يَشُوع 10:10 - الكتاب المقدس بالعربي الدارجي هنا تشاد

¹⁰ وَ اللّٰهْ هَزَمَاهُمْ هَزِيمَةْ كَبِيرَةْ قِدَّامْ بَنِي إِسْرَائِيلْ فِي قِبْعُونْ. وَ طَرَدَوْهُمْ عَلَيْ قِيزَانْ بَيْت حُرُونْ وَ كَتَلَوْهُمْ لَحَدِّي حِلَّالْ عَزِيقَةْ وَ مَقِيدَةْ.

يَشُوع 10:10 Referenca të Kryqëzuara

زَبُور 18:14

هُو زَرَّقْ نَشَاشِيبَهْ لِعُدْوَانِي وَ شَتَّتَاهُمْ بِكَتَرَةْ الْبَرْق الشَّدِيدْ وَ هَزَمَاهُمْ.

يَشُوع 16:5

وَ دَاهُو حُدُودْ الْأَرْض هَنَا قَبِيلَةْ أَفْرَايِمْ حَسَبْ خُشُومْ بُيُوتْهُمْ. مِنْ عَطَرُوتْ أَدَّارْ فِي الصَّبَاحْ، حُدُودْ وَرَثَتْهُمْ يِعَدُّوا بِبَيْت حُرُونْ الْفَوْق

يَشُوع 16:3

وَ يَمْشُوا عَلَيْ حُدُودْ الْيَفْلِطِيِّينْ فِي الْغَرِبْ وَ لَحَدِّي حُدُودْ بَيْت حُرُونْ التِّحِتْ وَ لَحَدِّي قَازَرْ وَ لَحَدِّي خَشُمْ الْبَحَرْ الْأَبْيَضْ.

إشَعْيا 28:21

بِأَكِيدْ، اللّٰهْ يُقُمّ مِثِلْ قَمَّ فِي جَبَلْ فَرَاصِيمْ وَ يَغْضَبْ مِثِلْ غِضِبْ فِي وَادِي قِبْعُونْ. وَ دَا لِيِسَوِّي خِدِمْتَهْ وَ هِي خِدِمْتَهْ الْعَجِيبَةْ وَ يِحَقِّقْ عَمَلَهْ وَ هُو عَمَلَهْ الْغَرِيبْ.

قُضياء 4:15

وَ اللّٰهْ هَزَمْ سِيسْرَا بِعَرَبَاتَهْ وَ عَسْكَرَهْ قِدَّامْ بَارَاقْ وَ دَيْشَهْ. وَ سِيسْرَا أَدَّلَّ مِنْ عَرَبَتَهْ وَ عَرَّدْ بِرِجِلَيْنَهْ.

يَشُوع 15:35

وَ يَرْمُوتْ وَ عَدُلَّامْ وَ سُوكُو وَ عَزِيقَةْ

يَشُوع 10:11

وَ وَكِتْ هُمَّنْ مُعَرِّدِينْ قِدَّامْ بَنِي إِسْرَائِيلْ وَ وَصَّلَوْا فِي الدِّلَّيَّةْ هَنَا بَيْت حُرُونْ، اللّٰهْ رَسَّلْ فَوْقهُمْ بَرَدْ كُبَارْ مِنْ السَّمَاءْ وَ مَاتَوْا. وَ الْبَرَدْ الْكُبَارْ دَا ضَرَبَاهُمْ فِي دَرِبْهُمْ لَحَدِّي عَزِيقَةْ وَ كَتَلْ نَاسْ زِيَادَةْ مِنْ النَّاسْ الْكَتَلَوْهُمْ بَنِي إِسْرَائِيلْ بِالْسَّيْف.

