يَشُوع 11:2 - الكتاب المقدس بالعربي الدارجي هنا تشاد

² وَ مُلُوكْ جِبَالْ الْمُنْشَاقْ وَ مُلُوكْ وَادِي الْأُرْدُنْ جُنُوبْ بَحَرْ الْجَلِيلْ وَ مُلُوكْ سَهَلَةْ شَفِيلَةْ وَ مُلُوكْ قِيزَانْ دُورْ فِي الْغَرِبْ

يَشُوع 11:2 Referenca të Kryqëzuara

قُضياء 1:27

وَ قَبِيلَةْ مَنَسَّى مَا شَالَوْا أَرْض سُكَّانْ بَيْت شَانْ وَ تَعْنَكْ وَ دُورْ وَ يِبْلَعَامْ وَ مَقِدُّو وَ حِلَّالْهُمْ التَّابْعِينْ لَيْهُمْ. وَ بَيْدَا، الْكَنْعَانِيِّينْ قَاعِدِينْ يَسْكُنُوا فِي الْبَلَدْ دِي.

يَشُوع 12:3

وَ يَمْلُكْ فِي وَادِي الْأُرْدُنْ مِنْ بَحَرْ الْجَلِيلْ فِي الْمُنْشَاقْ لَحَدِّي بَيْت يَشِيمُتْ قَرِيبْ الْبَحَرْ الْمَيِّتْ وَ بَتَّانْ لَحَدِّي التُّرَابْ فِي قَعَرْ جَبَلْ الْفِسْقَةْ فِي الْوَطِي.

يَشُوع 17:11

وَ قَبِيلَةْ مَنَسَّى لِقَوْا مُدُنْ فِي أَرْض يَسَّاكَرْ وَ أَرْض أَشِيرْ. وَ الْمُدُنْ دَوْل هُمَّنْ بَيْت شَانْ وَ يِبْلَعَامْ وَ الْحِلَّالْ التَّابْعِينْ لَيْهُمْ وَ دُورْ وَ عَيْن دُورْ وَ تَعْنَكْ وَ مَقِدُّو وَ سُكَّانْهُمْ وَ الْحِلَّالْ التَّابْعِينْ لَيْهُمْ. وَ دَا، تَلَاتَةْ مَنَاطِقْ.

عَدد 34:11

وَ مِنْ شَفَامْ، الْحُدُودْ يَمْشُوا لَحَدِّي رِبْلَةْ صَبَاحْ لِلْعَيْن وَ مِنْهَا، الْحُدُودْ يَمْشُوا عَلَيْ الْقِيزَانْ الْقَاعِدِينْ صَبَاحْ لِبَحَرْ الْجَلِيلْ.

1 مُلوك 4:11

وَ وِلَيْد أَبِنَدَابْ حَاكِمْ فِي كُلَّ مَنْطَقَةْ جِبَالْ دُورْ. وَ هُو بَسْ رَاجِلْهَا لِطَافَتْ بِنَيَّةْ سُلَيْمَانْ.

يَشُوع 12:23

وَ مَلِكْ دُورْ فِي قِيزَانْ هَنَا دُورْ وَ مَلِكْ قُويِمْ فِي جَلِيلْ

لُوقا 5:1

وَ يَوْم وَاحِدْ، عِيسَى قَاعِدْ جَنْب بَحَرْ الْجَلِيلْ. وَ النَّاسْ الْيِدَوْرُوا يَسْمَعَوْا كَلَامْ اللّٰهْ بِقَوْا كَتِيرِينْ مَرَّةْ وَاحِدْ لَحَدِّي قَاعِدِينْ يَعَصُرُوهْ.

