يَشُوع 14:9 - الكتاب المقدس بالعربي الدارجي هنا تشاد

⁹ وَ فِي الْيَوْم دَا، مُوسَى حَلَفْ لَيِّ وَ قَالْ: ‹الْبَلَدْ الْإِنْتَ رُغْت فَوْقهَا تَبْقَى دَايْماً وَرَثَةْ لَيْك إِنْتَ وَ لِذُرِّيّتَكْ أَشَانْ إِنْتَ تَابَعْت اللّٰهْ إِلٰـهِي بِكُلَّ نِيّتَكْ.›

يَشُوع 14:9 Referenca të Kryqëzuara

يَشُوع 1:3

وَ أَيِّ بَكَانْ الرِّجْلَكْ تَفْجَقَهْ، أَنَا نَنْطِيهْ لَيْكُو مِثِلْ أَنَا وَاعَدْت بَيَّهْ مُوسَى.

تَثْنِية 1:36

إِلَّا كَالِبْ وِلَيْد يَفُونَى بَسْ يِشِيفْهَا. هُو رَاغْ الْبَلَدْ دِي زَمَانْ وَ أَنَا نَنْطِيهَا لَيَّهْ هُو وَ لِذُرِّيّتَهْ أَشَانْ هُو تَابَعْ دَرِبْ اللّٰهْ تَمَامْ.»

عَدد 13:22

وَ هُمَّنْ مَشَوْا بِصَحَرَاء نَقَبْ لَحَدِّي وَصَّلَوْا حِلَّةْ حِبْرُونْ، بَكَانْ الْعَايْشِينْ فَوْقَهْ خُشُومْ بُيُوتْ أَخِمَانْ وَ شِيشَايْ وَ تَلْمَايْ مِنْ ذُرِّيَّةْ بَنِي عَنَقْ. وَ حِلَّةْ حِبْرُونْ دِي بَنَوْهَا بِسَبْعَةْ سَنَةْ قُبَّالْ حِلَّةْ صُعَانْ الْقَاعِدَةْ فِي مَصِرْ.

تَثْنِية 11:24

وَ أَيِّ بَكَانْ الرِّجِلْكُو تَفْجَقَهْ يَبْقَى هَنَاكُو. وَ حُدُودْكُو يَبْقَوْا مِنْ الصَّحَرَاء فِي الْوَطِي لَحَدِّي لُبْنَانْ فِي الْمُنْشَاقْ وَ مِنْ بَحَرْ الْفُرَاتْ فِي الصَّبَاحْ لَحَدِّي الْبَحَرْ الْأَبْيَضْ فِي الْغَرِبْ.

يَشُوع 14:10

«وَ هَسَّعْ، دَاهُو اللّٰهْ أَنْطَانِي عُمُرْ طَوِيلْ حَسَبْ كَلَامَهْ وَ مِنْ اللّٰهْ قَالْ الْكَلَامْ دَا لِمُوسَى، عِنْدَهْ 45 سَنَةْ. وَ فِي كُلَّ الْوَكِتْ دَا، بَنِي إِسْرَائِيلْ قَاعِدِينْ فِي الصَّحَرَاء. وَ الْيَوْم، دَاهُو عِنْدِي 85 سَنَةْ.

قُضياء 1:20

وَ حَسَبْ كَلَامْ مُوسَى، حِلَّةْ حِبْرُونْ أَنْطَوْهَا لِكَالِبْ وَ هُو بَسْ شَالْهَا مِنْ التَّلَاتَةْ خُشُومْ بُيُوتْ هَنَا بَنِي عَنَقْ.

زَبُور 37:9

أَشَانْ الْفَسْلِينْ، يَفْصُلُوهُمْ وَ لَاكِنْ الْيُخُطُّوا عَشَمْهُمْ فِي اللّٰهْ يَوْرُثُوا الْأَرْض.