يَشُوع 1:8 - الكتاب المقدس بالعربي الدارجي هنا تشاد

⁸ وَ كِتَابْ التَّوْرَاةْ هَنَا مُوسَى دَا، مَا تِبَعِّدَهْ مِنَّكْ. أَقْرِيهْ فَجُرْ وَ عَشِيَّةْ أَشَانْ تِسَوِّي أَيِّ شَيّءْ حَسَبْ الْكَلَامْ الْمَكْتُوبْ فَوْقَهْ. وَ بَيْدَا، كُلَّ شَيّءْ التِّسَوِّيهْ يَبْقَى عَدِيلْ وَ تَنْجَحْ.

يَشُوع 1:8 Referenca të Kryqëzuara

زَبُور 119:15

أَنَا نِذَّكَّرْ فَرَايْضَكْ وَ نِرَاقِبْ دُرُوبَكْ.

زَبُور 19:14

خَلِّي كَلَامْ خَشْمِي وَ فِكِرْ قَلْبِي يُكُونُوا مَقْبُولِينْ قِدَّامَكْ، يَا اللّٰهْ! إِنْتَ مَلْجَئِي وَ إِنْتَ التَّفْدَانِي.

كُلُوسِي 3:16

خَلُّوا كَلَامْ الْمَسِيحْ يَسْكُنْ أَمْبَيْنَاتْكُو بِكُلَّ بَرَكَاتَهْ. عَلُّمُوا بَيَّهْ أَيِّ وَاحِدْ وَ أَشَّاجَعَوْا أَمْبَيْنَاتْكُو بِكُلَّ حِكْمَةْ. غَنُّوا لِلّٰهْ بِكُلَّ قُلُوبْكُو بِغِنَيْ وَ أَنَاشِيدْ وَ شُكُرْ مِنْ الرُّوحْ الْقُدُّوسْ.

أمْثال 3:1

يَا وِلَيْدِي، مَا تَنْسَى تَعْلِيمِي وَ فِي قَلْبَكْ أَحْفَضْ وَصِيّتِي

تَثْنِية 29:9

وَ هَسَّعْ، أَحْفَضَوْا الْمُعَاهَدَةْ دِي وَ طَبُّقُوهَا أَشَانْ تَنْجَحَوْا فِي كُلَّ شَيّءْ التِّسَوُّوهْ.

يُوحَنَّا 14:21

أَيِّ نَادُمْ السِّمِعْ الْوَصَايَا الْأَنَا أَنْطَيْتهُمْ وَ قَاعِدْ يِتَابِعْهُمْ، دَا بَسْ النَّادُمْ الْيِحِبِّنِي. وَ كَنْ نَادُمْ يِحِبِّنِي، أَبُويِ اللّٰهْ يِحِبَّهْ وَ أَنَا كُلَ نِحِبَّهْ وَ نَجِي لَيَّهْ وَ نِبَيِّنْ نَفْسِي لَيَّهْ.»

لُوقا 11:28

لَاكِنْ عِيسَى قَالْ: «أَخَيْر تُقُولِي مَبْرُوكْ لِلنَّاسْ الْيَسْمَعَوْا كَلَامْ اللّٰهْ وَ يِتَابُعُوهْ.»

مَتَّى 7:24

«أَيِّ نَادُمْ الْيَسْمَعْ كَلَامِي دَا وَ يِتَابِعَهْ، يَبْقَى مِثِلْ رَاجِلْ عَاقِلْ الْبَنَى بَيْتَهْ فِي الْحَجَرْ.

زَبُور 119:11

فِي قَلْبِي حَفَضْت وَعَدَكْ أَشَانْ مَا نِسَوِّي ذَنِبْ ضِدَّكْ.

زَبُور 119:97

كَمْ مَرَّاتْ أَنَا حَبَّيْت تَوْرَاتَكْ وَ قَاعِدْ نِفَكِّرْ فَوْقَهْ كُلَّ يَوْم.

