يَشُوع 13:8 - الكتاب المقدس بالعربي الدارجي هنا تشاد

⁸ وَ النُّصّ الْآخَرْ هَنَا قَبِيلَةْ مَنَسَّى وَ قَبِيلَةْ رَأُوبِينْ وَ قَبِيلَةْ قَادْ لِقَوْا أَرْض وَرَثَتْهُمْ صَبَاحْ لِبَحَرْ الْأُرْدُنْ وَ دَا بَسْ الْأَنْطَاهْ لَيْهُمْ مُوسَى عَبْد اللّٰهْ.

يَشُوع 13:8 Referenca të Kryqëzuara

يَشُوع 12:6

وَ مُوسَى عَبْد اللّٰهْ وَ بَنِي إِسْرَائِيلْ دَمَّرَوْا الْمُلُوكْ الْإِتْنَيْن دَوْل وَ مُوسَى أَنْطَى أَرْضُهُمْ وَرَثَةْ لِقَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى.

يَشُوع 22:4

وَ هَسَّعْ اللّٰهْ إِلٰـهْكُو أَنْطَى الرَّاحَةْ لِأَخْوَانْكُو مِثِلْ هُو وَاعَدَاهُمْ بَيْهَا. وَ هَسَّعْ تَقْدَرَوْا تَمْشُوا لِخِيَمْكُو فِي بَلَدْكُو الْأَنْطَاهَا لَيْكُو مُوسَى عَبْد اللّٰهْ صَبَاحْ غَادِي لِبَحَرْ الْأُرْدُنْ.

يَشُوع 4:12

وَ الْمَشَوْا أَوَّلْ مِنْ بَنِي إِسْرَائِيلْ هُمَّنْ قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. وَ هُمَّنْ مَشَوْا بِنِظَامْ هَنَا حَرِبْ قِدَّامْ بَنِي إِسْرَائِيلْ مِثِلْ أَوَّلْ مُوسَى قَالَهْ لَيْهُمْ.

عَدد 32:19

وَ أَنِحْنَ مَا نَلْقَوْا مَعَاهُمْ وَرَثَةْ غَادِي لِبَحَرْ الْأُرْدُنْ أَشَانْ وَرَثَتْنَا أَنِحْنَ قَاعِدَةْ بِجَايِ لِبَحَرْ الْأُرْدُنْ فِي نُصَّهْ الصَّبْحَانِي.»

تَثْنِية 3:8

وَ فِي الْوَكِتْ دَاكْ، أَنِحْنَ شِلْنَا بَلَدْ مُلُوكْ الْأَمُورِيِّينْ الْإِتْنَيْن دَوْل يَعْنِي عُوقْ وَ سِيحُونْ. وَ دِي الْأَرْض الْقَاعِدَةْ صَبَاحْ لِبَحَرْ الْأُرْدُنْ مِنْ وَادِي أَرْنُونْ فِي الْوَطِي لَحَدِّي جَبَلْ حَرْمُونْ فِي الْمُنْشَاقْ.

يَشُوع 12:1

وَ أَوَّلْ، بَنِي إِسْرَائِيلْ أَنَّصَرَوْا فِي مُلُوكْ إِتْنَيْن صَبَاحْ مِنْ بَحَرْ الْأُرْدُنْ وَ شَالَوْا أَرْضُهُمْ مِنْ وَادِي أَرْنُونْ فِي الْوَطِي لَحَدِّي جَبَلْ حَرْمُونْ فِي الْمُنْشَاقْ وَ كُلَّ أَرْضُهُمْ عَلَيْ الصَّبَاحْ مِنْ وَادِي الْأُرْدُنْ.

يَشُوع 13:7

وَ هَسَّعْ دَا، قَسِّمْ الْبَلَدْ دِي لِبَنِي إِسْرَائِيلْ لِتَبْقَى وَرَثَتْهُمْ. تِسْعَةْ قَبَايِلْ وَ نُصّ قَبِيلَةْ مَنَسَّى يَلْقَوْا أَرْض وَرَثَتْهُمْ غَرِبْ لِبَحَرْ الْأُرْدُنْ.»

يَشُوع 13:9

وَ حُدُودْهُمْ مِنْ حِلَّةْ عَرُوعِرْ الْقَاعِدَةْ فِي خَشُمْ وَادِي أَرْنُونْ فِي الْجُنُوبْ وَ الْحِلَّةْ الْقَاعِدَةْ فِي أُسْط الْوَادِي وَ كُلَّ السَّهَلَةْ هَنَا مِيدْبَا لَحَدِّي دِيبُونْ.

1 صَمُوِيل 13:7

وَ وَاحِدِينْ مِنْ الْعِبْرَانِيِّينْ قَطَعَوْا بَحَرْ الْأُرْدُنْ وَ وَصَّلَوْا بَلَدْ قَادْ وَ قِلْعَادْ. وَ لَاكِنْ شَاوُولْ كَمَانْ قَعَدْ فِي قِلْقَالْ. وَ كُلَّ الرُّجَالْ الْمَعَايَهْ قَاعِدِينْ يَرْجُفُوا مِنْ الْخَوْف.