يَشُوع 12:2 - الكتاب المقدس بالعربي الدارجي هنا تشاد

² وَ الْأَوَّلْ هُو سِيحُونْ مَلِكْ الْأَمُورِيِّينْ السَّاكِنْ فِي مَدِينَةْ حَشْبُونْ. هُو يَمْلُكْ فِي نُصّ وَادِي أَرْنُونْ مِنْ عَرُوعِرْ وَ فِي نُصّ تُرَابْ قِلْعَادْ لَحَدِّي وَادِي يَبُّوقْ الْهُو حُدُودْ بَنِي عَمُّونْ.

يَشُوع 12:2 Referenca të Kryqëzuara

تكوين 32:22

وَ بِاللَّيْل، يَعْقُوبْ قَمَّ شَالْ عَوِينَهْ الْإِتْنَيْن وَ خَدَّامَاتَهْ الْإِتْنَيْن وَ أَوْلَادَهْ الْإِحْدَى عَشَرْ وَ قَطَّعَاهُمْ وَادِي يَبُّوقْ.

زَبُور 135:11

مِثِلْ سِيحُونْ مَلِكْ الْأَمُورِيِّينْ وَ عُوقْ مَلِكْ بَاشَانْ وَ كُلَّ مَمَالِكْ الْكَنْعَانِيِّينْ.

نَحَمْيا 9:22

«وَ إِنْتَ أَنْطَيْتهُمْ تُرَابْ هَنَا مُلُوكْ وَ أُمَمْ آخَرِينْ لَحَدِّي الْحُدُودْ. وَ خَلَاصْ، هُمَّنْ شَالَوْا بَلَدْ هَنَا مَلِكْ سِيحُونْ الْفِي مَدِينَةْ حَشْبُونْ وَ بَلَدْ هَنَا عُوقْ مَلِكْ تُرَابْ بَاشَانْ.

قُضياء 11:22

وَ شَالَوْا كُلَّ أَرْض الْأَمُورِيِّينْ مِنْ وَادِي أَرْنُونْ لَحَدِّي وَادِي يَبُّوقْ وَ مِنْ الصَّحَرَاء لَحَدِّي بَحَرْ الْأُرْدُنْ.

قُضياء 11:13

وَ مَلِكْ بَنِي عَمُّونْ قَالْ لِلنَّاسْ الرَّسَّلْهُمْ يِفْتَاحْ: «وَكِتْ بَنِي إِسْرَائِيلْ مَرَقَوْا مِنْ بَلَدْ مَصِرْ شَالَوْا كُلَّ أَرْضِي مِنْ وَادِي أَرْنُونْ لِوَادِي يَبُّوقْ وَ لَحَدِّي بَحَرْ الْأُرْدُنْ. وَ هَسَّعْ دَا، قَبُّلُوا لَيِّ أَرْضِي بِالسَّلَامَةْ.»

1 أخبار 5:8

وَ بَالَعْ هُو وِلَيْد عَزَازْ وِلَيْد شَمَعْ وِلَيْد يُوِيلْ. وَ دَاهُو ذُرِّيَّةْ رَأُوبِينْ السَّاكْنِينْ فِي الْمَنْطَقَةْ الْقَاعِدَةْ بَيْن حِلَّةْ عَرُوعِرْ فِي الْجُنُوبْ وَ جَبَلْ نَبُو وَ حِلَّةْ بَعَلْ مَاعَوْن فِي الْمُنْشَاقْ.

إرْمِيا 48:19

وَ يَا سُكَّانْ حِلَّةْ عَرُوعِرْ! أَقِيفُوا فِي الطَّرِيقْ وَ رَاقُبُوا. وَ أَسْأَلَوْا الْجَارِيِينْ وَ الْمُعَرِّدِينْ وَ قُولُوا: ‹شُنُو الْحَصَلْ؟›

تَثْنِية 1:4

وَ دَا بَعَدْ أَنَّصَرْ فِي سِيحُونْ مَلِكْ الْأَمُورِيِّينْ الْقَاعِدْ فِي حَشْبُونْ وَ أَنَّصَرْ فِي عُوقْ فِي حِلَّةْ إِدْرَعِي. وَ عُوقْ دَا مَلِكْ بَاشَانْ السَّاكِنْ فِي عَشْتَرُوتْ.