يَشُوع 12:7 - الكتاب المقدس بالعربي الدارجي هنا تشاد

⁷ وَ يَشُوعْ وَ بَنِي إِسْرَائِيلْ دَمَّرَوْا مُلُوكْ الْبَلَدْ الْغَرِبْ لِبَحَرْ الْأُرْدُنْ. وَ أَرْضُهُمْ مِنْ بَعَلْ قَادْ الْفِي وَادِي لُبْنَانْ فِي الْمُنْشَاقْ لَحَدِّي الْجَبَلْ الْأَمْلَسْ الْقَاعِدْ جَنْب سَعِيرْ فِي الْوَطِي. وَ يَشُوعْ أَنْطَى الْأَرْض دِي وَرَثَةْ لِبَنِي إِسْرَائِيلْ حَسَبْ قَبَايِلْهُمْ.

يَشُوع 12:7 Referenca të Kryqëzuara

يَشُوع 11:17

وَ مِنْ الْجَبَلْ الْأَمْلَسْ الْقَاعِدْ جَنْب سَعِيرْ فِي الْوَطِي لَحَدِّي بَعَلْ قَادْ فِي وَادِي لُبْنَانْ فِي قَعَرْ جَبَلْ حَرْمُونْ فِي الْمُنْشَاقْ، هُو كَرَبْ كُلَّ مُلُوكْهُمْ وَ كَتَلَاهُمْ.

يَشُوع 11:23

وَ يَشُوعْ شَالْ كُلَّ الْبَلَدْ وَ دَا حَسَبْ كَلَامْ اللّٰهْ الْقَالَهْ لِمُوسَى. وَ الْبَلَدْ دِي، يَشُوعْ أَنْطَاهَا لِبَنِي إِسْرَائِيلْ وَرَثَةْ لِيِقَسُّمُوهَا أَمْبَيْنَاتْ قَبَايِلْهُمْ. وَ خَلَاصْ، الْحَرِبْ وَقَفْ وَ الْبَلَدْ لِقَتْ الرَّاحَةْ.

يَشُوع 9:1

وَ كُلَّ مُلُوكْ الْبَلَدْ سِمْعَوْا بِنَصُرْ بَنِي إِسْرَائِيلْ وَ هُمَّنْ سَاكْنِينْ غَرِبْ لِبَحَرْ الْأُرْدُنْ فِي الْجِبَالْ وَ فِي السَّهَلَةْ وَ فِي خَشُمْ الْبَحَرْ الْأَبْيَضْ لَحَدِّي لُبْنَانْ. وَ هُمَّنْ مُلُوكْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

يَشُوع 3:17

وَ رُجَالْ الدِّينْ الشَّايْلِينْ صَنْدُوقْ مُعَاهَدَةْ اللّٰهْ وَقَفَوْا ثَابْتِينْ فِي التُّرَابْ الْيَابِسْ فِي أُسُطْ بَحَرْ الْأُرْدُنْ. وَ كُلَّ بَنِي إِسْرَائِيلْ قَاعِدِينْ يَقْطَعَوْا فِي التُّرَابْ الْيَابِسْ دَا، لَحَدِّي كُلَّ الْأُمَّةْ قَطَعَتْ بَحَرْ الْأُرْدُنْ.

تَثْنِية 2:4

يَا مُوسَى، دَاهُو الْأَمُرْ التَّنْطِيهْ لِلشَّعَبْ. قُولْ لَيْهُمْ: ‹فُوتُوا قَرِيبْ لِحُدُودْ أَخْوَانْكُو ذُرِّيَّةْ عِيسُو السَّاكْنِينْ فِي بَلَدْ سَعِيرْ. وَ هُمَّنْ يَخَافَوْا مِنْكُو وَ لَاكِنْ إِنْتُو أَحْفَضَوْا نُفُوسْكُو.

تَثْنِية 2:1

وَ مُوسَى قَالْ: خَلَاصْ وَجَّهْنَا عَلَيْ الصَّحَرَاء وَ مَشَيْنَا عَلَيْ الْبَحَرْ الْأَحْمَرْ، مِثِلْ اللّٰهْ قَالَهْ لَيِّ. وَ مُدَّةْ طَوِيلَةْ قَاعِدِينْ نُلُوضُوا بَلَدْ جِبَالْ سَعِيرْ.

تكوين 36:30

وَ دِيشُونْ وَ إِصَرْ وَ دِيشَانْ. دَوْل شُيُوخْ الْحُورِيِّينْ السَّاكْنِينْ فِي بَلَدْ سَعِيرْ.

تكوين 36:20

وَ دَاهُو أَوْلَادْ سَعِيرْ الْحُورِي الْأَوَّلْ سَاكِنْ فِي بَلَدْ أَدَوْم، هُمَّنْ لُوطَانْ وَ شُوبَالْ وَ صِبْعُونْ وَ عَانَى

تكوين 36:8

وَ عِيسُو، الْمَعْرُوفْ بِأَدَوْم، مَشَى سَكَنْ فِي جِبَالْ بَلَدْ سَعِيرْ.

تكوين 32:3

وَ يَعْقُوبْ رَسَّلْ نَاسْ قِدَّامَهْ أَشَانْ يَمْشُوا لِأَخُوهْ عِيسُو فِي تُرَابْ سَعِيرْ فِي بَلَدْ أَدَوْم.

تكوين 14:6

وَ أَنَّصَرَوْا فِي الْحُورِيِّينْ كُلَ فِي حَجَرْهُمْ الْفِي سَعِيرْ وَ طَرَدَوْهُمْ لَحَدِّي أَيْل فَارَانْ فِي حُدُودْ الصَّحَرَاءْ.

زَبُور 135:11

مِثِلْ سِيحُونْ مَلِكْ الْأَمُورِيِّينْ وَ عُوقْ مَلِكْ بَاشَانْ وَ كُلَّ مَمَالِكْ الْكَنْعَانِيِّينْ.