يَشُوع 10:40 - الكتاب المقدس بالعربي الدارجي هنا تشاد

⁴⁰ وَ بِمِثِلْ دَا، يَشُوعْ شَالْ كُلَّ الْبَلَدْ يَعْنِي جِبَالْهَا وَ جُنُوبْهَا وَ سَهَلِتْهَا وَ قِيزَانْهَا. هُو كَتَلْ مُلُوكْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ دَمَّرْ كُلَّ مَخْلُوقْ حَيّ مِثِلْ اللّٰهْ إِلٰـهْ بَنِي إِسْرَائِيلْ أَمَرَهْ بَيَّهْ.

يَشُوع 10:40 Referenca të Kryqëzuara

زَبُور 9:17

خَلِّي الْعَاصِيِينْ يِقَبُّلُوا فِي الْهَاوِيَةْ! أَيْوَى، كُلَّ الْأُمَمْ النِّسَوْا الرَّبّ.

1 مُلوك 15:29

وَ مِنْ هُو بِقِي مَلِكْ، دَمَّرْ كُلَّ عَايِلَةْ يَرُبَعَامْ. مَا خَلَّى نَادُمْ وَاحِدْ كُلَ مِنْ عَايِلْتَهْ. وَ دَا بِقِي مِثِلْ كَلَامْ اللّٰهْ الْقَالَهْ بِوَاسِطَةْ عَبْدَهْ أَخِيَّا الْمِنْ حِلَّةْ شِيلَوْه.

يَشُوع 10:37

وَ هُمَّنْ شَالَوْهَا وَ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا وَ نَاسْ الْحِلَّالْ التَّابْعِينْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فَوْقهَا مِثِلْ سَوَّى فِي عَقْلُونْ. دَمَّرْ كُلَّ نَاسْهَا.

يَشُوع 10:35

وَ فِي الْيَوْم دَا، هُمَّنْ شَالَوْهَا بِالْسَّيْف وَ دَمَّرَوْا كُلَّ نَاسْهَا. وَ يَشُوعْ سَوَّى فَوْقهَا مِثِلْ سَوَّى فِي لَكِيشْ.

يَشُوع 9:24

وَ هُمَّنْ رَدَّوْا لَيَّهْ وَ قَالَوْا: «أَنِحْنَ عَبِيدَكْ. سِمِعْنَا كَدَرْ اللّٰهْ إِلٰـهْكُو أَمَرْ عَبْدَهْ مُوسَى يَنْطِيكُو الْبَلَدْ دِي وَ يَكْتُلْ سُكَّانْهَا قِدَّامْكُو. وَ أَنِحْنَ خُفْنَا زِيَادَةْ مِنْكُو وَ أَشَانْ دَا بَسْ، سَوَّيْنَا الشَّيّءْ دَا.

يَشُوع 8:27

وَ بَنِي إِسْرَائِيلْ شَالَوْا غَنِيمَةْ هَنَا الْبَهَايِمْ وَ الْخُمَامْ مِنْ الْحِلَّةْ دِي حَسَبْ كَلَامْ اللّٰهْ الْقَالَهْ لِيَشُوعْ.

يَشُوع 8:2

وَ إِنْتَ تِسَوِّي فِي حِلَّةْ عَايْ وَ مَلِكْهَا مِثِلْ سَوَّيْت فِي أَرِيحَا وَ مَلِكْهَا. وَ لَاكِنْ هَسَّعْ تَقْدَرَوْا تِشِيلُوا غَنِيمَةْ هَنَا الْخُمَامْ وَ الْبَهَايِمْ. وَ أَرْبُطْ كَمِينْ وَرَاءْ الْحِلَّةْ.»

يَشُوع 6:17

دَمُّرُوا الْحِلَّةْ وَ كُلَّ الْخُمَامْ الْحَرَامْ. دَمُّرُوهَا أَشَانْ هِي هِنْت اللّٰهْ. وَ إِلَّا رَاحَابْ الشَّرْمُوطَةْ وَ كُلَّ النَّاسْ الْمَعَاهَا فِي بَيْتهَا، مَا تَكْتُلُوهُمْ أَشَانْ هِي لَبَّدَتْ النَّاسْ الرَّسَّلْنَاهُمْ يُرُوغُوا الْبَلَدْ.

