يَشُوع 10:16 - الكتاب المقدس بالعربي الدارجي هنا تشاد

¹⁶ وَ الْمُلُوكْ الْخَمْسَةْ الْعَرَّدَوْا مَشَوْا أَلَّبَّدَوْا فِي كَرْكُورْ مَقِيدَةْ.

يَشُوع 10:16 Referenca të Kryqëzuara

رُؤية 6:15

وَ فِي الْبَكَانْ دَا، مُلُوكْ الْأَرْض وَ كُبَارَاتْ النَّاسْ وَ كُبَارَاتْ الْعَسْكَرْ وَ سِيَادْ الْمَالْ وَ سِيَادْ الْقُدْرَةْ وَ كُلَّ النَّاسْ مِنْ الْعَبِيدْ وَ الْحُرِّينْ، كُلُّهُمْ قَمَّوْا أَلَّبَّدَوْا فِي الْكَرَاكِيرْ وَ فِي أُسْط الْحُجَارْ.

مِيخا 7:17

هُمَّنْ يَلْحَسَوْا الْعَجَاجْ مِثِلْ الدَّبِيبْ وَ مِثِلْ كُلَّ زَوَاحِفْ الْأَرْض. يَرْجُفُوا وَكِتْ يَمُرْقُوا مِنْ مَلْجَئْهُمْ وَ يَجُوا لَيْك إِنْتَ اللّٰهْ إِلٰـهْنَا. يِبَرْجُلُوا وَ يَخَافَوْا مِنَّكْ.

عَمُوس 9:2

وَ كَنْ دَخَلَوْا فِي الْقَبُرْ كُلَ، نِمَرِّقْهُمْ وَ كَنْ طَلَعَوْا فِي السَّمَاءْ كُلَ، نِنَزِّلْهُمْ.

1 صَمُوِيل 24:8

وَ بَعَدْ دَا، دَاوُدْ كُلَ مَرَقْ وَرَايَهْ مِنْ الْكَرْكُورْ وَ نَادَاهْ وَ قَالْ: «يَا سِيدِي الْمَلِكْ!» وَ شَاوُولْ شَقْلَبْ وَ شَافْ وَرَايَهْ. وَ دَاوُدْ دَنْقَرْ فِي الْأَرْض وَ سَجَدْ.

1 صَمُوِيل 24:3

وَ وَكِتْ وَصَّلَوْا فِي زَرَايِبْ الْغَنَمْ الْقَرِيبْ لِلدَّرِبْ، شَاوُولْ شَافْ كَرْكُورْ وَ دَخَلْ فَوْقَهْ وَ قَنْقَسْ لِيِسْتَرِيحْ. وَ دَاوُدْ وَ نَاسَهْ كَمَانْ قَاعِدِينْ فِي لُبّ الْكَرْكُورْ دَا.

1 صَمُوِيل 13:6

وَ وَكِتْ رُجَالْ بَنِي إِسْرَائِيلْ شَافَوْا كَدَرْ عَدُوهُمْ جَاءْ لَيْهُمْ قَرِيبْ، هُمَّنْ بَرْجَلَوْا وَ جَرَوْا أَلَّبَّدَوْا فِي الْكَرَاكِيرْ وَ النُّقَارْ وَ الْحُجَارْ وَ الْغَابَةْ وَ الْبِيَارْ.

قُضياء 6:2

وَ حُكُمْ مِدْيَانْ بِقِي شَدِيدْ فِي بَنِي إِسْرَائِيلْ وَ بِسَبَبْ دَا، بَنِي إِسْرَائِيلْ سَوَّوْا بَكَانَاتْ هَنَا مَلْجَأْ فِي كَرَاكِيرْ الْجِبَالْ وَ فِي وَعَرْ الْحَجَرْ.

يَشُوع 10:5

وَ الْمُلُوكْ الْخَمْسَةْ هَنَا الْأَمُورِيِّينْ دَوْل وَ كُلَّ دُيُوشْهُمْ مَشَوْا هَجَمَوْا قِبْعُونْ وَ حَارَبَوْهَا. وَ هُمَّنْ مَلِكْ أُورُشَلِيمْ وَ مَلِكْ حِبْرُونْ وَ مَلِكْ يَرْمُوتْ وَ مَلِكْ لَكِيشْ وَ مَلِكْ عَقْلُونْ.

يَشُوع 10:15

وَ يَشُوعْ وَ كُلَّ بَنِي إِسْرَائِيلْ قَبَّلَوْا فِي الْفَرِيقْ فِي قِلْقَالْ.

يَشُوع 10:17

وَ نَاسْ جَوْا قَالَوْا لِيَشُوعْ: «الْمُلُوكْ الْخَمْسَةْ أَنْلَقَوْا مُلَّبِّدِينْ فِي كَرْكُورْ حَجَرْ مَقِيدَةْ.»

زَبُور 68:12

الْمُلُوكْ وَ الْعَسْكَرْ جَرَوْا وَ عَرَّدَوْا وَ الْعَوِينْ الْفَضَّلَنْ فِي الْبُيُوتْ يِلْقَاسَمَنْ الْغَنِيمَةْ.

زَبُور 68:13

حَتَّى إِنْتُو الرَّاقْدِينْ فِي الزَّرَايِبْ كُلَ، وَاجِبْ تَلْقَوْا كَنْز مِثِلْ جَنَاحَيْ حَمَامْ مُغَطَّيِينْ بِفُضَّةْ الرِّيشْهَا أَصْفَرْ مِثِلْ دَهَبْ.