إرْمِيا 34:7

وَ فِي الْوَكِتْ دَاكْ، عَسْكَرْ مَلِكْ بَابِلْ قَاعِدِينْ يِحَارُبُوا ضِدّ مَدِينَةْ الْقُدُسْ وَ ضِدّ لَكِيشْ وَ عَزِيقَةْ أَشَانْ دَوْل بَسْ الْمُدُنْ الْقَوِيِّينْ الْفَضَّلَوْا مِنْ حِلَّالْ بَلَدْ يَهُوذَا.

زَبُور 78:55

هُو طَرَدْ أُمَمْ قِدَّامْهُمْ وَ كَالْ الْأَرْض بِحُبَالْ وَ قَسَّمَاهَا لَيْهُمْ وَرَثَةْ وَ سَكَّنْ قَبَايِلْ بَنِي إِسْرَائِيلْ فِي بُيُوتْهُمْ.

زَبُور 44:3

أَشَانْ مَا بِسِلَاحْهُمْ، هُمَّنْ وَرَثَوْا الْبَلَدْ وَ مَا بِقُدْرِتْهُمْ، أَنَّصَرَوْا. لَاكِنْ بِزَيْنَايْتَكْ إِنْتَ وَ بِدُرَاعَكْ إِنْتَ وَ بِنُورْ وِجْهَكْ أَشَانْ إِنْتَ رِضِيتْ بَيْهُمْ.

2 أخبار 14:12

وَ اللّٰهْ حَارَبْ الْحَبَشِيِّينْ وَ هُمَّنْ عَرَّدَوْا قِدَّامْ آسَا وَ عَسْكَرْ مَمْلَكَةْ يَهُوذَا.

1 صَمُوِيل 13:18

وَ الْمَجْمُوعَةْ التَّانِيَةْ مَشَتْ عَلَيْ دَرِبْ بَيْت حُرُونْ. وَ الْمَجْمُوعَةْ التَّالْتَةْ كَمَانْ شَالَتْ دَرِبْ الْمَاشِي لِلْحُدُودْ عَلَيْ وَادِي الْمَرَافْعِينْ فِي الصَّحَرَاء.

يَشُوع 21:22

وَ قِبْصِيمْ بِبَكَانَاتْهَا هَنَا السَّرْحَةْ وَ بَيْت حُرُونْ بِبَكَانَاتْهَا هَنَا السَّرْحَةْ. وَ بِالْجُمْلَةْ 4 مُدُنْ.

يَشُوع 15:41

وَ قَدِيرُوتْ وَ بَيْت دَقُون وَ نَعْمَةْ وَ مَقِيدَةْ. وَ بِالْجُمْلَةْ 16 مَدِينَةْ وَ حِلَّالْهُمْ التَّابْعِينْ لَيْهُمْ.

يَشُوع 12:16

وَ مَلِكْ مَقِيدَةْ وَ مَلِكْ بَيْت إِيلْ

يَشُوع 11:8

وَ اللّٰهْ سَلَّمَاهُمْ لِبَنِي إِسْرَائِيلْ. وَ هُمَّنْ هَجَمَوْهُمْ وَ طَارَدَوْهُمْ لَحَدِّي صَيْدَا الْكَبِيرَةْ وَ لَحَدِّي مِسْرَفْوتْ مَايِمْ وَ لَحَدِّي وَادِي مِصْفَةْ عَلَيْ الصَّبَاحْ. وَ هُمَّنْ كَتَلَوْهُمْ لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ.

يَشُوع 10:28

وَ فِي الْيَوْم دَا، يَشُوعْ شَالْ حِلَّةْ مَقِيدَةْ وَ كَتَلْ مَلِكْهَا بِالْسَّيْف وَ دَمَّرْ كُلَّ نَاسْهَا لَحَدِّي نَادُمْ وَاحِدْ مِنْهُمْ كُلَ مَا فَضَّلْ حَيّ. وَ يَشُوعْ سَوَّى فِي مَلِكْ مَقِيدَةْ مِثِلْ سَوَّى فِي مَلِكْ أَرِيحَا.