تَثْنِية 7:24

وَ يِسَلِّمْ لَيْكُو مُلُوكْهُمْ وَ إِنْتُو تُقُشُّوهُمْ مِنْ تِحِتْ السَّمَاءْ وَ وَاحِدْ مِنْهُمْ مَا يَقْدَرْ يَقِيفْ قِدَّامْكُو لَحَدِّي تِكَمُّلُوهُمْ كُلُّهُمْ.

يَشُوع 18:21

وَ الْمُدُنْ هَنَا قَبِيلَةْ بَنْيَامِينْ حَسَبْ خُشُومْ بُيُوتْهُمْ هُمَّنْ أَرِيحَا وَ بَيْت حُقْلَةْ وَ عِمَقْ قَصِيصْ

يَشُوع 12:8

وَ دَوْل الْجِبَالْ وَ سَهَلَةْ شَفِيلَةْ وَ وَادِي الْأُرْدُنْ وَ الْقِيزَانْ وَ الصَّحَرَاء وَ صَحَرَاء نَقَبْ. وَ دَوْل بُلْدَانْ الْحِتِّيِّينْ وَ الْأَمُورِيِّينْ وَ الْكَنْعَانِيِّينْ وَ الْفِرِزِّيِّينْ وَ الْحِوِّيِّينْ وَ الْيَبُوسِيِّينْ.

تَثْنِية 1:7

قُمُّوا سِيرُوا بَتَّانْ وَ أَمْشُوا لِجِبَالْ الْأَمُورِيِّينْ وَ لِكُلَّ النَّاسْ الْحَوَالَيْهُمْ فِي الْعَرَبَةْ وَ بَلَدْ الْجِبَالْ وَ السَّهَلَةْ وَ صَحَرَاء نَقَبْ وَ خَشُمْ الْبَحَرْ الْأَبْيَضْ وَ بَلَدْ الْكَنْعَانِيِّينْ وَ لُبْنَانْ وَ لَحَدِّي الْفُرَاتْ الْبَحَرْ الْكَبِيرْ.

خُروج 34:12

«أَنْقَرْعُوا مَا تِسَوُّوا عَلَاقَةْ مَعَ سُكَّانْ الْبَلَدْ الْإِنْتُو مَاشِينْ لَيْهَا أَشَانْ هُمَّنْ مَا يَبْقَوْا لَيْكُو شَرَكْ.

يَشُوع 10:39

وَ هُمَّنْ شَالَوْهَا وَ كُلَّ الْحِلَّالْ التَّابْعِينْهَا وَ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي دَبِيرْ وَ مَلِكْهَا مِثِلْ سَوَّى فِي حِبْرُونْ وَ مِثِلْ سَوَّى فِي لِبْنَةْ وَ مَلِكْهَا.

يَشُوع 11:16

وَ بِمِثِلْ دَا، يَشُوعْ شَالْ كُلَّ الْبَلَدْ دِي يَعْنِي جِبَالْهَا وَ صَحَرَاء نَقَبْ وَ كُلَّ تُرَابْ قَوْشَنْ وَ سَهَلَةْ شَفِيلَةْ وَ وَادِي الْأُرْدُنْ وَ جِبَالْ إِسْرَائِيلْ وَ سَهَلَةْ هَنَا خَشُمْ الْبَحَرْ.

عَدد 13:17

وَ مُوسَى رَسَّلَاهُمْ لِيُرُوغُوا بَلَدْ كَنْعَانْ وَ قَالْ لَيْهُمْ: «أَمُرْقُوا مِنْ هِنِي. عَدُّوا بِصَحَرَاء النَّقَبْ وَ أَمْشُوا قِدَّامْ عَلَيْ الْجِبَالْ.

تَثْنِية 2:34

وَ فِي الْوَكِتْ دَاكْ، أَنِحْنَ شِلْنَا كُلَّ مُدُنَهْ. وَ دَمَّرْنَا الرُّجَالْ وَ الْعَوِينْ وَ الْعِيَالْ لَحَدِّي وَاحِدْ مِنْهُمْ كُلَ مَا فَضَّلْ حَيّ.

نَحَمْيا 9:24

وَ ذُرِّيِّتْهُمْ دَخَلَوْا فِي بَلَدْ كَنْعَانْ وَ شَالَوْهَا. وَ إِنْتَ هَزَمْت الْكَنْعَانِيِّينْ سِيَادْ الْبَلَدْ وَ مُلُوكْهُمْ وَ سَلَّمْتُهُمْ لِبَنِي إِسْرَائِيلْ أَشَانْ يِسَوُّوا فَوْقهُمْ مِثِلْ يِدَوْرُوهْ.