يَشُوع 15:11 - الكتاب المقدس بالعربي الدارجي هنا تشاد

¹¹ وَ الْحُدُودْ يَمْشُوا لَحَدِّي الدِّلَّيَّةْ هَنَا حِلَّةْ عَقْرُونْ فِي الْمُنْشَاقْ وَ يِقَبُّلُوا عَلَيْ شِكَارُونْ وَ يِعَدُّوا بِجَبَلْ بَعْلَةْ وَ يَمْشُوا لَحَدِّي يَبْنِيِيلْ وَ يَقِيفُوا فِي الْبَحَرْ الْأَبْيَضْ.

يَشُوع 15:11 Referenca të Kryqëzuara

2 مُلوك 1:16

وَ إِلِيَاسْ قَالْ لِلْمَلِكْ: «دَاهُو اللّٰهْ قَالْ: ‹هَلْ مَا فِي إِلٰـهْ فِي بَلَدْ بَنِي إِسْرَائِيلْ الْإِنْتَ تَقْدَرْ تَسْأَلَهْ وَلَّا؟ أَشَانْ إِنْتَ رَسَّلْت نَاسْ يَسْأَلَوْا لَيْك بَعَلْ زَبُوبْ إِلٰـهْ مَدِينَةْ عَقْرُونْ. وَ بِسَبَبْ دَا، السَّرِيرْ الْإِنْتَ رَاقِدْ فَوْقَهْ دَا مَا تُقُمّ مِنَّهْ أَشَانْ أَكِيدْ إِنْتَ تُمُوتْ.›»

2 مُلوك 1:6

وَ هُمَّنْ رَدَّوْا لَيَّهْ وَ قَالَوْا: «رَاجِلْ وَاحِدْ جَرَى لِحِقْنَا وَ قَالْ لَيْنَا: ‹عَجَلَةْ قَبُّلُوا لِمَلِكُّو الرَّسَّلَاكُو وَ قُولُوا لَيَّهْ: دَاهُو اللّٰهْ قَالْ: ”هَلْ مَا فِي إِلٰـهْ فِي بَلَدْ إِسْرَائِيلْ لَحَدِّي تِرَسِّلْ نَاسْ يَمْشُوا يَسْأَلَوْا بَعَلْ زَبُوبْ إِلٰـهْ مَدِينَةْ عَقْرُونْ وَلَّا؟ وَ بِسَبَبْ دَا، السَّرِيرْ الْإِنْتَ رَاقِدْ فَوْقَهْ دَا مَا تُقُمّ مِنَّهْ أَشَانْ أَكِيدْ إِنْتَ تُمُوتْ.“›»

1 صَمُوِيل 7:14

وَ بَنِي إِسْرَائِيلْ قَلَعَوْا كُلَّ التُّرَابْ وَ الْمُدُنْ الشَّالَوْهُمْ مِنْهُمْ الْفِلِسْطِيِّينْ مِنْ حُدُودْ مَدِينَةْ عَقْرُونْ لَحَدِّي حِلَّةْ قَاتْ. وَ كَانْ سَلَامْ أَمْبَيْن الْأَمُورِيِّينْ وَ بَنِي إِسْرَائِيلْ.

1 صَمُوِيل 5:10

وَ خَلَاصْ، وَدَّوْا صَنْدُوقْ الرَّبّ لِمَدِينَةْ عَقْرُونْ. وَ وَكِتْ دَخَّلَوْه فِي عَقْرُونْ، كُلَّ السُّكَّانْ صَرَخَوْا وَ قَالَوْا: «دَاهُو جَابَوْا لَيْنَا صَنْدُوقْ إِلٰـهْ بَنِي إِسْرَائِيلْ أَشَانْ يِكَتُّلُونَا كُلِّنَا كَيْ، أَنِحْنَ وَ شَعَبْنَا!»

يَشُوع 15:45

وَ وَرَثَوْا عَقْرُونْ وَ الْحِلَّالْ التَّابْعِينْ لَيْهَا.

