يَشُوع 15:7 - الكتاب المقدس بالعربي الدارجي هنا تشاد

⁷ وَ الْحُدُودْ يَمْشُوا عَلَيْ دَبِيرْ بِوَادِي عَكُورْ وَ يِقَبُّلُوا مُنْشَاقْ عَلَيْ قِلْقَالْ الْمُقَابِلَةْ الْقَوْز هَنَا أَدُومِيمْ الْقَاعِدْ وَطِي لِلْوَادِي. الْحُدُودْ دَوْل يِعَدُّوا قَرِيبْ لِأَلْمِي هَنَا عَيْن شَمْس وَ يَمْشُوا لَحَدِّي عَيْن رُوقِلْ.

يَشُوع 15:7 Referenca të Kryqëzuara

1 مُلوك 1:9

وَ يَوْم وَاحِدْ، أَدُنِيَّا قَدَّمْ ضَحَايَا هَنَا غَنَمْ وَ بَقَرْ وَ تِيرَانْ سُمَانْ قَرِيبْ لِلْحَجَرْ الْأَمْلَسْ الْفِي حِلَّةْ عَيْن رُوقِلْ. وَ هُو عَزَمْ كُلَّ أَخْوَانَهْ عِيَالْ الْمَلِكْ وَ كُلَّ بَنِي يَهُوذَا مَسَائِيلْ الْمَلِكْ.

2 صَمُوِيل 17:17

وَ فِي الْوَكِتْ دَا، أَخِمَاعَصْ وَ يُونَتَانْ قَعَدَوْا فِي حِلَّةْ عَيْن رُوقِلْ. وَ وَاجِبْ خَدَّامَةْ وَاحِدَةْ تَمْشِي تِخَبِّرْهُمْ وَ هُمَّنْ كَمَانْ يَمْشُوا يِكَلُّمُوهْ لِدَاوُدْ أَشَانْ هُمَّنْ مَا يَقْدَرَوْا يَدْخُلُوا فِي أُورُشَلِيمْ لِيِشِيفُوهُمْ.

يَشُوع 7:26

وَ هُمَّنْ سَوَّوْا فَوْقهُمْ كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم. وَ خَلَاصْ، اللّٰهْ مَا غِضِبْ عَلَيْهُمْ بَتَّانْ. وَ فِي شَانْ دَا، سَمَّوْا الْبَكَانْ دَا وَادِي عَكُورْ (مَعَنَاتَهْ وَادِي الْمَصِيبَةْ) لَحَدِّي الْيَوْم.

هُوشَع 2:5

أَمُّهُمْ أَشَّرْمَطَتْ. أَيْوَى، هِي الْوِلْدَتْهُمْ أَلْغَطَّتْ بِالْعَيْب وَكِتْ قَالَتْ: ‹أَنَا نَجْرِي وَرَاءْ صُدْقَانِي الْيَنْطُونِي أَكِلْ وَ أَلْمِي وَ صُوفْ غَنَمْ وَ قُمَاشْ وَ دِهِنْ وَ شَرَابْ.›

إشَعْيا 65:10

وَ لِشَعَبِي الْيِفَتُّشُونِي، سَهَلَةْ شَارُونْ تَبْقَى مَرْعَى لِلْغَنَمْ وَ وَادِي عَكُورْ يَبْقَى بَكَانْ رَاحَةْ لِلْبَقَرْ.

يَشُوع 15:15

وَ مِنْ الْبَكَانْ دَا، هُو قَمَّ ضِدّ سُكَّانْ دَبِيرْ الْأَوَّلْ أُسُمْهَا قَرْيَةْ سِيفَرْ.

يَشُوع 10:43

وَ بَعَدْ دَا، يَشُوعْ وَ كُلَّ بَنِي إِسْرَائِيلْ قَبَّلَوْا فِي الْفَرِيقْ فِي قِلْقَالْ.

يَشُوع 7:24

وَ خَلَاصْ، يَشُوعْ وَ كُلَّ بَنِي إِسْرَائِيلْ شَالَوْا عَكَانْ وِلَيْد زَارَحْ وَ الْفُضَّةْ وَ الْخَلَقْ وَ الْحَفِيضَةْ هَنَا الدَّهَبْ وَ أَوْلَادَهْ وَ بَنَاتَهْ وَ تَوْرَهْ وَ حُمَارَهْ وَ غَنَمَهْ وَ خَيْمِتَهْ وَ كُلَّ شَيّءْ الْعِنْدَهْ وَ وَدَّوْهُمْ فِي وَادِي عَكُورْ.

يَشُوع 4:19

وَ فِي الْيَوْم الْعَاشِرْ هَنَا الشَّهَرْ الْأَوَّلْ، الشَّعَبْ قَطَعَوْا بَحَرْ الْأُرْدُنْ. وَ سَكَنَوْا فِي قِلْقَالْ، صَبَاحْ مِنْ حِلَّةْ أَرِيحَا.

يَشُوع 15:6

وَ يَطْلَعَوْا لَحَدِّي بَيْت حُقْلَةْ وَ يِعَدُّوا مُنْشَاقْ لِبَيْت عَرَبَةْ وَ يَطْلَعَوْا لَحَدِّي الْحَجَرْ الْبِنَادُوهْ بُوهَنْ أُسُمْ هَنَا وِلَيْد رَأُوبِينْ.

يَشُوع 18:17

وَ الْحُدُودْ يِقَبُّلُوا مُنْشَاقْ لَحَدِّي عَيْن شَمْس وَ لَحَدِّي قَلِيلُوتْ الْمُقَابِلَةْ الْقَوْز هَنَا الْأَدُومِيمْ. وَ الْحُدُودْ يَمْشُوا عَلَيْ الْحَجَرْ هَنَا بُوهَنْ وِلَيْد رَأُوبِينْ.