإِتْنَيْن مَشْدُودِينْ وَ سِرِّيتَهْ لَحَدِّي وَصَّلْ مُقَابِلْ يَبُوسْ يَعْنِي أُورُشَلِيمْ.

يَشُوع 18:28

وَ صِيلَعْ وَ أَلِفْ وَ مَدِينَةْ الْيَبُوسِيِّينْ يَعْنِي أُورُشَلِيمْ وَ قِبَيْعَةْ وَ قَرْيَةْ يَعَرِيمْ. وَ بِالْجُمْلَةْ 14 مُدُنْ وَ حِلَّالْهُمْ التَّابْعِينْ لَيْهُمْ. وَ دَا كُلَّ أَرْض وَرَثَةْ هِنْت قَبِيلَةْ بَنْيَامِينْ حَسَبْ خُشُومْ بُيُوتْهُمْ.

2 مُلوك 23:10

وَ بَتَّانْ الْمَلِكْ نَجَّسْ الْمَحْرَقْ هَنَا تُوفَةْ الْقَاعِدْ فِي وَادِي بَنِي هِنُّومْ أَشَانْ بَتَّانْ نَادُمْ مَا يِحَرِّقْ وِلَيْدَهْ وَ لَا بِنَيِّتَهْ فِي النَّارْ لِإِلٰـهْ مُولَكْ.

قُضياء 1:21

وَ كَنْ لِلْيَبُوسِيِّينْ السَّاكْنِينْ فِي أُورُشَلِيمْ، قَبِيلَةْ بَنْيَامِينْ مَا شَالَوْا مِنْهُمْ أَرْضُهُمْ. وَ الْيَبُوسِيِّينْ سَاكْنِينْ مَعَ قَبِيلَةْ بَنْيَامِينْ فِي أُورُشَلِيمْ لَحَدِّي الْيَوْم.

إرْمِيا 19:14

وَ إِرْمِيَا قَبَّلْ مِنْ تُوفَةْ وَ دَا الْبَكَانْ الرَّسَّلَهْ اللّٰهْ لِيِتْنَبَّأْ فَوْقَهْ. وَ بَعَدْ دَا، جَاءْ وَقَفْ فِي الْفَضَايْ هَنَا بَيْت اللّٰهْ وَ قَالْ لِكُلَّ الشَّعَبْ:

إرْمِيا 19:6

وَ فِي شَانْ دَا يَجِي يَوْم وَاحِدْ، بَتَّانْ مَا يِنَادُوا الْبَكَانْ دَا تُوفَةْ وَ لَا وَادِي بَنِي هِنُّومْ. وَ لَاكِنْ يِنَادُوهْ وَادِي الْجَنَازَاتْ.“› وَ دَا كَلَامْ اللّٰهْ.

إرْمِيا 19:2

وَ أَمْشِي مَعَاهُمْ عَلَيْ وَادِي بَنِي هِنُّومْ فِي خَشُمْ بَابْ الشِّقَفْ وَ هِنَاكْ بَلِّغْ بِالْكَلَامْ الْأَنَا نُقُولَهْ لَيْك.

إشَعْيا 17:5

وَ هُمَّنْ يَبْقَوْا مِثِلْ الزَّرَعْ بَعَدْ الْقَطِعْ وَكِتْ الْقَطِعِينْ لَمَّوْا الْقَمَحْ بِكَتَرَةْ. وَ دَا مِثِلْ وَكِتْ يِكَشُّبُوا الْقَنَادِيلْ فِي وَادِي رَفَايِينْ.

2 أخبار 28:3

وَ هُو قَدَّمْ بَخُورْ فِي وَادِي بَنِي هِنُّومْ وَ قَدَّمْ عِيَالَهْ وَ حَرَّقَاهُمْ فِي النَّارْ. وَ دَا نَفْس الْمُحَرَّمَاتْ السَّوَّوْهُمْ الْأُمَمْ الْاللّٰهْ قَلَعْ مِنْهُمْ أَرْضُهُمْ وَ أَنْطَاهَا لِبَنِي إِسْرَائِيلْ.

2 صَمُوِيل 5:22

وَ بَتَّانْ الْفِلِسْطِيِّينْ جَوْا لِلْحَرِبْ وَ رَصَّوْا فِي وَادِي رَفَايِينْ.

2 صَمُوِيل 5:18

وَ الْفِلِسْطِيِّينْ جَوْا لِلْحَرِبْ وَ رَصَّوْا فِي وَادِي رَفَايِينْ.

قُضياء 1:8

وَ قَبِيلَةْ يَهُوذَا هَجَمَوْا مَدِينَةْ أُورُشَلِيمْ وَ شَالَوْهَا وَ كَتَلَوْا كُلَّ سُكَّانْهَا بِالْسَّيْف وَ حَرَّقَوْهَا.

1 أخبار 11:4

وَ يَوْم وَاحِدْ، دَاوُدْ وَ كُلَّ بَنِي إِسْرَائِيلْ مَشَوْا أُورُشَلِيمْ. وَ فِي الْوَكِتْ دَا، الْحِلَّةْ دِي أُسُمْهَا يَبُوسْ وَ الْيَبُوسِيِّينْ بَسْ سَاكْنِينْ فِيهَا.

نَحَمْيا 11:30

وَ زَنُوحْ وَ عَدُلَّامْ وَ الْحِلَّالْ التَّابْعِينْ لَيْهُمْ وَ فِي حِلَّةْ لَكِيشْ بِالزِّرَاعَةْ الْمُجَاوِرِينْهَا وَ فِي حِلَّةْ عَزِيقَةْ وَ الْحِلَّالْ التَّابْعِينْ لَيْهَا. وَ مِثِلْ دَا، نَاسْ مِنْ قَبِيلَةْ يَهُوذَا سَكَنَوْا فِي كُلَّ الْبَلَدْ، مِنْ حِلَّةْ بِيرْ سَبْعَةْ لَحَدِّي وَادِي بَنِي هِنُّومْ.