يَشُوع 11:22 - الكتاب المقدس بالعربي الدارجي هنا تشاد

²² وَ مِنْ بَنِي عَنَقْ وَاحِدْ كُلَ مَا فَضَّلْ فِي بَلَدْ بَنِي إِسْرَائِيلْ. وَ لَاكِنْ وَاحِدِينْ مِنْهُمْ فَضَّلَوْا فِي غَزَّةْ وَ قَاتْ وَ أَشْدُودْ.

يَشُوع 11:22 Referenca të Kryqëzuara

1 صَمُوِيل 17:4

وَ فِيَّهْ رَاجِلْ وَاحِدْ فَارِسْ مَرَقْ مِنْ أُسْط الْفِلِسْطِيِّينْ. وَ أُسْمَهْ جَالُوتْ، مِنْ حِلَّةْ قَاتْ. وَ طُولَهْ زِيَادَةْ مِنْ 6 دُرَاعْ.

يَشُوع 15:46

وَ مِنْ عَقْرُونْ حُدُودْهُمْ يَمْشُوا غَرِبْ لِأَشْدُودْ وَ حِلَّالْهَا.

إشَعْيا 20:1

وَ دَاهُو الشَّيّءْ الْكَانْ فِي السَّنَةْ الْفَوْقهَا سَرْقُونْ مَلِكْ أَشُورْ رَسَّلْ قَايِدْ دَيْشَهْ لِيِحَارِبْ مَدِينَةْ أَشْدُودْ وَ يِشِيلْهَا.

2 أخبار 26:6

وَ عُزِّيَّا مَشَى حَارَبْ الْفِلِسْطِيِّينْ وَ كَسَّرْ دَرَادِرْ مُدُنْهُمْ قَاتْ وَ يَبْنِي وَ أَشْدُودْ. وَ بَعَدْ دَا، قَوَّى مُدُنْ الْفِي مَنْطَقَةْ أَشْدُودْ وَ فِي بَكَانَاتْ آخَرِينْ هَنَا بَلَدْ الْفِلِسْطِيِّينْ.

1 أخبار 18:1

وَ بَعَدْ دَا، دَاوُدْ حَارَبْ الْفِلِسْطِيِّينْ وَ أَنَّصَرْ فَوْقهُمْ. وَ قَلَعْ مِنْهُمْ حِلَّةْ قَاتْ وَ الْحِلَّالْ التَّابْعِينْ لَيْهَا.

1 أخبار 8:13

بَرِيعَا وَ شَمَعْ هُمَّنْ كُبَارَاتْ الْعَايِلَاتْ السَّاكْنِينْ فِي أَيَّلُونْ. وَ هُمَّنْ بَسْ الطَّرَدَوْا سُكَّانْ قَاتْ.

1 مُلوك 2:39

وَ لَاكِنْ بَعَدْ تَلَاتَةْ سَنَةْ، عَبِيدْ إِتْنَيْن هَنَا شِمْعِي عَرَّدَوْا وَ مَشَوْا بَكَانْ أَكِيشْ وِلَيْد مَعَاكَةْ مَلِكْ حِلَّةْ قَاتْ. وَ جَوْا خَبَّرَوْه لِشِمْعِي وَ قَالَوْا لَيَّهْ: «دَاهُو عَبِيدَكْ مَشَوْا حِلَّةْ قَاتْ.»

1 صَمُوِيل 5:1

وَ بَعَدْ شَالَوْا صَنْدُوقْ الرَّبّ، الْفِلِسْطِيِّينْ نَقَلَوْه مِنْ حَجَرْ الْمُسَاعَدَةْ وَ وَدَّوْه مَدِينَةْ أَشْدُودْ.

قُضياء 3:3

دَاهُو الْأُمَمْ الْاللّٰهْ خَلَّاهُمْ فِي الْبَلَدْ. هُمَّنْ خَمْسَةْ كُبَارَاتْ هَنَا الْفِلِسْطِيِّينْ وَ كُلَّ الْكَنْعَانِيِّينْ وَ الصَّيْدُونِيِّينْ وَ الْحِوِّيِّينْ السَّاكْنِينْ فِي جِبَالْ لُبْنَانْ مِنْ جَبَلْ بَعَلْ حَرْمُونْ لَحَدِّي لَبُو حَمَاتْ.

أعمال الرُسُل 8:40

وَ فِلِبُّسْ دَا، هُو أَنْشَافْ فِي حِلَّةْ أَشْدُودْ وَ مَشَى يِبَلِّغْ الْبِشَارَةْ فِي كُلَّ الْحِلَّالْ لَحَدِّي وِصِلْ فِي حِلَّةْ قَيْصَرِيَّةْ.

تَثْنِية 9:2

وَ سُكَّانْهُمْ بَنِي عَنَقْ الْهُمَّنْ كُبَارْ وَ طُوَالْ وَ إِنْتُو تَعَرْفُوهُمْ وَ سِمِعْتُوا النَّاسْ بِحَجُّوا بَيْهُمْ وَ بُقُولُوا: «يَاتُو يَقْدَرْ يَقِيفْ قِدَّامْ بَنِي عَنَقْ وَ يِحَارِبْهُمْ؟»

يَشُوع 15:14

وَ كَالِبْ طَرَدْ تَلَاتَةْ خُشُومْ بُيُوتْ مِنْ بَنِي عَنَقْ وَ شَالْ مِنْهُمْ أَرْضُهُمْ وَ هُمَّنْ شِيشَايْ وَ أَخِمَانْ وَ تَلْمَايْ.

قُضياء 1:18

وَ قَبِيلَةْ يَهُوذَا شَالَوْا مُدُنْ غَزَّةْ وَ أَشْقَلُونْ وَ عَقْرُونْ بِكُلَ تُرَابْهُمْ.

تَثْنِية 2:23

وَ الْكَفْتُورِيِّينْ جَوْا مِنْ كَفْتُورْ وَ دَمَّرَوْهُمْ لِلْعَوِّيِّينْ السَّاكْنِينْ فِي الْحِلَّالْ هَنَا مَنْطَقَةْ غَزَّةْ وَ سَكَنَوْا فِي بَدَلْهُمْ.

يَشُوع 10:41

وَ يَشُوعْ شَالْ كُلَّ الْبَلَدْ مِنْ قَادِشْ بَرْنِيعَ وَ غَزَّةْ فِي الْوَطِي لَحَدِّي مَنْطَقَةْ قَوْشَنْ وَ قِبْعُونْ فِي الْمُنْشَاقْ.

يَشُوع 15:47

وَرَثَوْا أَشْدُودْ وَ الْحِلَّالْ التَّابْعِينْ لَيْهَا وَ غَزَّةْ وَ الْحِلَّالْ التَّابْعِينْ لَيْهَا وَ لَحَدِّي وَادِي مَصِرْ فِي خَشُمْ الْبَحَرْ الْأَبْيَضْ.