يَشُوع 13:3 - الكتاب المقدس بالعربي الدارجي هنا تشاد

³ مِنْ وَادِي شِيحُورْ فِي حُدُودْ مَصِرْ لَحَدِّي حُدُودْ عَقْرُونْ فِي الْمُنْشَاقْ. وَ دَا تُرَابْ الْكَنْعَانِيِّينْ الْقَاعِدِينْ فَوْقَهْ خَمْسَةْ كُبَارَاتْ هَنَا الْفِلِسْطِيِّينْ. وَ هُمَّنْ كَبِيرْ غَزَّةْ وَ كَبِيرْ أَشْدُودْ وَ كَبِيرْ أَشْقَلُونْ وَ كَبِيرْ قَاتْ وَ كَبِيرْ عَقْرُونْ وَ كَبِيرْ الْعَوِّيِّينْ

يَشُوع 13:3 Referenca të Kryqëzuara

إرْمِيا 2:18

مَالَا مَشَيْتُوا بَلَدْ مَصِرْ لِتِفَتُّشُوا مُسَاعَدَتْهَا مِثِلْ عَطْشَانِينْ لِأَلْمِي النِّيلْ؟ وَ مَالَا مَشَيْتُوا بَلَدْ أَشُورْ لِتِفَتُّشُوا قُدْرِتْهَا مِثِلْ عَطْشَانِينْ لِأَلْمِي الْفُرَاتْ؟

قُضياء 3:3

دَاهُو الْأُمَمْ الْاللّٰهْ خَلَّاهُمْ فِي الْبَلَدْ. هُمَّنْ خَمْسَةْ كُبَارَاتْ هَنَا الْفِلِسْطِيِّينْ وَ كُلَّ الْكَنْعَانِيِّينْ وَ الصَّيْدُونِيِّينْ وَ الْحِوِّيِّينْ السَّاكْنِينْ فِي جِبَالْ لُبْنَانْ مِنْ جَبَلْ بَعَلْ حَرْمُونْ لَحَدِّي لَبُو حَمَاتْ.

تَثْنِية 2:23

وَ الْكَفْتُورِيِّينْ جَوْا مِنْ كَفْتُورْ وَ دَمَّرَوْهُمْ لِلْعَوِّيِّينْ السَّاكْنِينْ فِي الْحِلَّالْ هَنَا مَنْطَقَةْ غَزَّةْ وَ سَكَنَوْا فِي بَدَلْهُمْ.

1 صَمُوِيل 6:4

وَ الْفِلِسْطِيِّينْ قَالَوْا: «شُنُو الْهَدِيَّةْ لِكَفَّارَةْ الْخَطَا النِّوَدُّوهَا مَعَايَهْ؟» وَ هُمَّنْ رَدَّوْا لَيْهُمْ وَ قَالَوْا: «قَدُّمُوا خَمْسَةْ دَرَادِيمْ هَنَا دَهَبْ مِثِلْ الْحُبُونْ دَوْل وَ خَمْسَةْ فَارْ هَنَا دَهَبْ عَلَيْ عَدَدْ كُبَارَاتْ الْفِلِسْطِيِّينْ. أَشَانْ الْوَبَاءْ دَا لِحِقْكُو إِنْتُو كُلُّكُو وَ كُبَارَاتْكُو كُلَ.

يَشُوع 13:13

وَ لَاكِنْ بَنِي إِسْرَائِيلْ مَا شَالَوْا أَرْض الْقَشُورِيِّينْ وَ لَا الْمَعَاكِيِّينْ وَ بَيْدَا، هُمَّنْ سَاكْنِينْ فِي أُسْط بَنِي إِسْرَائِيلْ لَحَدِّي الْيَوْم.

تكوين 10:6

أَوْلَادْ حَامْ هُمَّنْ كُوشْ وَ مِصْرَايِمْ وَ فُوطْ وَ كَنْعَانْ.

