يَشُوع 14:1 - الكتاب المقدس بالعربي الدارجي هنا تشاد

¹ وَ دَاهُو الْأَرْض اللِّقَوْهَا بَنِي إِسْرَائِيلْ مِثِلْ وَرَثَةْ فِي بَلَدْ كَنْعَانْ. وَ النَّاسْ الْقَسَّمَوْهَا لَيْهُمْ هُمَّنْ رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ.

يَشُوع 14:1 Referenca të Kryqëzuara

أعمال الرُسُل 13:19

وَ بَعَدْ دَا، دَمَّرْ الْأُمَمْ السَّبْعَةْ الْأَوَّلْ قَاعِدِينْ فِي بَلَدْ كَنْعَانْ. وَ أَنْطَى بَلَدْهُمْ لِبَنِي إِسْرَائِيلْ أَشَانْ تَبْقَى وَرَثَتْهُمْ.

عَدد 34:13

وَ مُوسَى أَمَرْ بَنِي إِسْرَائِيلْ وَ قَالْ: «دِي الْبَلَدْ التِّقَسُّمُوهَا بِأَمْ عِيَيْدَاتْ وَ اللّٰهْ أَمَرْ يِقَسُّمُوهَا أَمْبَيْنَاتْ التِّسْعَةْ قَبَايِلْ وَ نُصّ قَبِيلَةْ.

عَدد 34:16

وَ اللّٰهْ حَجَّى لِمُوسَى وَ قَالْ:

تَثْنِية 12:10

وَ لَاكِنْ تَقْطَعَوْا بَحَرْ الْأُرْدُنْ وَ تَسْكُنُوا فِي الْبَلَدْ الْاللّٰهْ إِلٰـهْكُو أَنْطَاهَا لَيْكُو وَرَثَةْ. وَ هُو يَنْطِيكُو جُمَّةْ مِنْ كُلَّ عُدْوَانْكُو الْمُحَوِّقِينْكُو وَ تَسْكُنُوا بِأَمَانْ.

يَشُوع 13:6

وَ شِيلُوا كُلَّ الْجَبَلْ مِنْ لُبْنَانْ لَحَدِّي مِسْرَفْوتْ مَايِمْ الْيَسْكُنْ فَوْقَهْ الصَّيْدُونِيِّينْ. وَ كُلَّ السُّكَّانْ دَوْل، أَنَا نَطْرُدْهُمْ قِدَّامْ بَنِي إِسْرَائِيلْ. وَ إِنْتَ شِيلْ الْبَلَدْ دِي وَ قَسِّمْهَا وَرَثَةْ لِبَنِي إِسْرَائِيلْ بِأَمْ عِيَيْدَاتْ مِثِلْ أَنَا أَمَرْتَكْ بَيَّهْ.

يَشُوع 19:51

وَ دَا بَسْ قِسِمْ الْأَرْض السَّوَّوْه رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ شُيُوخْ عَايِلَاتْ قَبَايِلْ بَنِي إِسْرَائِيلْ بِأَمْ عِيَيْدَاتْ. سَوَّوْه بِأَمْ عِيَيْدَاتْ قِدَّامْ اللّٰهْ فِي شِيلَوْه فِي مَدَخَلْ خَيْمَةْ الْإِجْتِمَاعْ. وَ بِمِثِلْ دَا، هُمَّنْ قَسَّمَوْا الْبَلَدْ.

يَشُوع 21:1

وَ بَعَدْ دَا، كُبَارَاتْ عَايِلَاتْ اللَّاوِيِّينْ جَوْا قِدَّامْ رَاجِلْ الدِّينْ أَلِعَازَرْ وَ يَشُوعْ وِلَيْد نُونْ وَ كُبَارَاتْ عَايِلَاتْ قَبَايِلْ بَنِي إِسْرَائِيلْ

عَزْرا 7:5

وِلَيْد أَبِشُوعْ وِلَيْد فِينْحَاسْ وِلَيْد أَلِعَازَرْ وِلَيْد هَارُونْ. وَ هَارُونْ دَا، هُو رَاجِلْ الدِّينْ الْأَوَّلْ.

حِزْقِيال 45:1

وَ وَكِتْ تِقَسُّمُوا الْبَلَدْ وَرَثَةْ، أَنْطُوا مِنْ الْأَرْض دِي هَدِيَّةْ لِلّٰهْ. وَ الْأَرْض التِّشِيلُوهَا مِنْ الْبَلَدْ دِي تَبْقَى مُقَدَّسَةْ. وَ طُولْهَا 25 000 دُرَاعْ وَ عُرْضَهَا 20 000 دُرَاعْ وَ الْأَرْض دِي فِي كُلَّ حُدُودْهَا تُكُونْ مُقَدَّسَةْ.