يَشُوع 11:16 - الكتاب المقدس بالعربي الدارجي هنا تشاد

¹⁶ وَ بِمِثِلْ دَا، يَشُوعْ شَالْ كُلَّ الْبَلَدْ دِي يَعْنِي جِبَالْهَا وَ صَحَرَاء نَقَبْ وَ كُلَّ تُرَابْ قَوْشَنْ وَ سَهَلَةْ شَفِيلَةْ وَ وَادِي الْأُرْدُنْ وَ جِبَالْ إِسْرَائِيلْ وَ سَهَلَةْ هَنَا خَشُمْ الْبَحَرْ.

يَشُوع 11:16 Referenca të Kryqëzuara

يَشُوع 10:41

وَ يَشُوعْ شَالْ كُلَّ الْبَلَدْ مِنْ قَادِشْ بَرْنِيعَ وَ غَزَّةْ فِي الْوَطِي لَحَدِّي مَنْطَقَةْ قَوْشَنْ وَ قِبْعُونْ فِي الْمُنْشَاقْ.

يَشُوع 12:8

وَ دَوْل الْجِبَالْ وَ سَهَلَةْ شَفِيلَةْ وَ وَادِي الْأُرْدُنْ وَ الْقِيزَانْ وَ الصَّحَرَاء وَ صَحَرَاء نَقَبْ. وَ دَوْل بُلْدَانْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

يَشُوع 11:21

وَ فِي الْوَكِتْ دَا، يَشُوعْ مَشَى مَرَقْ بَنِي عَنَقْ مِنْ الْجِبَالْ وَ مِنْ حِبْرُونْ وَ مِنْ دَبِيرْ وَ مِنْ عَنَابْ وَ مِنْ كُلَّ جِبَالْ يَهُوذَا وَ مِنْ كُلَّ جِبَالْ إِسْرَائِيلْ. هُو كَتَلَاهُمْ كُلُّهُمْ وَ دَمَّرْ حِلَّالْهُمْ.

حِزْقِيال 36:8

وَ إِنْتُو، يَا جِبَالْ إِسْرَائِيلْ، تِقَوُّمُوا شَدَرْ وَ يِسَوُّوا فُرُوعْ وَ يَلْدَوْا فَوَاكِهْ لِشَعَبِي بَنِي إِسْرَائِيلْ أَشَانْ قَرِيبْ يِقَبُّلُوا هِنِي.

حِزْقِيال 17:23

نِمَقِّنَهْ فِي جَبَلْ عَالِي فِي بَلَدْ إِسْرَائِيلْ وَ هُو يِسَوِّي فُرُوعْ وَ يَلْدَ فَوَاكِهْ وَ يَبْقَى شَدَرَةْ أَرْز عَظِيمَةْ. وَ أَيِّ نَفَرْ هَنَا طُيُورْ يَسْكُنُوا فَوْقهَا وَ يَسْكُنُوا فِي ضُلّ فُرُوعْهَا.

يَشُوع 11:2

وَ مُلُوكْ جِبَالْ الْمُنْشَاقْ وَ مُلُوكْ وَادِي الْأُرْدُنْ جُنُوبْ بَحَرْ الْجَلِيلْ وَ مُلُوكْ سَهَلَةْ شَفِيلَةْ وَ مُلُوكْ قِيزَانْ دُورْ فِي الْغَرِبْ

يَشُوع 9:1

وَ كُلَّ مُلُوكْ الْبَلَدْ سِمْعَوْا بِنَصُرْ بَنِي إِسْرَائِيلْ وَ هُمَّنْ سَاكْنِينْ غَرِبْ لِبَحَرْ الْأُرْدُنْ فِي الْجِبَالْ وَ فِي السَّهَلَةْ وَ فِي خَشُمْ الْبَحَرْ الْأَبْيَضْ لَحَدِّي لُبْنَانْ. وَ هُمَّنْ مُلُوكْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

يَشُوع 10:40

وَ بِمِثِلْ دَا، يَشُوعْ شَالْ كُلَّ الْبَلَدْ يَعْنِي جِبَالْهَا وَ جُنُوبْهَا وَ سَهَلِتْهَا وَ قِيزَانْهَا. هُو كَتَلْ مُلُوكْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ دَمَّرْ كُلَّ مَخْلُوقْ حَيّ مِثِلْ اللّٰهْ إِلٰـهْ بَنِي إِسْرَائِيلْ أَمَرَهْ بَيَّهْ.

يَشُوع 11:15

وَ دَا مِثِلْ اللّٰهْ قَالَهْ لِعَبْدَهْ مُوسَى وَ مُوسَى كَمَانْ أَمَرْ بَيَّهْ يَشُوعْ وَ دَا بَسْ الشَّيّءْ السَّوَّاهْ يَشُوعْ. هُو طَبَّقْ كُلَّ كَلَامْ الْاللّٰهْ أَمَرْ بَيَّهْ مُوسَى.

زَبُور 78:55

هُو طَرَدْ أُمَمْ قِدَّامْهُمْ وَ كَالْ الْأَرْض بِحُبَالْ وَ قَسَّمَاهَا لَيْهُمْ وَرَثَةْ وَ سَكَّنْ قَبَايِلْ بَنِي إِسْرَائِيلْ فِي بُيُوتْهُمْ.

زَبُور 105:44

وَ هُو أَنْطَاهُمْ أَرْض الْأُمَمْ وَ وَرَثَوْا النَّتِيجَةْ هِنْت خِدْمَةْ شُعُوبْ آخَرِينْ.

تَثْنِية 1:7

قُمُّوا سِيرُوا بَتَّانْ وَ أَمْشُوا لِجِبَالْ الْأَمُورِيِّينْ وَ لِكُلَّ النَّاسْ الْحَوَالَيْهُمْ فِي الْعَرَبَةْ وَ بَلَدْ الْجِبَالْ وَ السَّهَلَةْ وَ صَحَرَاء نَقَبْ وَ خَشُمْ الْبَحَرْ الْأَبْيَضْ وَ بَلَدْ الْكَنْعَانِيِّينْ وَ لُبْنَانْ وَ لَحَدِّي الْفُرَاتْ الْبَحَرْ الْكَبِيرْ.