يَشُوع 13:22 - الكتاب المقدس بالعربي الدارجي هنا تشاد

²² وَ أَمْبَيْن النَّاسْ الْبَنِي إِسْرَائِيلْ كَتَلَوْهُمْ بِالْسَّيْف، فِيَّهْ الشَّوَّافِي بَلْعَامْ وِلَيْد بَعُورْ.

يَشُوع 13:22 Referenca të Kryqëzuara

عَدد 31:8

وَ مَعَ الرُّجَالْ دَوْل هُمَّنْ كَتَلَوْا مُلُوكْ مِدْيَانْ الْخَمْسَةْ، أَوِيَا وَ رَاقِمْ وَ صُورْ وَ حُورْ وَ رَابِعْ. وَ بَلْعَامْ وِلَيْد بَعُورْ كُلَ كَتَلَوْه مَعَاهُمْ.

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

يَهُوذَا 1:11

الْعَذَابْ يَرْجَاهُمْ. أَشَانْ هُمَّنْ شَالَوْا دَرِبْ هَنَا قَابِيلْ. هُمَّنْ شَالَوْا دَرِبْ الْكِدِبْ هَنَا بَلْعَامْ أَشَانْ يَلْقَوْا بَيَّهْ رِبَا. وَ عِصَوْا اللّٰهْ مِثِلْ قُورَحْ وَ بَيْدَا، أَكِيدْ يِدَّمَّرَوْا.

2 بُطْرُس 2:15

هُمَّنْ مَرَقَوْا مِنْ الدَّرِبْ الْعَدِيلْ وَ وَدَّرَوْا مَرَّةْ وَاحِدْ. تَابَعَوْا دَرِبْ بَلْعَامْ وِلَيْد بَعُورْ الْفِرِحْ بِالرِّبَا اللِّقِيهْ مِنْ الْفَسَالَةْ السَّوَّاهَا.

عَدد 24:1

وَ وَكِتْ بَلْعَامْ عِرِفْ كَدَرْ اللّٰهْ يِدَوْر يِبَارِكْ بَنِي إِسْرَائِيلْ، هُو مَا سَوَّى مِثِلْ الْمَرَّاتْ الْأَوَّلْ لِيَعَرِفْ الْغَيْب وَ لَاكِنْ وَجَّهْ عَلَيْ الصَّحَرَاء.

رُؤية 19:20

وَ الْحَيْوَانْ غَلَبَوْه وَ كَرَبَوْه. وَ كَرَبَوْا مَعَايَهْ الْكَدَّابْ السَّوَّى نَفْسَهْ نَبِي الْأَوَّلْ سَوَّى عَجَايِبْ فِي قِدَّامَهْ. وَ الْعَجَايِبْ دَوْل، هُو سَوَّاهُمْ أَشَانْ يُغُشّ بَيْهُمْ النَّاسْ الْقِبْلَوْا وَسِمْ الْحَيْوَانْ الْفَسِلْ وَ سَجَدَوْا لِصَنَمَهْ. وَ رَمَوْا الْحَيْوَانْ الْفَسِلْ وَ الْكَدَّابْ حَيِّينْ فِي بَحَرْ النَّارْ الْمُأَوْقِدَةْ بِكِبْرِيتْ أَصْفَرْ.

عَدد 23:23

مَا فِي الْيِكَلِّمْ بِعِلِمْ الْغَيْب فِي ذُرِّيَّةْ يَعْقُوبْ وَ مَا فِي الْيِشَوِّفْ فِي بَنِي إِسْرَائِيلْ. وَ فِي وَكِتْ مُوَافِقْ، ذُرِّيَّةْ يَعْقُوبْ وَ بَنِي إِسْرَائِيلْ يَعَرْفُوا كُلَّ شَيّءْ الْاللّٰهْ يِسَوِّيهْ.

عَدد 24:14

وَ بَتَّانْ بَلْعَامْ قَالْ: «هَسَّعْ، قُبَّالْ مَا نِقَبِّلْ لِشَعَبِي، تَعَالْ نِأَوْرِيكْ بِالشَّيّءْ الْيِسَوِّيهْ الشَّعَبْ دَا بَعَدَيْن فِي شَعَبَكْ.»

يَشُوع 13:23

وَ حُدُودْ قَبِيلَةْ رَأُوبِينْ فِي الْغَرِبْ بَحَرْ الْأُرْدُنْ وَ الْأَرْض الْجَنْبَهْ. وَ دَوْل الْمُدُنْ وَ الْحِلَّالْ اللِّقَوْهُمْ قَبِيلَةْ رَأُوبِينْ وَرَثَةْ حَسَبْ خُشُومْ بُيُوتْهُمْ.