يَشُوع 11:14 - الكتاب المقدس بالعربي الدارجي هنا تشاد

¹⁴ وَ كُلَّ الْخُمَامْ هَنَا الْمُدُنْ دَوْل وَ الْبَهَايِمْ، بَنِي إِسْرَائِيلْ كَسَبَوْهُمْ مِثِلْ غَنِيمَةْ. وَ لَاكِنْ كَتَلَوْا كُلَّ نَاسْهُمْ بِالْسَّيْف لَحَدِّي مَا فَضَّلْ مِنْهُمْ مَخْلُوقْ حَيّ.

يَشُوع 11:14 Referenca të Kryqëzuara

يَشُوع 11:11

وَ يَشُوعْ كَتَلْ كُلَّ نَاسْ حَاصُورْ بِالْسَّيْف وَ دَمَّرَاهُمْ لَحَدِّي مَا فَضَّلْ مِنْهُمْ مَخْلُوقْ حَيّ. وَ بَعَدْ دَا، حَرَّقْ الْمَدِينَةْ دِي.

يَشُوع 10:40

وَ بِمِثِلْ دَا، يَشُوعْ شَالْ كُلَّ الْبَلَدْ يَعْنِي جِبَالْهَا وَ جُنُوبْهَا وَ سَهَلِتْهَا وَ قِيزَانْهَا. هُو كَتَلْ مُلُوكْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ دَمَّرْ كُلَّ مَخْلُوقْ حَيّ مِثِلْ اللّٰهْ إِلٰـهْ بَنِي إِسْرَائِيلْ أَمَرَهْ بَيَّهْ.

يَشُوع 8:27

وَ بَنِي إِسْرَائِيلْ شَالَوْا غَنِيمَةْ هَنَا الْبَهَايِمْ وَ الْخُمَامْ مِنْ الْحِلَّةْ دِي حَسَبْ كَلَامْ اللّٰهْ الْقَالَهْ لِيَشُوعْ.

تَثْنِية 20:14

وَ لَاكِنْ الْعَوِينْ وَ الْعِيَالْ وَ الْبَهَايِمْ وَ أَيِّ شَيّءْ الْفِي الْمَدِينَةْ، أَكْسَبَوْه. وَ آكُلُوا مِنْ الْغَنِيمَةْ التِّشِيلُوهَا مِنْ عُدْوَانْكُو السَّلَّمَاهُمْ لَيْكُو اللّٰهْ إِلٰـهْكُو.

عَدد 31:9

بَنِي إِسْرَائِيلْ كَرَبَوْا عَوِينْ الْمِدْيَانِيِّينْ وَ عِيَالْهُمْ مَسَاجِينْ وَ نَهَبَوْا كُلَّ بَهَايِمْهُمْ وَ خُمَامْهُمْ وَ مَالْهُمْ.

تَثْنِية 20:16

وَ لَاكِنْ فِي الْمُدُنْ هَنَا الشُّعُوبْ الْاللّٰهْ إِلٰـهْكُو يَنْطِيهُمْ لَيْكُو وَرَثَةْ، دَوْل أَبَداً مَا تِخَلُّوا فَوْقهُمْ مَخْلُوقْ حَيّ.

يَشُوع 11:13

وَ لَاكِنْ كُلَّ الْمُدُنْ الْقَاعِدِينْ فِي الْجِبَالْ، بَنِي إِسْرَائِيلْ مَا حَرَّقَوْهُمْ. إِلَّا مَدِينَةْ حَاصُورْ بَسْ يَشُوعْ حَرَّقَاهَا.

يَشُوع 11:15

وَ دَا مِثِلْ اللّٰهْ قَالَهْ لِعَبْدَهْ مُوسَى وَ مُوسَى كَمَانْ أَمَرْ بَيَّهْ يَشُوعْ وَ دَا بَسْ الشَّيّءْ السَّوَّاهْ يَشُوعْ. هُو طَبَّقْ كُلَّ كَلَامْ الْاللّٰهْ أَمَرْ بَيَّهْ مُوسَى.

يَشُوع 8:2

وَ إِنْتَ تِسَوِّي فِي حِلَّةْ عَايْ وَ مَلِكْهَا مِثِلْ سَوَّيْت فِي أَرِيحَا وَ مَلِكْهَا. وَ لَاكِنْ هَسَّعْ تَقْدَرَوْا تِشِيلُوا غَنِيمَةْ هَنَا الْخُمَامْ وَ الْبَهَايِمْ. وَ أَرْبُطْ كَمِينْ وَرَاءْ الْحِلَّةْ.»

2 أخبار 20:25

وَ وَكِتْ يَهُوشَفَطْ وَ نَاسَهْ دَلَّوْا لِيِشِيلُوا غَنِيمَةْ، لِقَوْا خُمَامْ كَتِيرْ مَرَّةْ وَاحِدْ. لِقَوْا بَهَايِمْ وَ لُبَاسْ وَ مُعِدَّاتْ غَالِيِّينْ. خَمَّوْا خُمَامْ كَتِيرْ لَحَدِّي مَا قِدْرَوْا يِشِيلُوهْ. وَ مِنْ الْكَتَرَةْ، هُمَّنْ قَاعِدِينْ يَنْقُلُوا الْخُمَامْ دَا لَحَدِّي تَلَاتَةْ يَوْم.