قُضياء 16:5

وَ كُبَارَاتْ الْفِلِسْطِيِّينْ مَشَوْا لِلْمَرَةْ دِي وَ قَالَوْا لَيْهَا: «غُشِّيهْ وَ أَسْأَلَيْه مِنْ وَيْن يَجِي سِرّ قُدُرْتَهْ الْكَبِيرَةْ دِي. فَتِّشِي كِكَّيْف نَقْدَرَوْا فَوْقَهْ وَ نِرَبُّطُوهْ. وَ أَيِّ وَاحِدْ مِنِّنَا يَنْطِيكِ 1 100 حَجَرْ فُضَّةْ.»

1 صَمُوِيل 5:1

وَ بَعَدْ شَالَوْا صَنْدُوقْ الرَّبّ، الْفِلِسْطِيِّينْ نَقَلَوْه مِنْ حَجَرْ الْمُسَاعَدَةْ وَ وَدَّوْه مَدِينَةْ أَشْدُودْ.

1 مُلوك 8:65

وَ فِي الْوَكِتْ دَا، الْمَلِكْ سُلَيْمَانْ عَيَّدْ عِيدْ مَعَ كُلَّ بَنِي إِسْرَائِيلْ. وَ جَمَاعَةْ كَتِيرِينْ جَوْا مِنْ كُلَّ الْبَلَدْ، مِنْ حِلَّةْ لَبُو حَمَاتْ فِي الْمُنْشَاقْ لَحَدِّي وَادِي مَصِرْ فِي الْوَطِي. وَ هُمَّنْ عَيَّدَوْا قِدَّامْ اللّٰهْ الرَّبّ 7 يَوْم وَ بَتَّانْ 7 يَوْم وَ كُلَّ كَيْ يِسَاوِي 14 يَوْم.

إشَعْيا 23:3

مَعَاشْ وَادِي مَصِرْ وَ دَرَتْ النِّيلْ وَ إِنْتَاجَهْ سَافَرَوْا فِي الْبَحَرْ وَ بِقَوْا تِجَارَةْ لِلْأُمَمْ.

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

1 صَمُوِيل 5:8

وَ نَادَوْهُمْ لِلْكُبَارَاتْ هَنَا الْفِلِسْطِيِّينْ، لَمَّوْهُمْ كُلُّهُمْ كَيْ وَ قَالَوْا: «هَسَّعْ دَا، نِسَوُّوا شُنُو بِصَنْدُوقْ إِلٰـهْ بَنِي إِسْرَائِيلْ؟» وَ هُمَّنْ رَدَّوْا وَ قَالَوْا: «خَلِّي يِوَدُّوهْ فِي حِلَّةْ قَاتْ.» وَ خَلَاصْ، هُمَّنْ شَالَوْا صَنْدُوقْ إِلٰـهْ بَنِي إِسْرَائِيلْ وَ وَدَّوْه فِي حِلَّةْ قَاتْ.

1 صَمُوِيل 5:10

وَ خَلَاصْ، وَدَّوْا صَنْدُوقْ الرَّبّ لِمَدِينَةْ عَقْرُونْ. وَ وَكِتْ دَخَّلَوْه فِي عَقْرُونْ، كُلَّ السُّكَّانْ صَرَخَوْا وَ قَالَوْا: «دَاهُو جَابَوْا لَيْنَا صَنْدُوقْ إِلٰـهْ بَنِي إِسْرَائِيلْ أَشَانْ يِكَتُّلُونَا كُلِّنَا كَيْ، أَنِحْنَ وَ شَعَبْنَا!»

1 أخبار 13:5

وَ دَاوُدْ لَمَّ كُلَّ بَنِي إِسْرَائِيلْ مِنْ وَادِي مَصِرْ فِي الْجُنُوبْ لَحَدِّي لَبُو حَمَاتْ فِي الْمُنْشَاقْ لِيِجِيبُوا صَنْدُوقْ الرَّبّ مِنْ حِلَّةْ قَرْيَةْ يَعَرِيمْ.