يَشُوع 15:9

وَ الْحُدُودْ يِقَبُّلُوا مِنْ رَاسْ الْجَبَلْ لَحَدِّي عَيْن نِفْتُوحْ وَ يَمْشُوا عَلَيْ الْحِلَّالْ الْفِي جَبَلْ عَفْرُونْ وَ يِقَبُّلُوا عَلَيْ بَعْلَةْ يَعْنِي قَرْيَةْ يَعَرِيمْ.

يَشُوع 15:10

وَ مِنْ بَعْلَةْ، الْحُدُودْ يِقَبُّلُوا غَرِبْ عَلَيْ جَبَلْ سَعِيرْ وَ يَطْلَعَوْا فِي الدِّلَّيَّةْ هَنَا جَبَلْ الْغَابَاتْ فِي الْمُنْشَاقْ يَعْنِي جَبَلْ كَسَالُونْ. وَ يِدَّلَّوْا بِبَيْت شَمْس وَ يِعَدُّوا بِتِمْنَةْ.

يَشُوع 15:12

وَ خَلَاصْ الْبَحَرْ الْأَبْيَضْ يَبْقَى حُدُودْهُمْ فِي الْغَرِيبْ. وَ دَوْل بَسْ الْحُدُودْ مِنْ كُلِّ جِيهَةْ هَنَا أَرْض قَبِيلَةْ يَهُوذَا حَسَبْ خُشُومْ بُيُوتْهُمْ.

1 صَمُوِيل 17:52

وَ رُجَالْ بَنِي إِسْرَائِيلْ وَ قَبِيلَةْ يَهُوذَا عَاطَوْا وَ طَارَدَوْا الْفِلِسْطِيِّينْ لَحَدِّي قَرِيبْ لِخَشُمْ الْوَادِي وَ لَحَدِّي خَشُمْ بَابْ مَدِينَةْ عَقْرُونْ. وَ جِثَثْ الْفِلِسْطِيِّينْ مُشَتَّتِينْ فِي دَرِبْ حِلَّةْ شَعَرَايِمْ لَحَدِّي حِلَّالْ قَاتْ وَ عَقْرُونْ.

عَدد 34:6

«‹وَ مِنْ الْغَرِبْ، الْبَحَرْ الْأَبْيَضْ يَبْقَى لَيْكُو حُدُودْ وَ دَوْل بَسْ حُدُودْكُو مِنْ الْغَرِبْ.

قُضياء 1:18

وَ قَبِيلَةْ يَهُوذَا شَالَوْا مُدُنْ غَزَّةْ وَ أَشْقَلُونْ وَ عَقْرُونْ بِكُلَ تُرَابْهُمْ.

1 صَمُوِيل 5:8

وَ نَادَوْهُمْ لِلْكُبَارَاتْ هَنَا الْفِلِسْطِيِّينْ، لَمَّوْهُمْ كُلُّهُمْ كَيْ وَ قَالَوْا: «هَسَّعْ دَا، نِسَوُّوا شُنُو بِصَنْدُوقْ إِلٰـهْ بَنِي إِسْرَائِيلْ؟» وَ هُمَّنْ رَدَّوْا وَ قَالَوْا: «خَلِّي يِوَدُّوهْ فِي حِلَّةْ قَاتْ.» وَ خَلَاصْ، هُمَّنْ شَالَوْا صَنْدُوقْ إِلٰـهْ بَنِي إِسْرَائِيلْ وَ وَدَّوْه فِي حِلَّةْ قَاتْ.

2 أخبار 26:6

وَ عُزِّيَّا مَشَى حَارَبْ الْفِلِسْطِيِّينْ وَ كَسَّرْ دَرَادِرْ مُدُنْهُمْ قَاتْ وَ يَبْنِي وَ أَشْدُودْ. وَ بَعَدْ دَا، قَوَّى مُدُنْ الْفِي مَنْطَقَةْ أَشْدُودْ وَ فِي بَكَانَاتْ آخَرِينْ هَنَا بَلَدْ الْفِلِسْطِيِّينْ.