تَثْنِية 7:23

وَ اللّٰهْ إِلٰـهْكُو يِسَلِّمْ لَيْكُو الشَّعَبْ دَا فِي إِيدْكُو وَ يِبَرْجِلْهُمْ مَرَّةْ وَاحِدْ لَحَدِّي يِدَّمَّرَوْا.

يَشُوع 10:9

وَ يَشُوعْ قَمَّ مِنْ قِلْقَالْ وَ رَاغْ طُولْ اللَّيْل وَ بِغَفْلَةْ جَاءْ لِمَلِكْ الْأَمُورِيِّينْ.

1 صَمُوِيل 17:1

وَ يَوْم وَاحِدْ، الْفِلِسْطِيِّينْ لَمَّوْا دَيْشهُمْ لِلْحَرِبْ فِي حِلَّةْ سُوكُو الْقَاعِدَةْ فِي بَلَدْ يَهُوذَا وَ قَعَدَوْا بَيْن سُوكُو وَ حِلَّةْ عَزِيقَةْ، فِي حِلَّةْ أَفَسْ دَمِّيمْ.

2 صَمُوِيل 22:15

هُو زَرَّقْ نَشَاشِيبْ لِعُدْوَانِي وَ شَتَّتَاهُمْ بِبَرَّاقَةْ الشَّدِيدَةْ وَ هَزَمَاهُمْ.

1 مُلوك 9:17

وَ بِمِثِلْ دَا، سُلَيْمَانْ بَنَاهَا بَتَّانْ لِحِلَّةْ قَازَرْ. وَ بَنَى كُلَ حِلَّالْ بَيْت حُرُونْ التِّحِتْ

زَبُور 68:14

وَ وَكِتْ اللّٰهْ الْقَادِرْ شَتَّتْ الْمُلُوكْ، دَا بِقِي مِثِلْ التَّلَجْ النَّازِلْ فِي جَبَلْ سَلْمُونْ.

قُضياء 4:16

وَ بَارَاقْ تَابَعْ الْعَرَبَاتْ وَ الْعَسْكَرْ لَحَدِّي حَرُوشَةْ قُويِمْ. وَ كُلَّ عَسْكَرْ سِيسْرَا كَتَلَوْهُمْ بِالْسَّيْف وَ وَاحِدْ كُلَ مِنْهُمْ مَا فَضَّلْ.

قُضياء 5:20

وَ مِنْ السَّمَاءْ، النُّجُومْ شَارَكَوْا فِي الْحَرِبْ وَ مِنْ بَكَانْهُمْ الْبَعِيدْ، حَارَبَوْا سِيسْرَا.

2 أخبار 25:13

وَ فِي الْوَكِتْ دَا، الْعَسْكَرْ الْأَمَصْيَا طَرَدَاهُمْ أَشَانْ مَا يِحَارُبُوا مَعَايَهْ دَا قَمَّوْا هَجَمَوْا حِلَّالْ بَلَدْ يَهُوذَا مِنْ السَّامِرَةْ لَحَدِّي بَيْت حُرُونْ. وَ كَتَلَوْا 3 000 نَاسْ وَ شَالَوْا غَنِيمَةْ كَتِيرَةْ.

إشَعْيا 30:30

وَ اللّٰهْ يِسَمِّعْ حِسَّهْ الْمَجِيدْ وَ يِوَصِّفْ دُرَاعَهْ الْمَرْفُوعْ بِشِدَّةْ زَعَلَهْ وَ أَمْ بَلْبَالَةْ التَّحْرِقْ وَ مَطَرْ شَدِيدْ وَ بَرَدْ.

زَكَرِيَّا 14:3

وَ بَعَدْ دَا، اللّٰهْ يُقُمّ وَ يِحَارِبْ الْأُمَمْ دَوْل مِثِلْ هُو حَارَبْ فِي أَيَّامْ الْحَرِبْ الْفَاتَوْا.