مَتَّى 7:21

«مَا كُلَّ النَّاسْ الْيِنَادُونِي: ‹يَا سَيِّدْنَا، يَا سَيِّدْنَا› يَدْخُلُوا فِي مَمْلَكَةْ اللّٰهْ، إِلَّا النَّاسْ الْيِسَوُّوا حَسَبْ الْأَبُويِ اللّٰهْ يِدَوْرَهْ يَدْخُلُوا.

يُوحَنَّا 13:17

وَ خَلَاصْ، تَعَرْفُوا الْكَلَامْ دَا وَ مَبْرُوكْ لَيْكُو كَنْ تِسَوُّوهْ.

يَشُوع 1:7

أَيْوَى، أَبْقَى شَدِيدْ وَ فَحَلْ بِزِيَادَةْ. وَ سَوِّي أَيِّ شَيّءْ حَسَبْ التَّوْرَاةْ الْأَمَرَكْ بَيَّهْ عَبْدِي مُوسَى. مَا تِبَارِي مِنَّهْ وَ لَا إِسْرَةْ وَ لَا زَيْنَةْ. وَ بَيْدَا، تَنْجَحْ فِي أَيِّ بَكَانْ التَّمْشِي فَوْقَهْ.

تَثْنِية 30:14

أَيْوَى، الْكَلَامْ دَا قَاعِدْ قَرِيبْ لَيْكُو فِي خُشُومْكُو وَ فِي قُلُوبْكُو أَشَانْ تِطَبُّقُوهْ.

تَثْنِية 5:29

وَ نِتْمَنَّى كُلَّ يَوْم هُمَّنْ يَخَافَوْا مِنِّي وَ يِطَبُّقُوا كُلَّ وَصِيَّاتِي. وَ دَا لِيَلْقَوْا الْخَيْر، هُمَّنْ وَ عِيَالْهُمْ إِلَى الْأَبَدْ.

زَبُور 119:99

أَنَا بِقِيتْ عَالِمْ مِنْ سَادَاتِي أَشَانْ وَصِيَّاتَكْ بَسْ النِّفَكِّرْ فَوْقهُمْ.

إشَعْيا 59:21

وَ اللّٰهْ قَالْ: «كَنْ لَيِّ أَنَا، دِي مُعَاهَدَتِي مَعَاهُمْ. رُوحِي قَاعِدْ فَوْقَكْ وَ خَطَّيْت كَلَامِي فِي خَشْمَكْ. وَ أَبَداً مَا نِشِيلْهُمْ مِنْ خَشْمَكْ وَ لَا مِنْ خُشُومْ ذُرِّيّتَكْ وَ لَا مِنْ خُشُومْ ذُرِّيَّةْ ذُرِّيّتَكْ، مِنْ هَسَّعْ وَ إِلَى الْأَبَدْ.»

تَثْنِية 5:32

وَ مُوسَى قَالْ بَتَّانْ: خَلَاصْ أَحْفَضَوْا وَ سَوُّوا كُلَّ شَيّءْ مِثِلْ اللّٰهْ إِلٰـهْكُو أَمَرَاكُو بَيَّهْ. مَا تِكِسُّوا وَ لَا إِسْرَةْ وَ لَا زَيْنَةْ.

تَثْنِية 31:11

وَكِتْ كُلَّ بَنِي إِسْرَائِيلْ يَجُوا قِدَّامْ اللّٰهْ إِلٰـهْكُو فِي الْبَكَانْ الْهُو يَعَزِلَهْ، أَقْرُوا لَيْهُمْ الْوَصَايَا دَوْل أَشَانْ يَسْمَعَوْهُمْ.

أفَسُس 4:29

أَبَداً مَا تِحَجُّوا كَلَامْ شَيْن. وَاجِبْ تِحَجُّوا دَايْماً كَلَامْ سَمَحْ الْيِقَوِّي النَّاسْ وَ الْكَلَامْ الْمُوَافِقْ لَيْهُمْ أَشَانْ يَبْقَى بَرَكَةْ لِلنَّاسْ الْيَسْمَعَوْه.

