يَشُوع 11:23 - الكتاب المقدس بالعربي الدارجي هنا تشاد

²³ وَ يَشُوعْ شَالْ كُلَّ الْبَلَدْ وَ دَا حَسَبْ كَلَامْ اللّٰهْ الْقَالَهْ لِمُوسَى. وَ الْبَلَدْ دِي، يَشُوعْ أَنْطَاهَا لِبَنِي إِسْرَائِيلْ وَرَثَةْ لِيِقَسُّمُوهَا أَمْبَيْنَاتْ قَبَايِلْهُمْ. وَ خَلَاصْ، الْحَرِبْ وَقَفْ وَ الْبَلَدْ لِقَتْ الرَّاحَةْ.

يَشُوع 11:23 Referenca të Kryqëzuara

زَبُور 46:9

هُو يِوَقِّفْ الْحَرِبْ لَحَدِّي فِي آخِرْ الْأَرْض وَ يِكَسِّرْ أَيِّ نُبَّالْ وَ حَرْبَةْ وَ يِحَرِّقْ كُلَّ الدَّرَقْ.

يَشُوع 23:1

وَ بَعَدْ مُدَّةْ طَوِيلَةْ، اللّٰهْ أَنْطَى الرَّاحَةْ لِبَنِي إِسْرَائِيلْ مِنْ كُلَّ عُدْوَانْهُمْ الْمُجَاوِرِينْهُمْ. وَ يَشُوعْ شَيَّبْ وَ عُمْرَهْ بِقِي طَوِيلْ.

يَشُوع 22:4

وَ هَسَّعْ اللّٰهْ إِلٰـهْكُو أَنْطَى الرَّاحَةْ لِأَخْوَانْكُو مِثِلْ هُو وَاعَدَاهُمْ بَيْهَا. وَ هَسَّعْ تَقْدَرَوْا تَمْشُوا لِخِيَمْكُو فِي بَلَدْكُو الْأَنْطَاهَا لَيْكُو مُوسَى عَبْد اللّٰهْ صَبَاحْ غَادِي لِبَحَرْ الْأُرْدُنْ.

يَشُوع 18:10

وَ يَشُوعْ سَوَّى لَيْهُمْ أَمْ عِيَيْدَاتْ قِدَّامْ اللّٰهْ فِي شِيلَوْه. وَ بَيْدَا، يَشُوعْ قَسَّمْ الْبَلَدْ لِبَنِي إِسْرَائِيلْ حَسَبْ الْقِسِمْ الْوَقَعْ لِأَيِّ قَبِيلَةْ.

يَشُوع 11:18

وَ مُدَّةْ أَيَّامْ كَتِيرِينْ، يَشُوعْ قَاعِدْ يِحَارِبْ فِي الْمُلُوكْ دَوْل.

تَثْنِية 25:19

وَ وَكِتْ اللّٰهْ إِلٰـهْكُو يَنْطِيكُو الْجُمَّةْ مِنْ كُلَّ عُدْوَانْكُو الْمُحَوِّقِينْكُو فِي الْبَلَدْ الْيَنْطِيهَا لَيْكُو وَرَثَةْ لِتِشِيلُوهَا، دَمُّرُوا الْعَمَالِقْ. وَ قُشُّوا ذِكِرْهُمْ مِنْ تِحِتْ السَّمَاءْ. وَ دَا مَا تَنْسَوْه.

تَثْنِية 1:38

وَ لَاكِنْ خَدَّامَكْ يَشُوعْ وِلَيْد نُونْ يَدْخُلْ فَوْقهَا. وَ إِنْتَ شَجِّعَهْ أَشَانْ هُو بَسْ الْيَنْطِي الْبَلَدْ دِي لِبَنِي إِسْرَائِيلْ مِثِلْ وَرَثَةْ.

خُروج 34:11

خَلِّي يِطَبُّقُوا دَايْماً كَلَامِي النُّقُولَهْ لَيْك الْيَوْم. وَ بَيْدَا، أَنَا نَطْرُدْ مِنْ قِدَّامْكُو الْأَمُورِيِّينْ وَ الْكَنْعَانِيِّينْ وَ الْحِتِّيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

نَحَمْيا 9:24

وَ ذُرِّيِّتْهُمْ دَخَلَوْا فِي بَلَدْ كَنْعَانْ وَ شَالَوْهَا. وَ إِنْتَ هَزَمْت الْكَنْعَانِيِّينْ سِيَادْ الْبَلَدْ وَ مُلُوكْهُمْ وَ سَلَّمْتُهُمْ لِبَنِي إِسْرَائِيلْ أَشَانْ يِسَوُّوا فَوْقهُمْ مِثِلْ يِدَوْرُوهْ.

حِزْقِيال 45:8

وَ الْأَرْض دِي بَسْ تَبْقَى لِلْمَلِكْ وَرَثَتَهْ فِي بَلَدْ إِسْرَائِيلْ. وَ الْمُلُوكْ أَبَداً مَا يَظُلْمُوا الشَّعَبْ لَاكِنْ هُمَّنْ يِخَلُّوا الْبَلَدْ لِبَنِي إِسْرَائِيلْ حَسَبْ قَبَايِلْهُمْ.

يَشُوع 12:7

وَ يَشُوعْ وَ بَنِي إِسْرَائِيلْ دَمَّرَوْا مُلُوكْ الْبَلَدْ الْغَرِبْ لِبَحَرْ الْأُرْدُنْ. وَ أَرْضُهُمْ مِنْ بَعَلْ قَادْ الْفِي وَادِي لُبْنَانْ فِي الْمُنْشَاقْ لَحَدِّي الْجَبَلْ الْأَمْلَسْ الْقَاعِدْ جَنْب سَعِيرْ فِي الْوَطِي. وَ يَشُوعْ أَنْطَى الْأَرْض دِي وَرَثَةْ لِبَنِي إِسْرَائِيلْ حَسَبْ قَبَايِلْهُمْ.