يَشُوع 1:4 - الكتاب المقدس بالعربي الدارجي هنا تشاد

⁴ وَ مِنْ الْوَطِي لِلْمُنْشَاقْ، أَرْضُكُو تَمْشِي مِنْ الصَّحَرَاء لِجِبَالْ لُبْنَانْ. وَ مِنْ الصَّبَاحْ لِلْغَرِبْ، تَمْشِي مِنْ بَحَرْ الْفُرَاتْ، الْبَحَرْ الْكَبِيرْ، لَحَدِّي الْبَحَرْ الْأَبْيَضْ وَ كُلَّ بَلَدْ الْحِتِّيِّينْ.

يَشُوع 1:4 Referenca të Kryqëzuara

خُروج 23:31

وَ نِسَوِّي حُدُودْكُو مِنْ الْبَحَرْ الْأَحْمَرْ لَحَدِّي الْبَحَرْ الْأَبْيَضْ وَ مِنْ الصَّحَرَاء لَحَدِّي بَحَرْ الْفُرَاتْ. نِدِسّ فِي إِيدَيْكُو سُكَّانْ الْبَلَدْ وَ تَطُرْدُوهُمْ قِدَّامْكُو.

تَثْنِية 11:24

وَ أَيِّ بَكَانْ الرِّجِلْكُو تَفْجَقَهْ يَبْقَى هَنَاكُو. وَ حُدُودْكُو يَبْقَوْا مِنْ الصَّحَرَاء فِي الْوَطِي لَحَدِّي لُبْنَانْ فِي الْمُنْشَاقْ وَ مِنْ بَحَرْ الْفُرَاتْ فِي الصَّبَاحْ لَحَدِّي الْبَحَرْ الْأَبْيَضْ فِي الْغَرِبْ.

تَثْنِية 3:25

يَا اللّٰهْ، نَشْحَدَكْ خَلِّينِي نَقْطَعْ غَرِبْ لِبَحَرْ الْأُرْدُنْ أَشَانْ نِشِيفْ الْبَلَدْ الْعَدِيلَةْ دِي وَ الْجِبَالْ السَّمْحِينْ وَ لُبْنَانْ.»

تَثْنِية 1:7

قُمُّوا سِيرُوا بَتَّانْ وَ أَمْشُوا لِجِبَالْ الْأَمُورِيِّينْ وَ لِكُلَّ النَّاسْ الْحَوَالَيْهُمْ فِي الْعَرَبَةْ وَ بَلَدْ الْجِبَالْ وَ السَّهَلَةْ وَ صَحَرَاء نَقَبْ وَ خَشُمْ الْبَحَرْ الْأَبْيَضْ وَ بَلَدْ الْكَنْعَانِيِّينْ وَ لُبْنَانْ وَ لَحَدِّي الْفُرَاتْ الْبَحَرْ الْكَبِيرْ.

1 أخبار 18:3

وَ دَاوُدْ أَنَّصَرْ فِي هَدَدْعَازَرْ مَلِكْ صُوبَةْ الْفِي حَمَاتْ. وَ دَا، فِي الْوَكِتْ الْهَدَدْعَازَرْ دَوَّرْ يِوَسِّعْ حُكْمَهْ لَحَدِّي مَنْطَقَةْ بَحَرْ الْفُرَاتْ.

1 أخبار 5:9

وَ فِي الصَّبَاحْ كَمَانْ، هُمَّنْ سَكَنَوْا فِي خَشُمْ الصَّحَرَاء الْمَاشِي لَحَدِّي بَحَرْ الْفُرَاتْ أَشَانْ هُمَّنْ عِنْدُهُمْ بَهَايِمْ كَتِيرِينْ فِي بَلَدْ قِلْعَادْ.

رُؤية 9:14

وَ الْحِسّ حَجَّى لِلْمَلَكْ السَّادِسْ الْعِنْدَهْ بُرُنْجِي فِي إِيدَهْ وَ قَالْ: «حِلّ الْمَلَائِكَةْ الْأَرْبَعَةْ الْمَرْبُوطِينْ فِي الْبَحَرْ الْكَبِيرْ وَ هُو الْفُرَاتْ.»

1 مُلوك 4:21

وَ الْمَلِكْ سُلَيْمَانْ حَكَمْ فِي كُلَّ الْمَمَالِكْ مِنْ بَحَرْ الْفُرَاتْ وَ بَلَدْ الْفِلِسْطِيِّينْ لَحَدِّي حُدُودْ بَلَدْ مَصِرْ. وَ هُمَّنْ دَوْل يِكَفُّوا الْمِيرِي وَ يَخْدُمُوا لِلْمَلِكْ سُلَيْمَانْ فِي كُلَّ مُدَّةْ حَيَاتَهْ.

عَزْرا 4:20

وَ الْمَدِينَةْ دِي زَمَانْ عِنْدَهَا مُلُوكْ قَوِيِّينْ الْحَكَمَوْا كُلَّ الْمَنْطَقَةْ الْغَرِبْ لِبَحَرْ الْفُرَاتْ وَ النَّاسْ كَفَّوْا لَيْهُمْ الْمِيرِي وَ الزَّكَاةْ وَ أَيِّ شَيّءْ الْوَاجِبْ يِكَفُّوهْ لِلْمَلِكْ.

1 مُلوك 10:29

وَ أَيِّ عَرَبَةْ الْيِجِيبُوهَا مِنْ مَصِرْ تَمَنْهَا 600 حَجَرْ فُضَّةْ وَ أَيِّ جُوَادْ تَمَنَهْ 150 حَجَرْ فُضَّةْ. وَ بِنَفْس التَّمَنْ دَا بَسْ، التُّجَّارْ قَاعِدِينْ يِجِيبُوا عَرَبَاتْ وَ خَيْل لِمُلُوكْ الْحِتِّيِّينْ وَ لِمُلُوكْ بَلَدْ أَرَامْ كُلَ.