مَتَّى 12:35

الْقَلِبْ هُو مِثِلْ مَخَزَنْ. وَ النَّادُمْ الْعَدِيلْ يُضُمّ كَلَامْ عَدِيلْ فِي قَلْبَهْ وَ الْكَلَامْ الْيَمْرُقْ مِنَّهْ كُلَ عَدِيلْ. وَ النَّادُمْ الْفَسِلْ يُضُمّ كَلَامْ فَسِلْ فِي قَلْبَهْ وَ الْكَلَامْ الْيَمْرُقْ مِنَّهْ كُلَ فَسِلْ.

زَبُور 40:10

أَنَا مَا لَبَّدْت عَدَالْتَكْ فِي دَاخَلْ قَلْبِي وَ لَاكِنْ حَجَّيْت بِصِدْقَكْ وَ نَجَاتَكْ. أَنَا مَا لَبَّدْت خَيْرَكْ وَ أَمَانَكْ لِمُجْتَمَعْ كَبِيرْ.

مَتَّى 28:20

وَ عَلُّمُوهُمْ أَشَانْ يِسَوُّوا كُلَّ شَيّءْ الْأَنَا وَصَّيْتكُو بَيَّهْ. وَ خَلَاصْ أَنَا قَاعِدْ مَعَاكُو كُلَّ يَوْم لَحَدِّي كُمَالَةْ الدُّنْيَا.»

رُؤية 22:14

وَ مَبْرُوكْ لِلنَّاسْ الْيِغَسُّلُوا خُلْقَانْهُمْ أَشَانْ كَنْ خُلْقَانْهُمْ نُضَافْ، عِنْدُهُمْ حَقّ يَاكُلُوا مِنْ عِيَالْ شَدَرَةْ الْحَيَاةْ وَ يَمْشُوا لِلْبِيبَانْ وَ يِنْدَسَّوْا فِي الْمَدِينَةْ.

تكوين 24:63

وَ بِعَشِيَّةْ، إِسْحَاقْ مَرَقْ رَايِغْ فِي الْخَلَاءْ وَ وَكِتْ رَفَعْ رَاسَهْ، شَافْ جُمَالْ جَايِينْ.

تَثْنِية 31:24

وَ وَكِتْ مُوسَى كَمَّلْ مِنْ كِتَابَةْ كُلَّ كَلَامْ الْوَصَايَا دَوْل فِي الْكِتَابْ،

يَشُوع 8:34

وَ بَعَدْ دَا، يَشُوعْ قَرَى بِحِسّ عَالِي كُلَّ كَلَامْ كِتَابْ التَّوْرَاةْ هَنَا مُوسَى هَنَا الْبَرَكَةْ وَ اللَّعَنَةْ حَسَبْ كُلَّ شَيّءْ الْمَكْتُوبْ فِي الْكِتَابْ دَا.

تَثْنِية 5:1

وَ مُوسَى نَادَى كُلَّ بَنِي إِسْرَائِيلْ وَ قَالْ لَيْهُمْ: أَسْمَعَوْا، يَا بَنِي إِسْرَائِيلْ، الشُّرُوطْ وَ الْقَوَانِينْ النِّأَوْرُوكُو بَيْهُمْ الْيَوْم. عَلُّمُوهُمْ وَ أَحْفَضَوْهُمْ وَ طَبُّقُوهُمْ.

تَثْنِية 29:8

وَ شِلْنَا بَلَدْهُمْ وَ قَسَّمْنَاهَا وَرَثَةْ لِقَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى.

2 أخبار 26:5

وَ هُو قَاعِدْ يِتَابِعْ الرَّبّ فِي كُلَّ مُدَّةْ حَيَاةْ زَكَرِيَّا الْقَاعِدْ يِعَلِّمَهْ مَخَافَةْ اللّٰهْ. وَ وَكِتْ عُزِّيَّا قَاعِدْ يِتَابِعْ اللّٰهْ، هُو أَنْطَاهْ النَّجَاحْ.