يَشُوع 10:37 - الكتاب المقدس بالعربي الدارجي هنا تشاد

³⁷ وَ هُمَّنْ شَالَوْهَا وَ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا وَ نَاسْ الْحِلَّالْ التَّابْعِينْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فَوْقهَا مِثِلْ سَوَّى فِي عَقْلُونْ. دَمَّرْ كُلَّ نَاسْهَا.

يَشُوع 10:37 Referenca të Kryqëzuara

يَشُوع 10:36

وَ مِنْ عَقْلُونْ، يَشُوعْ وَ كُلَّ بَنِي إِسْرَائِيلْ مَشَوْا حِلَّةْ حِبْرُونْ وَ حَارَبَوْهَا.

يَشُوع 10:38

وَ بَعَدْ دَا، يَشُوعْ وَ كُلَّ بَنِي إِسْرَائِيلْ قَبَّلَوْا فِي حِلَّةْ دَبِيرْ وَ حَارَبَوْهَا.

خُروج 17:13

وَ بِضَرْب السَّيْف، يَشُوعْ أَنَّصَرْ نَصُرْ كَامِلْ فِي عَسْكَرْ الْعَمَالِقْ.

يَشُوع 10:28

وَ فِي الْيَوْم دَا، يَشُوعْ شَالْ حِلَّةْ مَقِيدَةْ وَ كَتَلْ مَلِكْهَا بِالْسَّيْف وَ دَمَّرْ كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ مَقِيدَةْ مِثِلْ سَوَّى فِي مَلِكْ أَرِيحَا.

يَشُوع 10:35

وَ فِي الْيَوْم دَا، هُمَّنْ شَالَوْهَا بِالْسَّيْف وَ دَمَّرَوْا كُلَّ نَاسْهَا. وَ يَشُوعْ سَوَّى فَوْقهَا مِثِلْ سَوَّى فِي لَكِيشْ.

يَشُوع 10:39

وَ هُمَّنْ شَالَوْهَا وَ كُلَّ الْحِلَّالْ التَّابْعِينْهَا وَ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي دَبِيرْ وَ مَلِكْهَا مِثِلْ سَوَّى فِي حِبْرُونْ وَ مِثِلْ سَوَّى فِي لِبْنَةْ وَ مَلِكْهَا.

يَشُوع 10:40

وَ بِمِثِلْ دَا، يَشُوعْ شَالْ كُلَّ الْبَلَدْ يَعْنِي جِبَالْهَا وَ جُنُوبْهَا وَ سَهَلِتْهَا وَ قِيزَانْهَا. هُو كَتَلْ مُلُوكْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ دَمَّرْ كُلَّ مَخْلُوقْ حَيّ مِثِلْ اللّٰهْ إِلٰـهْ بَنِي إِسْرَائِيلْ أَمَرَهْ بَيَّهْ.

يَشُوع 11:12

وَ يَشُوعْ شَالْ كُلَّ الْمُدُنْ دَوْل وَ كَتَلْ مُلُوكْهُمْ بِالْسَّيْف. وَ هُو دَمَّرَاهُمْ مِثِلْ مُوسَى عَبْد اللّٰهْ أَمَرَهْ بَيَّهْ.