يَشُوع 12:3 - الكتاب المقدس بالعربي الدارجي هنا تشاد

³ وَ يَمْلُكْ فِي وَادِي الْأُرْدُنْ مِنْ بَحَرْ الْجَلِيلْ فِي الْمُنْشَاقْ لَحَدِّي بَيْت يَشِيمُتْ قَرِيبْ الْبَحَرْ الْمَيِّتْ وَ بَتَّانْ لَحَدِّي التُّرَابْ فِي قَعَرْ جَبَلْ الْفِسْقَةْ فِي الْوَطِي.

يَشُوع 12:3 Referenca të Kryqëzuara

تَثْنِية 3:17

وَ الْحُدُودْ الْغَرْبَانِيِّةْ هَنَا خَشُمْ بَيْت مَكِيرْ وَ قَبِيلَةْ رَأُوبِينْ وَ قَبِيلَةْ قَادْ، هُمَّنْ مَشَوْا مَعَ طُولْ وَادِي الْأُرْدُنْ مِنْ بَحَرْ الْجَلِيلْ فِي الْمُنْشَاقْ لَحَدِّي الْبَحَرْ الْمَيِّتْ فِي الْوَطِي. وَ مِنَّهْ، الْحُدُودْ مَشَوْا لَحَدِّي قَعَرْ جَبَلْ الْفِسْقَةْ فِي الصَّبَاحْ.

يَشُوع 13:20

وَ بَيْت فَعُورْ وَ جَبَلْ الْفِسْقَةْ وَ بَيْت يَشِيمُتْ.

يَشُوع 11:2

وَ مُلُوكْ جِبَالْ الْمُنْشَاقْ وَ مُلُوكْ وَادِي الْأُرْدُنْ جُنُوبْ بَحَرْ الْجَلِيلْ وَ مُلُوكْ سَهَلَةْ شَفِيلَةْ وَ مُلُوكْ قِيزَانْ دُورْ فِي الْغَرِبْ

تَثْنِية 4:49

وَ كُلَّ الْعَرَبَةْ صَبَاحْ غَادِي لِبَحَرْ الْأُرْدُنْ لَحَدِّي الْبَحَرْ الْمَيِّتْ فِي قَعَرْ جَبَلْ الْفِسْقَةْ.

يُوحَنَّا 6:1

وَ بَعَدْ دَا، عِيسَى قَمَّ فَاتْ وَ مَشَى فِي نُصّ الصَّبْحَانِي هَنَا بَحَرْ الْجَلِيلْ الْمَعْرُوفْ كُلَ بِبَحَرْ طِبِرِيَاسْ.

يَشُوع 15:5

وَ حُدُودْهُمْ فِي الصَّبَاحْ يَمْشُوا مِنْ الْبَحَرْ الْمَيِّتْ لَحَدِّي خَشُمْ بَحَرْ الْأُرْدُنْ. وَ مِنْ الْمُنْشَاقْ، الْحُدُودْ يَبْدَوْا مِنْ نَفْس الْبَكَانْ فِي خَشُمْ بَحَرْ الْأُرْدُنْ

يَشُوع 15:2

وَ حُدُودْهُمْ فِي الْجُنُوبْ مِنْ خَشُمْ الْبَحَرْ الْمَيِّتْ الْمُقَابِلْ الْجُنُوبْ.

يَشُوع 3:16

طَوَّالِي الْأَلْمِي الْجَارِي مِنْ الْعَيْن وَقَفْ وَ بِقِي مِثِلْ دُرْدُرْ فِي مَسَافَةْ طَوِيلَةْ فِي حِلَّةْ آدَمْ الْقَاعِدَةْ جَنْب صَرْتَانْ. وَ الْأَلْمِي النَّازِلْ عَلَيْ الْبَحَرْ الْمَيِّتْ وَقَفْ مَرَّةْ وَاحِدْ. وَ الشَّعَبْ قَطَعَوْا الْبَحَرْ مُقَابِلْ حِلَّةْ أَرِيحَا.

عَدد 21:20

وَ مِنْ بَامَوْت سَارَوْا لَحَدِّي الْوَادِي الْفِي بَلَدْ مُوَابْ وَ دَا عَلَيْ رَاسْ جَبَلْ الْفِسْقَةْ الْمِنَّهْ تِنْشَافْ كُلَّ الصَّحَرَاء.

تكوين 19:25

وَ اللّٰهْ دَمَّرْ الْمُدُنْ دَوْل وَ كُلَّ الْمَنْطَقَةْ وَ الْحِلَّالْ وَ سُكَّانْهُمْ وَ كُلَّ نَبَاتَاتْ الْأَرْض.

تكوين 14:3

وَ الْمَجْمُوعَةْ التَّانِيَةْ لَمَّتْ رُجَالْهَا فِي وَادِي سِدِّيمْ الْبِنَادُوهْ الْيَوْم الْبَحَرْ الْمَيِّتْ.

لُوقا 5:1

وَ يَوْم وَاحِدْ، عِيسَى قَاعِدْ جَنْب بَحَرْ الْجَلِيلْ. وَ النَّاسْ الْيِدَوْرُوا يَسْمَعَوْا كَلَامْ اللّٰهْ بِقَوْا كَتِيرِينْ مَرَّةْ وَاحِدْ لَحَدِّي قَاعِدِينْ يَعَصُرُوهْ.

1 مُلوك 15:20

وَ بَنْهَدَادْ قَصَّدْ بِكَلَامْ الْمَلِكْ آسَا. وَ خَلَاصْ، هُو رَسَّلْ قُيَّادْ عَسْكَرَهْ وَ هَجَمَوْا حِلَّالْ مَمْلَكَةْ إِسْرَائِيلْ وَ شَالَوْا عِيُونْ وَ دَانْ وَ آبِلْ بَيْت مَعَاكَةْ وَ كُلَّ مَنْطَقَةْ الْجَلِيلْ وَ كُلَّ أَرْض قَبِيلَةْ نَفْتَالِي.

حِزْقِيال 25:9

وَ فِي شَانْ دَا، دَاهُو أَنَا نِخَلِّي يَهْجُمُوا الْمُدُنْ الْيَحْمُوا بَلَدْ مُوَابْ. وَ الْعَدُو يِدَمِّرْهُمْ الْوَاحِدَةْ بَعَدْ الْآخَرَةْ حَتَّى الْمُدُنْ الْجَمِيلِينْ مِثِلْ بَيْت يَشِيمُتْ وَ بَعَلْ مَاعَوْن وَ قِرْيَتَايِمْ يِدَّمَّرَوْا خَلَاصْ.

عَدد 34:11

وَ مِنْ شَفَامْ، الْحُدُودْ يَمْشُوا لَحَدِّي رِبْلَةْ صَبَاحْ لِلْعَيْن وَ مِنْهَا، الْحُدُودْ يَمْشُوا عَلَيْ الْقِيزَانْ الْقَاعِدِينْ صَبَاحْ لِبَحَرْ الْجَلِيلْ.