يَشُوع 1:17 - الكتاب المقدس بالعربي الدارجي هنا تشاد

¹⁷ وَ مِثِلْ سِمِعْنَا كَلَامْ مُوسَى فِي أَيِّ شَيّءْ، نَسْمَعَوْا كَلَامَكْ إِنْتَ كُلَ. وَ خَلِّي اللّٰهْ إِلٰـهَكْ يُكُونْ مَعَاكْ مِثِلْ كَانْ مَعَ مُوسَى.

يَشُوع 1:17 Referenca të Kryqëzuara

يَشُوع 1:5

فِي كُلَّ مُدَّةْ حَيَاتَكْ، مَا فِي نَادُمْ الْيَقْدَرْ يَقِيفْ قِدَّامَكْ. وَ أَنَا نُكُونْ مَعَاكْ مِثِلْ كُنْت مَعَ مُوسَى وَ لَا نَابَاكْ وَ لَا نِخَلِّيكْ.

1 مُلوك 1:37

وَ مِثِلْ اللّٰهْ كَانْ مَعَ سِيدِي الْمَلِكْ، خَلِّي يُكُونْ مَعَ سُلَيْمَانْ كُلَ. وَ يِعَلِّي دَرَجَةْ حُكْمَهْ زِيَادَةْ مِنْ دَرَجَةْ سِيدِي الْمَلِكْ دَاوُدْ.»

يَشُوع 1:9

وَ أَذَّكَّرْ كَدَرْ أَنَا أَمَرْتَكْ أَبْقَى شَدِيدْ وَ فَحَلْ. مَا تَرْجِفْ وَ لَا تَخَافْ أَشَانْ أَنَا اللّٰهْ إِلٰـهَكْ نُكُونْ مَعَاكْ فِي أَيِّ بَكَانْ الْإِنْتَ تَمْشِي فَوْقَهْ.»

مَتَّى 21:9

وَ نَاسْ كَتِيرِينْ جَايِينْ مَعَ عِيسَى قِدَّامَهْ وَ وَرَايَهْ وَ كُلُّهُمْ قَاعِدِينْ يَشْكُرُوا بِحِسّ عَالِي وَ يُقُولُوا: «الْمَجْد لِإِبْن دَاوُدْ! <مَبْرُوكْ لِلنَّادُمْ الْجَايِ بِأُسُمْ اللّٰهْ!><أَحْمُدُوا اللّٰهْ فِي الْعَالِي!>»

زَبُور 20:9

يَا اللّٰهْ! نَجِّي الْمَلِكْ وَ رُدّ لَيْنَا يَوْم نِنَادُوكْ!

زَبُور 20:4

خَلِّي يَنْطِيكْ الْقَلْبَكْ بِدَوْرَهْ وَ خَلِّي يِحَقِّقْ كُلَّ مُنَاكْ.

زَبُور 20:1

خَلِّي اللّٰهْ يُرُدّ لَيْك فِي يَوْم الضِّيقَةْ وَ خَلِّي أُسُمْ إِلٰـهْ يَعْقُوبْ يَحْفَضَكْ!

1 أخبار 28:20

وَ خَلَاصْ، دَاوُدْ قَالْ لِوِلَيْدَهْ سُلَيْمَانْ: «أَبْقَى شَدِيدْ وَ فَحَلْ وَ أَبْدَا الْخِدْمَةْ. مَا تَخَافْ وَ لَا تِنْبَهِتْ أَشَانْ الرَّبّ اللّٰهْ إِلٰـهِي قَاعِدْ مَعَاكْ. هُو مَا يِخَلِّيكْ وَ مَا يَابَاكْ لَحَدِّي كُمَالَةْ كُلَّ الْخِدْمَةْ هَنَا بَيْت اللّٰهْ.

1 صَمُوِيل 20:13

وَ لَاكِنْ خَلِّي اللّٰهْ يِعَاقِبْنِي عِقَابْ شَدِيدْ كَنْ أَنَا مَا خَبَّرْتَكْ كَدَرْ أَبُويِ يِدَوْر يِسَوِّي لَيْك شَيّءْ فَسِلْ وَ مَا خَلَّيْتَكْ مَشَيْت بِالسَّلَامَةْ! خَلِّي اللّٰهْ يُكُونْ مَعَاكْ مِثِلْ هُو كَانْ مَعَ أَبُويِ أَوَّلْ.

يَشُوع 1:16

وَ هُمَّنْ رَدَّوْا لِيَشُوعْ وَ قَالَوْا لَيَّهْ: «كُلَّ شَيّءْ الْإِنْتَ أَمَرْتِنَا بَيَّهْ، أَنِحْنَ نِسَوُّوهْ. وَ أَيِّ بَكَانْ التِّرَسِّلْنَا فَوْقَهْ، نَمْشُوا.

يَشُوع 1:18

وَ أَيِّ نَادُمْ الْعِصِي أَمْرَكْ وَ مَا يَسْمَعْ كَلَامَكْ التُّقُولَهْ فِي أَيِّ شَيّءْ، نَكْتُلُوهْ. أَيْوَى، أَبْقَى شَدِيدْ وَ فَحَلْ!»

عَدد 27:18

وَ اللّٰهْ رَدَّ لِمُوسَى وَ قَالْ: «شِيلْ يَشُوعْ وِلَيْد نُونْ الرُّوحِي قَاعِدَةْ فَوْقَهْ وَ خُطّ إِيدَكْ فَوْقَهْ.

عَدد 27:20

وَ أَنْطِيهْ مَسْؤُولِيَّةْ مِنْ مَسْؤُولِيّتَكْ أَشَانْ مُجْتَمَعْ بَنِي إِسْرَائِيلْ يِطِيعُوا أَمْرَهْ.

تَثْنِية 34:9

وَ يَشُوعْ وِلَيْد نُونْ مَلَانْ بِرُوحْ الْحِكْمَةْ أَشَانْ مُوسَى خَطَّ فَوْقَهْ إِيدَهْ. وَ بَنِي إِسْرَائِيلْ يَسْمَعَوْا كَلَامَهْ وَ يِسَوُّوا كُلَّ شَيّءْ مِثِلْ اللّٰهْ أَمَرْ بَيَّهْ مُوسَى.

يَشُوع 4:14

وَ فِي الْيَوْم دَا، اللّٰهْ كَبَّرْ يَشُوعْ فِي عُيُونْ كُلَّ بَنِي إِسْرَائِيلْ وَ هُمَّنْ كَرَّمَوْه مِثِلْ أَوَّلْ كَرَّمَوْا مِنْ مُوسَى فِي حَيَاتَهْ.

1 صَمُوِيل 17:37

وَ دَاوُدْ قَالْ: «اللّٰهْ النَّجَّانِي مِنْ الدُّودْ وَ الدُّبّ، هُو يَقْدَرْ يِنَجِّينِي مِنْ الْفِلِسْطِي دَا.» وَ شَاوُولْ قَالْ لِدَاوُدْ: «أَمْشِي! اللّٰهْ مَعَاكْ.»

2 صَمُوِيل 14:17

وَ أَنَا فَكَّرْت كَدَرْ كَلَامَكْ إِنْتَ الْمَلِكْ يِصَبِّرْنِي مِنْ الْمُشْكِلَةْ دِي. وَ سِيدِي الْمَلِكْ، هُو مِثِلْ مَلَكْ اللّٰهْ الْيَسْمَعْ الزَّيْن وَ الْفَسِلْ. خَلِّي اللّٰهْ إِلٰـهَكْ يُكُونْ مَعَاكْ.»