يَشُوع 1:2 - الكتاب المقدس بالعربي الدارجي هنا تشاد

² «عَبْدِي مُوسَى مَاتْ. هَسَّعْ قُمّ، إِنْتَ وَ كُلَّ الشَّعَبْ. أَقْطَعَوْا بَحَرْ الْأُرْدُنْ وَ أَمْشُوا لِلْبَلَدْ الْأَنَا نَنْطِيهَا لَيْكُو إِنْتُو بَنِي إِسْرَائِيلْ.

يَشُوع 1:2 Referenca të Kryqëzuara

تَثْنِية 3:28

أَنْطِي أَمُرْ لِيَشُوعْ وَ خَلِّي يَبْقَى شَدِيدْ وَ فَحَلْ أَشَانْ هُو بَسْ الْيَقْطَعْ بَحَرْ الْأُرْدُنْ فِي رَاسْ الشَّعَبْ دَا وَ هُو بَسْ الْيَنْطِيهُمْ وَرَثَةْ الْبَلَدْ الْإِنْتَ قَاعِدْ تِشِيفْهَا.»

تَثْنِية 31:7

وَ مُوسَى نَادَاهْ لِيَشُوعْ قِدَّامْ كُلَّ بَنِي إِسْرَائِيلْ وَ قَالْ لَيَّهْ: أَبْقَى شَدِيدْ وَ فَحَلْ أَشَانْ إِنْتَ بَسْ التَّدْخُلْ مَعَ الشَّعَبْ دَا فِي الْبَلَدْ الْفِي شَانْهَا اللّٰهْ حَلَفْ لِجُدُودْهُمْ وَ قَالْ يَنْطِيهَا لَيْهُمْ. وَ إِنْتَ بَسْ التَّنْطِيهُمْ الْبَلَدْ دِي وَرَثَةْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

يَشُوع 1:11

«أَدْخُلُوا الْفَرِيقْ وَ آمُرُوهُمْ لِلشَّعَبْ وَ قُولُوا لَيْهُمْ: ‹كُلُّكُو جَهُّزُوا زَادْكُو. أَشَانْ فِي تَلَاتَةْ يَوْم تَقْطَعَوْا بَحَرْ الْأُرْدُنْ وَ تَدْخُلُوا فِي الْبَلَدْ الْيَنْطِيهَا لَيْكُو اللّٰهْ إِلٰـهْكُو وَ تِشِيلُوهَا.›»

يَشُوع 1:1

وَ بَعَدْ مَوْت مُوسَى عَبْد اللّٰهْ، اللّٰهْ قَالْ لِيَشُوعْ وِلَيْد نُونْ مُسَاعِدْ مُوسَى:

عَدد 12:7

وَ لَاكِنْ دَا مَا مِثِلْ أَنَا قَاعِدْ نِسَوِّيهْ مَعَ مُوسَى عَبْدِي أَشَانْ هُو رَاجِلْ أَمِينْ فِي كُلَّ شَعَبِي.

تَثْنِية 34:5

وَ مُوسَى عَبْد اللّٰهْ مَاتْ فِي الْبَكَانْ دَا، فِي بَلَدْ مُوَابْ وَ دَا حَسَبْ أَمُرْ اللّٰهْ.

أيُّوب 1:8

وَ اللّٰهْ سَأَلَهْ لِإِبْلِيسْ وَ قَالْ لَيَّهْ: «إِنْتَ مَا شِفْت عَبْدِي أَيُّوبْ وَلَّا؟ مَا فِي نَادُمْ مِثْلَهْ فِي الْأَرْض. هُو نَادُمْ كَامِلْ وَ عَدِيلْ وَ خَايِفْ مِنِّي أَنَا الرَّبّ وَ مُبَعِّدْ مِنْ الْفَسَالَةْ.»

تكوين 17:8

وَ نَنْطِيكْ إِنْتَ وَ ذُرِّيّتَكْ كُلَّ التُّرَابْ هَنَا بَلَدْ كَنْعَانْ الْإِنْتَ سَاكِنْ فَوْقهَا أَجْنَبِي. وَ الْبَلَدْ دِي تَبْقَى وَرَثَتْهُمْ إِلَى الْأَبَدْ وَ أَنَا نَبْقَى إِلٰـهُّمْ.»

نَحَمْيا 9:23

وَ إِنْتَ سَوَّيْت ذُرِّيِّتْهُمْ كَتِيرِينْ مِثِلْ نُجُومْ السَّمَاءْ وَ جِبْتُهُمْ فِي الْبَلَدْ الْوَاعَدْت بَيْهَا جُدُودْهُمْ وَ قُلْت يِشِيلُوهَا وَ يَقْعُدُوا فَوْقهَا.