يَشُوع 10:30 - الكتاب المقدس بالعربي الدارجي هنا تشاد

³⁰ وَ لِبْنَةْ كُلَ اللّٰهْ سَلَّمَاهَا هِي وَ مَلِكْهَا فِي إِيدْ بَنِي إِسْرَائِيلْ وَ هُمَّنْ كَتَلَوْا مَلِكْهَا بِالْسَّيْف وَ دَمَّرَوْا كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ لِبْنَةْ مِثِلْ سَوَّى فِي مَلِكْ أَرِيحَا.

يَشُوع 10:30 Referenca të Kryqëzuara

يَشُوع 10:29

وَ مِنْ مَقِيدَةْ، يَشُوعْ وَ كُلَّ بَنِي إِسْرَائِيلْ مَشَوْا حِلَّةْ لِبْنَةْ وَ حَارَبَوْهَا.

يَشُوع 10:31

وَ مِنْ لِبْنَةْ، يَشُوعْ وَ كُلَّ بَنِي إِسْرَائِيلْ مَشَوْا حَاصَرَوْا حِلَّةْ لَكِيشْ وَ حَارَبَوْهَا.

عَدد 32:22

وَ خَلِّي رُجَالْكُو مَا يِقَبُّلُوا لَحَدِّي الْأَرْض تَبْقَى تِحِتْ مَسْؤُولِيَّةْ اللّٰهْ. وَ مِثِلْ دَا، وَ لَا اللّٰهْ وَ لَا بَنِي إِسْرَائِيلْ كُلَ يَجْعَلَوْكُو بَرِيِّينْ وَ خَلَاصْ الْأَرْض الْإِنْتُو قَاعِدِينْ فَوْقهَا، اللّٰهْ يَرْضَى هِي تَبْقَى مِثِلْ وَرَثَتْكُو.

تَثْنِية 2:33

وَ اللّٰهْ إِلٰـهْنَا سَلَّمَهْ لَيْنَا وَ أَنِحْنَ أَنَّصَرْنَا فَوْقَهْ هُو وَ عِيَالَهْ وَ كُلَّ شَعَبَهْ.

تَثْنِية 7:2

وَ وَكِتْ اللّٰهْ إِلٰـهْكُو يَنْصُرْكُو فَوْقهُمْ وَ يِسَلِّمْهُمْ لَيْكُو فِي إِيدَيْكُو، وَاجِبْ تِدَمُّرُوهُمْ مَرَّةْ وَاحِدْ وَ أَبَداً مَا تِسَوُّوا مَعَاهُمْ عَلَاقَةْ وَ لَا تَرْحَمَوْهُمْ.

يَشُوع 8:24

وَ بَعَدْ بَنِي إِسْرَائِيلْ كَتَلَوْا بِالْسَّيْف كُلَّ سُكَّانْ حِلَّةْ عَايْ فِي الْكَدَادَةْ وَ فِي الصَّحَرَاء وَ فِي أَيِّ بَكَانْ الطَّرَدَوْهُمْ فَوْقَهْ، هُمَّنْ قَبَّلَوْا فِي الْحِلَّةْ وَ كَتَلَوْا كُلَّ نَاسْهَا بِالْسَّيْف.

يَشُوع 8:29

وَ يَشُوعْ شَنَقْ مَلِكْ حِلَّةْ عَايْ فِي شَدَرَةْ وَ خَلَّاهْ مُعَلَّقْ فَوْقهَا لَحَدِّي الْعَشِيَّةْ. وَ وَكِتْ الْحَرَّايْ وَقَعَتْ، يَشُوعْ أَمَرْ يِدَلُّوا جَنَازْتَهْ. وَ وَكِتْ دَلَّوْهَا، زَقَلَوْهَا فِي خَشُمْ بَابْ الْحِلَّةْ وَ سَوَّوْا فَوْقهَا كَوْم كَبِيرْ هَنَا حُجَارْ الْقَاعِدْ لَحَدِّي الْيَوْم.

يَشُوع 9:3

وَ سُكَّانْ قِبْعُونْ مِنْ حِوِّيِّينْ سِمْعَوْا بِالشَّيّءْ السَّوَّاهْ يَشُوعْ فِي حِلَّالْ أَرِيحَا وَ حِلَّةْ عَايْ.

يَشُوع 10:28

وَ فِي الْيَوْم دَا، يَشُوعْ شَالْ حِلَّةْ مَقِيدَةْ وَ كَتَلْ مَلِكْهَا بِالْسَّيْف وَ دَمَّرْ كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ مَقِيدَةْ مِثِلْ سَوَّى فِي مَلِكْ أَرِيحَا.

يَشُوع 11:12

وَ يَشُوعْ شَالْ كُلَّ الْمُدُنْ دَوْل وَ كَتَلْ مُلُوكْهُمْ بِالْسَّيْف. وَ هُو دَمَّرَاهُمْ مِثِلْ مُوسَى عَبْد اللّٰهْ أَمَرَهْ بَيَّهْ.

يَشُوع 12:15

وَ مَلِكْ لِبْنَةْ وَ مَلِكْ عَدُلَّامْ

2 مُلوك 10:11

وَ يَاهُو كَتَلْ كُلَّ النَّاسْ الْفَضَّلَوْا مِنْ عَايِلَةْ أَخَابْ الْقَاعِدِينْ فِي يَزْرَعِيلْ. وَ كَتَلْ كُلَّ كُبَارَاتَهْ وَ رُفْقَانَهْ وَ رُجَالْ الدِّينْ الْيَخْدُمُوا لَيَّهْ. وَ نَادُمْ وَاحِدْ كُلَ مِنْهُمْ مَا فَضَّلْ.