لُوقا 1:39

وَ بَعَدْ دَا، مَرْيَمْ قَمَّتْ وَ مَشَتْ عَجَلَةْ فِي حِلَّةْ وَاحِدَةْ الْقَاعِدَةْ فِي حُجَارْ دَارْ الْيَهُودِيَّةْ

يَشُوع 13:27

وَ جَنْب وَادِي الْأُرْدُنْ، أَنْطَاهُمْ بَيْت هَارَامْ وَ بَيْت نِمْرَةْ وَ سُكُّوتْ وَ صَفُونْ. وَ دَوْل الْحِلَّالْ الْفَضَّلَوْا مِنْ مَمْلَكَةْ سِيحُونْ مَلِكْ حَشْبُونْ. وَ حُدُودْهُمْ فِي الْغَرِبْ، هُمَّنْ بَحَرْ الْأُرْدُنْ وَ حَوَالَيَّهْ لَحَدِّي بَحَرْ الْجَلِيلْ فِي الْمُنْشَاقْ. كُلَّ أَرْضُهُمْ صَبَاحْ لِبَحَرْ الْأُرْدُنْ.

يَشُوع 11:21

وَ فِي الْوَكِتْ دَا، يَشُوعْ مَشَى مَرَقْ بَنِي عَنَقْ مِنْ الْجِبَالْ وَ مِنْ حِبْرُونْ وَ مِنْ دَبِيرْ وَ مِنْ عَنَابْ وَ مِنْ كُلَّ جِبَالْ يَهُوذَا وَ مِنْ كُلَّ جِبَالْ إِسْرَائِيلْ. هُو كَتَلَاهُمْ كُلُّهُمْ وَ دَمَّرْ حِلَّالْهُمْ.

يَشُوع 10:40

وَ بِمِثِلْ دَا، يَشُوعْ شَالْ كُلَّ الْبَلَدْ يَعْنِي جِبَالْهَا وَ جُنُوبْهَا وَ سَهَلِتْهَا وَ قِيزَانْهَا. هُو كَتَلْ مُلُوكْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ دَمَّرْ كُلَّ مَخْلُوقْ حَيّ مِثِلْ اللّٰهْ إِلٰـهْ بَنِي إِسْرَائِيلْ أَمَرَهْ بَيَّهْ.

يَشُوع 10:6

وَ طَوَّالِي، نَاسْ قِبْعُونْ رَسَّلَوْا لِيَشُوعْ فِي مُعَسْكَرْ قِلْقَالْ وَ قَالَوْا لَيَّهْ: «مَا تَابَى مُسَاعَدَتَكْ لِعَبِيدَكْ. تَعَالُوا لَيْنَا عَجَلَةْ! أَفْزَعَوْنَا وَ نَجُّونَا أَشَانْ كُلَّ مُلُوكْ الْأَمُورِيِّينْ السَّاكْنِينْ فِي الْجِبَالْ لَمَّوْا وَ قَمَّوْا ضِدِّنَا.»

يَشُوع 11:16

وَ بِمِثِلْ دَا، يَشُوعْ شَالْ كُلَّ الْبَلَدْ دِي يَعْنِي جِبَالْهَا وَ صَحَرَاء نَقَبْ وَ كُلَّ تُرَابْ قَوْشَنْ وَ سَهَلَةْ شَفِيلَةْ وَ وَادِي الْأُرْدُنْ وَ جِبَالْ إِسْرَائِيلْ وَ سَهَلَةْ هَنَا خَشُمْ الْبَحَرْ.

1 مُلوك 15:20

وَ بَنْهَدَادْ قَصَّدْ بِكَلَامْ الْمَلِكْ آسَا. وَ خَلَاصْ، هُو رَسَّلْ قُيَّادْ عَسْكَرَهْ وَ هَجَمَوْا حِلَّالْ مَمْلَكَةْ إِسْرَائِيلْ وَ شَالَوْا عِيُونْ وَ دَانْ وَ آبِلْ بَيْت مَعَاكَةْ وَ كُلَّ مَنْطَقَةْ الْجَلِيلْ وَ كُلَّ أَرْض قَبِيلَةْ نَفْتَالِي.