يَشُوع 1:14 - الكتاب المقدس بالعربي الدارجي هنا تشاد

¹⁴ هَسَّعْ دَا، عَوِينْكُو وَ عِيَالْكُو وَ بَهَايِمْكُو يَقْعُدُوا هِنِي فِي الْبَلَدْ الْأَنْطَاهَا لَيْكُو مُوسَى، صَبَاحْ لِبَحَرْ الْأُرْدُنْ. وَ لَاكِنْ إِنْتُو كُلُّكُو الرُّجَالْ الْفُرَّاسْ، جَهُّزُوا لِلْحَرِبْ وَ أَمْشُوا قِدَّامْ أَخْوَانْكُو وَ سَاعُدُوهُمْ.

يَشُوع 1:14 Referenca të Kryqëzuara

رُؤية 17:4

وَ الْمَرَةْ لَابْسَةْ لُبَاسْ لَوْنَهْ قَرَضِي وَ أَحْمَرْ تُشْو وَ زِينَةْ كَتِيرَةْ هَنَا دَهَبْ وَ فَارُوسْ وَ لُؤلُؤ. وَ عِنْدَهَا كَاسْ هَنَا دَهَبْ فِي إِيدْهَا وَ الْكَاسْ مَلَانْ بِخُمَامْ مُحَرَّمْ وَ نِجِسْ الْيِمَثِّلْ زِنَاهَا.

تَثْنِية 20:8

وَ الْمُرَاقِبِينْ يِحَجُّوا لِلشَّعَبْ وَ يُقُولُوا: «يَاتُو الْخَافْ وَ قَلْبَهْ أَنْقَطَعْ؟ النَّادُمْ دَا، خَلِّي يِقَبِّلْ بَيْتَهْ أَشَانْ مَا يِجِيبْ الْخَوْف لِأَخْوَانَهْ وَ يَبْقَوْا مِثْلَهْ.»

خُروج 13:18

وَ الرَّبّ وَدَّاهُمْ عَلَيْ الصَّحَرَاء بِدَرِبْ آخَرْ الْيِعَدِّي بِالْبَحَرْ الْأَحْمَرْ. وَ بَنِي إِسْرَائِيلْ مَرَقَوْا مِنْ مَصِرْ جَاهِزِينْ لِلْحَرِبْ.

عَدد 32:26

هَسَّعْ دَا، عِيَالْنَا وَ عَوِينَّا وَ بَهَايِمْنَا وَ كُلَّ مَالْنَا يَقْعُدُوا هِنِي فِي مُدُنْ قِلْعَادْ.

تَثْنِية 3:19

إِلَّا عَوِينْكُو وَ عِيَالْكُو وَ مَالْكُو يَقْعُدُوا فِي الْحِلَّالْ الْأَنَا أَنْطَيْتهُمْ لَيْكُو. وَ أَنَا نَعَرِفْ كَدَرْ إِنْتُو عِنْدُكُو مَالْ كَتِيرْ.

يَشُوع 1:13

«أَذَّكَّرَوْا الْأَمُرْ الْأَنْطَاكُو مُوسَى عَبْد اللّٰهْ، وَكِتْ قَالْ: ‹اللّٰهْ إِلٰـهْكُو أَنْطَاكُو الْبَلَدْ دِي وَ رَاحَةْ.›

يَشُوع 1:15

سَاعُدُوا أَخْوَانْكُو لَحَدِّي اللّٰهْ يَنْطِيهُمْ الرَّاحَةْ مِثِلْكُو وَ هُمَّنْ كُلَ يِشِيلُوا الْأَرْض الْأَنْطَاهَا لَيْهُمْ اللّٰهْ إِلٰـهْكُو. وَ بَعَدْ دَا، تِقَبُّلُوا فِي أَرْض وَرَثَتْكُو، صَبَاحْ لِبَحَرْ الْأُرْدُنْ، الْأَنْطَاهَا لَيْكُو مُوسَى عَبْد اللّٰهْ.»

تَثْنِية 33:21

وَ هُو خَطَّ عَيْنَهْ فِي الْأَرْض الْأَحْسَنْ وَ فِي بَكَانْ الْفَوْقَهْ قِسِمْ الْمَلِكْ. وَ هُو قَدَّمْ لِلشَّعَبْ وَ طَبَّقْ عَدَالَةْ اللّٰهْ وَ شُرُوطَهْ فِي بَنِي إِسْرَائِيلْ.

يَشُوع 4:12

وَ الْمَشَوْا أَوَّلْ مِنْ بَنِي إِسْرَائِيلْ هُمَّنْ قَبِيلَةْ رَأُوبِينْ وَ قَبِيلَةْ قَادْ وَ نُصّ قَبِيلَةْ مَنَسَّى. وَ هُمَّنْ مَشَوْا بِنِظَامْ هَنَا حَرِبْ قِدَّامْ بَنِي إِسْرَائِيلْ مِثِلْ أَوَّلْ مُوسَى قَالَهْ لَيْهُمْ.